រាជធានីភ្នំពេញ ៖ មជ្ឈមណ្ឌលជាតិស្តារលទ្ធភាព ពលកម្ម គៀនឃ្លាំង បានប្រារព្ធទិវាកំចាត់ជំងឺឃ្លង់ ឬហង់សិន ពិភពលោក ៣១ មករា ២០១៤ ដោយមានការចូលរួមពីសំណាក់អ្នករងគ្រោះដោយសារជំងឺឃ្លង់ សិស្ស និស្សិតផ្នែកសុខាភិបាល ហើយក៏មានការអញ្ជើញចូលរួមជាអធិបតីសំណាក់លោកម៉ម ប៊ុនហេង រដ្ឋមន្ត្រីក្រសួងសុខាភិបាល លោកសែម សុខា រដ្ឋលេខាធិការក្រសួង
រាជធានីភ្នំពេញ ៖ មជ្ឈមណ្ឌលជាតិស្តារលទ្ធភាព ពលកម្ម គៀនឃ្លាំង បានប្រារព្ធទិវាកំចាត់ជំងឺឃ្លង់ ឬហង់សិន ពិភពលោក ៣១ មករា ២០១៤ ដោយមានការចូលរួមពីសំណាក់អ្នករងគ្រោះដោយសារជំងឺឃ្លង់ សិស្ស និស្សិតផ្នែកសុខាភិបាល ហើយក៏មានការអញ្ជើញចូលរួមជាអធិបតីសំណាក់លោកម៉ម ប៊ុនហេង រដ្ឋមន្ត្រីក្រសួងសុខាភិបាល លោកសែម សុខា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា ភ្ញៀវជាតិ និងអន្តរជាតិជាច្រើនផងដែរ ។ កម្មវិធីនេះ ធ្វើឡើងកាលពីព្រឹកថ្ងៃទី៣០ មករា ២០១៤ នៅមជ្ឈមណ្ឌលជាតិស្តារលទ្ធភាពពលកម្ម គៀនឃ្លាំង ស្ថិតនៅសង្កាត់ជ្រោយចង្វា ខណ្ឌឫស្សីកែវ ។
ក្នុងឱកាសនោះលោក ម៉ម ប៊ុនហេង រដ្ឋមន្ត្រីក្រសួងសុខាភិបាល បានមានប្រសាសន៍ថា ដូចយើងដឹងស្រាប់ហើយថា ជាយូរលង់មកហើយ ជំងឺឃ្លង់ ឬហង់សិន ជាជំងឺដែលព្យាបាលមិនជាឡើយ អ្នកជំងឺរស់នៅដោយទទួលរងការឈឺចាប់ខ្លួនឯង និងគ្រួសាររងទុក្ខដោយគ្មានក្តីសង្ឃឹម ។ សព្វថ្ងៃនេះ យើងមានការធ្វើរោគវិនិច្ឆ័យជាក់លាក់សមស្រប និងការព្យាបាលជំងឺហង់សិន ឱ្យជាសះស្បើយ និងដោយមិនគិតថ្លៃ ព្រមទាំងមាននៅថ្នាក់មណ្ឌលសុខភាពទៀតផង ។ ចំពោះកម្ពុជា ជំងឺហង់សិន ជាជំងឺអាទិភាពមួយក្នុងចំណោមបណ្តាជំងឺឆ្លងជាអាទិភាពរបស់ក្រសួងសុខាភិបាល ។
លោកបន្តថា កម្មវិធីជាតិកំចាត់រោគហង់សិន នៃក្រសួងសុខាភិបាលបានសម្រេចគោលដៅនៃការកាត់បន្ថយជំងឺហង់សិន ដែលជាបញ្ហាសុខភាពសាធារណៈចាប់តាំងពីឆ្នាំ១៩៩៨ មកម៉្លេះ ពោលគឺប្រេវ៉ាឡង់តិចជាងមួយករណី ក្នុងចំណោមប្រជាជន១០.០០០នាក់ ។ ចាប់តាំងពីពេលនោះមកអត្រាប្រេវ៉ាឡង់ បានធ្លាប់ចុះជាបន្តបន្ទាប់ដែលអត្រានេះ មានកម្រិត០,២០ករណី លើប្រជាជន១០.០០០នាក់ ហើយនៅឆ្នាំ២០១៣ មានអ្នកជំងឺរកឃើញថ្មីចំនួន៣៧៦ករណី ។ យើងកំពុងរៀបចំយុទ្ធសាស្ត្រលុបបំបាត់ទាំងស្រុងជំងឺហង់សិន ដែលឆ្នាំនេះយើងកំពុងចាប់ផ្តើមនៅខេត្តកណ្តាល ។
ចែករំលែកព័តមាននេះ