ខេត្តកំពង់ស្ពឺ ៖ នាង ចំរើន ជាឈ្មោះមេជ្រូក១ក្បាល មានទម្ងន់ជិត២០០គីឡូក្រាម ត្រូវបានព្រះសង្ឃដាក់ឈ្មោះឱ្យ ដែលពេលនេះបានលាកូននេនវត្តក្រយា ទៅកាន់ដែនដីដ៏សែនឆ្ងាយ មិនវិលត្រឡប់មកវិញឡើយ…
ខេត្តកំពង់ស្ពឺ ៖ នាង ចំរើន ជាឈ្មោះមេជ្រូក១ក្បាល មានទម្ងន់ជិត២០០គីឡូក្រាម ត្រូវបានព្រះសង្ឃដាក់ឈ្មោះឱ្យ ដែលពេលនេះបានលាកូននេនវត្តក្រយា ទៅកាន់ដែនដីដ៏សែនឆ្ងាយ មិនវិលត្រឡប់មកវិញឡើយ ។ ពិតណាស់ ដោយសារតែការបន្សល់ទុកស្នាមអនុស្សាវរីយ៍យូរឆ្នាំនៅក្នុងវត្ត គ្រប់អង្គមានក្តីក្តុកក្តួលពេលនាងចំរើន ទៅមិនវិលត្រឡប់ដូច្នេះ ។
សម្រាប់កូននេនដែលធ្លាប់ជិះធ្លាប់លេង ធ្លាប់ហៅឱ្យដើរតាម និងធ្លាប់ឱ្យចំណីធាត់ឡើងមូលដើរលែងចង់រួច ដោយក្តីមេត្តាធម៌ ពិតជាមិនអាចបំភ្លេចបានភ្លាមៗឡើយ ។
ប្រវត្តិនាងចំរើននេះ ត្រូវបានគេដឹងថា ត្រូវបានគ្រួសារកសិករមួយ បានជាវពីអ្នកលក់ដឹកតាមម៉ូតូ ។ បន្ទាប់ពីទិញហើយ កសិកររូបនោះមិនបានដឹងច្បាស់ថា ជាសត្វដែលមានក្រចកប្រាំទេ ។ តាមប្រពៃណីជំនឿខ្មែរជំនាន់ដើម លោកថា បើគ្រាន់តែចិញ្ចឹមមិនយកទៅសម្លាប់នោះ វាមិនអីទេ ប៉ុន្តែបើចិញ្ចឹមយកសាច់ឬលក់នឹងមានអន្តរាយ កើតមានដល់គ្រួសារដែលចិញ្ចឹម។
ចាស់ៗខ្លះថា ជ្រូកក្រចក៥ ជាមនុស្សចាប់ជាតិ មិនឱ្យចិញ្ចឹមទេនាំចង្រៃ ។ ដោយសារតែការជឿតៗគ្នាបែបនេះ ទើបបានជាកសិករនាំយកមកប្រគេនព្រះសង្ឃនៅវត្តក្រយារហូតមកដល់សព្វថ្ងៃ ។ ពេលនាងចំរើន ស្លាប់ ដោយចាស់ជរា សពនាង ចំរើន បានបូជាដោយព្រះអគ្គីនៅថ្ងៃដដែលនោះ វេលាម៉ោង៨ព្រឹកទៅតាមប្រពៃណីព្រះពុទ្ធសាសនា ដោយសង្ឃឹមថា នាង ចំរើន នឹងបានចាប់ជាតិជាមនុស្សសម្រាប់ជាតិ
ក្រោយ ៕
ចែករំលែកព័តមាននេះ