រាជធានីភ្នំពេញ ៖ រថយន្តកាមរីគូទហើម ១គ្រឿង ខណៈពេលកំពុងធ្វើដំណើរតាមដងផ្លូវ ស្រាប់តែឆ្លងភ្លើងឆេះហុយទ្រលោមបង្កការភ្ញាក់ផ្អើល កាលពីវេលាម៉ោង ៩ និង ៥០នាទី យប់ថ្ងៃទី៣០ មករា ២០១៤ នៅតាមបណ្តោយផ្លូវភ្នំពេញ-ហាណូយ ស្ថិតក្នុងសង្កាត់ភ្នំពេញថ្មី ខណ្ឌសែនសុខ ខាងជើងសាលាខណ្ឌ ២០០ម៉ែត្រ។
រាជធានីភ្នំពេញ ៖ រថយន្តកាមរីគូទហើម ១គ្រឿង ខណៈពេលកំពុងធ្វើដំណើរតាមដងផ្លូវ ស្រាប់តែឆ្លងភ្លើងឆេះហុយទ្រលោមបង្កការភ្ញាក់ផ្អើល កាលពីវេលាម៉ោង ៩ និង ៥០នាទី យប់ថ្ងៃទី៣០ មករា ២០១៤ នៅតាមបណ្តោយផ្លូវភ្នំពេញ-ហាណូយ ស្ថិតក្នុងសង្កាត់ភ្នំពេញថ្មី ខណ្ឌសែនសុខ ខាងជើងសាលាខណ្ឌ ២០០ម៉ែត្រ។
តាមប្រភពព័ត៌មាន បានឲ្យដឹងថា មុនពេលកើតហេតុ គេបានឃើញរថយន្តកាមរីគូទហើម ១គ្រឿង ពណ៌សម្បកឳឡឹក ពាក់ស្លាកលេខ ភ្នំពេញ 2C-3699 បើកបរដោយបុរសម្នាក់ស្រវឹងស្រា ធ្វើដំណើរយ៉ាងលឿនទិសដៅពីត្បូងទៅជើង លុះមកដល់មុខសណ្ឋាគារ អង្គរជុំ ស្រាប់តែរថយន្តឆ្លងភ្លើងឆេះហុយផ្សែងតែម្តង បង្កការភ្ញាក់ផ្អើលប្រជាពលរដ្ឋនាំគ្នាជួយយកបំពង់ពន្លត់អគ្គីភ័យបាញ់ពន្លត់ ហើយសមត្ថកិច្ចក៏បានអន្តរាគមន៍ហៅរថយន្តពន្លត់អគ្គីភ័យ ១គ្រឿង មកថែមទៀតផង។
ក្រោយភ្លើងរលត់ ម្ចាស់រថយន្តបានស្ទូចយករថយន្តរបស់ខ្លួនទៅធ្វើការជួសជុលដោយខ្លួនឯង៕
ចែករំលែកព័តមាននេះ