រាជធានីភ្នំពេញ ៖ សាលាដំបូងរាជធានីភ្នំពេញ នៅថ្ងៃទី០៣ មករា ២០១៤ បានសម្រេចធ្វើការឃុំខ្លួនយុវជន ជាក្រុមហិតកាវ០២នាក់ ដែលបានព្រួតគ្នាវាយសម្លា.ប់មិត្តភក្តិ រួចប្រមូលសម្រាមដុតសពចោល គ្រាន់តែរឿងជំពាក់ប្រាក់០៥ម៉ឺនរៀល ។
រាជធានីភ្នំពេញ ៖ សាលាដំបូងរាជធានីភ្នំពេញ នៅថ្ងៃទី០៣ មករា ២០១៤ បានសម្រេចធ្វើការឃុំខ្លួនយុវជន ជាក្រុមហិតកាវ០២នាក់ ដែលបានព្រួតគ្នាវាយសម្លាប់មិត្តភក្តិ រួចប្រមូលសម្រាមដុតសពចោល គ្រាន់តែរឿងជំពាក់ប្រាក់០៥ម៉ឺនរៀល ។
ជនជាប់សង្ស័យមា្នក់ ឈ្មោះប៊ុន វ៉ែន ភេទប្រុស អាយុ១៩ឆ្នាំ និងម្នាក់ទៀតឈ្មោះចាន់ ចំរើន ភេទប្រុស អាយុ១៥ឆ្នាំ ជាយុវជនអនាថានិងជាក្រុមញៀនថ្នាំហិតកាវ មុខរបរគ្មានអ្វីក្រៅពីដើរលួច ។ ជនសង្ស័យ២នាក់ត្រូវបានលោកហៀង សុភក្រ័ ព្រះរាជអាជ្ញារងអមសាលាដំបូងរាជធានីភ្នំពេញ ធ្វើការចោទប្រកាន់ពីបទ(ឃាតកម្ម) តាមមាត្រា១៩៩ នៃក្រមព្រហ្មទណ្ឌព្រះរាជាណាចក្រកម្ពុជា ដែលច្បាប់នេះតម្រូវដាក់ពន្ធនាគារលើជនត្រូវចោទពី១០ទៅ២០ឆ្នាំ។ ក្រោយពីតំណាងអយ្យការបានធ្វើការចោទប្រកាន់ជាផ្លូវការ ហើយសំណុំរឿងនោះបានចាត់បញ្ជួនទៅខាងចៅក្រមស៊ើបសួរ បន្ទាប់មក ខាងចៅក្រមបានសម្រេចឃុំខ្លួនយុវជន២នាក់នេះដាក់ពន្ធនាគារជាបណ្តោះអាសន្នរង់ចាំបើកសវនាការផ្តន្ទាទោសតាមផ្លូវច្បាប់ ។
គួរបញ្ជាក់ថា អំពើឃាតកម្មនោះ បានកើតឡើងកាលពីវេលាម៉ោង៨និង៤០នាទីយប់ថ្ងៃទី២៨ មករា ស្ថិតនៅក្នុងដីឡូត៍មួយកន្លែងតាមបណ្តោយផ្លូវវ៉េងស្រេង សង្កាត់ចោមចៅ ខណ្ឌពោធិ៍សែនជយ័ ដែលជនសង្ស័យបានបបួលមិត្តភក្តិយកទៅវាយសម្លាប់ ហើយថែមទាំងដុតសាកសពចោល គ្រាន់តែរឿងជំពាក់ប្រាក់០៥ម៉ឺនរៀលប៉ុណ្ណោះ ។ សពជនរងគ្រោះត្រូវបានគេប្រទះឃើញ កាលពីថ្ងៃទី០១ កុម្ភៈ ២០១៤ ដែលនៅសល់តែគ្រោងឆ្អឹងក្នុងគំនរផេះផង់ ៕
ចែករំលែកព័តមាននេះ