ឆាយ មាស ហាលអាវក្រោមដៃ ភួង ពិសិដ្ឋ យ៉ាងអាម៉ាស់
- ភ្នំពេញ
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ការប្រកួតជ្រើសរើសជើងឯកប៉ុស្តិ៍លេខ៥ កាលពីរាត្រីថ្ងៃទី២៧ ខែកក្កដា កីឡាករ ភួង ពិសិដ្ឋ បង្គោលខៀវ…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ការប្រកួតជ្រើសរើសជើងឯកប៉ុស្តិ៍លេខ៥ កាលពីរាត្រីថ្ងៃទី២៧ ខែកក្កដា កីឡាករ ភួង ពិសិដ្ឋ បង្គោលខៀវ…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ការប្រកួតជ្រើសរើសជើងឯកប៉ុស្តិ៍លេខ៥ កាលពីរាត្រីថ្ងៃទី២៧ ខែកក្កដា កីឡាករ ភួង ពិសិដ្ឋ បង្គោលខៀវ បានវាយបំបាក់កីឡាករបង្គោលក្រហម ឆាយ មាស ដែលជាជើងខ្លាំង ឱ្យធ្លាក់ហាល អាវយ៉ាងអាមាស់។ នេះជាការប្រកួតរដូវកាលទី៦ ដោយគូប្រកួតមួយគូនោះ ទម្រាំរកឃើញចាញ់ឈ្នះ គឺម្នាក់ៗប្រឹងប្រកួតយ៉ាងចាស់ដៃ។
កម្មវិធីប្រកួតកីឡាប្រដាល់កំពូលជើកឯក TV 5 BOXING KNOCK OUT SERIES (k-Cement) ដែលជាកម្មវិធីប្រដាល់ជ្រើសរើសជើងឯកកំពុងតែទទួលបានសំឡេងគាំទ្រមួយនេះ បានធ្វើឱ្យម្នាក់ៗមាន ការចាប់អារម្មណ៍យ៉ាងខ្លាំង ដោយការប្រកួតនៅក្នុងថ្ងៃនោះគេឃើញមានអ្នកគាំទ្រយ៉ាងច្រើនលើសលុប។ ហ្វេនៗដែលកកកុញនៅក្នុងថ្ងៃនោះ សុទ្ធតែធ្វើឲ្យអ្នកប្រដាល់មានទឹកចិត្តរំភើប ខណៈដែលគូប្រយុទ្ធទាំងពីរក៏វាយប្រយុទ្ធគ្នាទាក់ភ្នែកតបនឹងការគាំទ្រ។
កីឡាករ ឆាយ មាស មកពីក្លិបសំរោងកោង កីឡាខេត្តបាត់ដំបងប៉ះជាមួយកីឡាករ ភួង ពិសិដ្ឋ មកពីក្លិបរាជសីខេត្តរតនៈគិរី។ មួយគូដណ្តើមពានទម្ងន់៦០គីឡូក្រាមនេះ បានក្លាយជាគូតាមដានខ្លាំងរបស់អ្នកមកទស្សនា ដើម្បីអ៊ុតមើលថា កីឡាករណាបានកៅអីមួយកន្លែងទៀតនាជុំទី២។
ងាកមកការប្រយុទ្ធចាប់ពីទឹកទី១ មកឃើញថា វៃគ្នាតទៅតមកមិនមានអ្នកណាលើអ្នកណាឡើយ។ ចូលមកទឹកទី២ ភួង ពិសិដ្ឋ ចាប់ផ្តើមដណ្តើមបានភាពទាក់ទាញវាយចេញមកមានផ្លែល្អទាំងម៉ាត់ជង្គង់ កែងចំភាគីម្ខាងទៀត បង្កឲ្យដេកដួលកាន់តែសម្លឹងឃើញឱកាសបំបាក់គូប្រកួត។ ទឹកទី៣ ជាទឹកចុងក្រោយ ការវាយរបស់ពិសិដ្ឋ មានសន្ទុះទៅមុខមិនឲ្យដៃគូតតាំងបានវាយចំកន្លែងបានពិន្ទុវាយ រហូតទាល់តែប្រកាសឲ្យឈ្នះឆ្ពោះទៅកាន់ជុំទី២តែម្តង។
ភួង ពិសិដ្ឋ និយាយថា ខ្លួនចូលប្រកួតលក្ខណៈពាន២លើកមុនសុទ្ធតែចាញ់ជុំទី១ ឬទី២។ ទើបតែលើកនេះ សម្រេចមប្រកួតទៀតឆ្លងផុតជុំទី១ ដោយរំពឹងថា តង់ទី២ និងជោគជ័យអាចធ្វើបានល្អទៀត។ អ្វីដែលព្យយាម គឺការហាត់រៀនក៏ត្រូវបន្ថែមឲ្យខ្លាំងមិនអាចបណ្តោយៗបាននោះទេ អាចជ្រុះឱកាសក៏ថាបាន។ (កែសម្រួលដោយ ៖ បុប្ផា)
ចែករំលែកព័តមាននេះ