១-ដើម្បីសុខភាព
បុរសឥណ្ឌា ប្រើដៃទាំងពីរបង្វិលកង់ហាត់ប្រាណនៅក្នុងឧទ្យានសាធារណៈ ក្នុងក្រុងអាម៉េដដាបាត ភាគខាងលិចប្រទេសឥណ្ឌា ដែលមានបំពាក់ឧបករណ៍ហាត់ប្រាណជាច្រើនកន្លែង ។
១-ដើម្បីសុខភាព
បុរសឥណ្ឌា ប្រើដៃទាំងពីរបង្វិលកង់ហាត់ប្រាណនៅក្នុងឧទ្យានសាធារណៈ ក្នុងក្រុងអាម៉េដដាបាត ភាគខាងលិចប្រទេសឥណ្ឌា ដែលមានបំពាក់ឧបករណ៍ហាត់ប្រាណជាច្រើនកន្លែង ។
២-រថយន្តវ៉ុលវ៉ាហ្គេនទេសចរណ៍
លោកប៊្រូស វ៉ុល សានស្គី បានបើកបររថយន្តវ៉ុលវ៉ាហ្គេន អូវ៉ាល-វីនដូ ស៊េរីឆ្នាំ១៩៥៥ ចូលចតក្នុងយានដ្ឋានរបស់ខ្លួន ។ ក្រុមហ៊ុនវ៉ុលវ៉ាហ្គេន របស់អាល្លឺម៉ង់ ប្រកាសថា បានបញ្ឈប់ការផលិតរថយន្តវ៉ុលវ៉ាហ្គេនទេសចរណ៍ កាលពីថ្ងៃទី២០ ធ្នូ កន្លងមក ក្រោយពីបើកដំណើរការផលិតអស់រយៈពេល៦៤ឆ្នាំ ធ្វើឱ្យរថយន្តស៊េរីនេះនឹងក្លាយជាវត្ថុដ៏មានតម្លៃនៅពេលអនាគត ។
៣-ត្រីឡូម៉ា កំពុងរីករាយ
ត្រីឡូម៉ាចំនួន៣ក្បាល បានលោតលើផ្ទៃទឹក បង្កើននូវភាពសប្បាយរីករាយដល់ទស្សនិកជន រួមជាមួយសានតាក្លូស ក្នុងការសម្តែងនៅឯឧទ្យានមេរីនលែន ភាគអាគ្នេយ៍ប្រទេសបារាំង ។
៤-ឆ្មាស្ម័គ្រចិត្ត
ជាធម្មតាឆ្មារមែងជាសត្វពូកែលោត មិនថាទីខ្ពស់ ឬទាបទេ ហើយការលោតរបស់វា ពុំដែលមានបញ្ហាអ្វីឡើយ ប៉ុន្តែការលោតពីដំបូលរថភ្លើង ទៅលើដំបូលផ្ទះលើកនេះ បែរជាភ្លាត់ស្នៀតធ្លាក់ទៅដី គឺជារឿងមួយកម្រកើតមាន ។
៥-ការតាំងពិព័រណ៍ផ្នែកបរិស្ថាន
អ្នកចូលទស្សនាពិព័រណ៍ «អុីកូ-ប្រូដាក» ឬពិព័រណ៍ផ្នែកបរិស្ថាន កំពុងទស្សនាស្លឹកស្ពៃដែលដាំដោយវិធីសាស្ត្រ «អុីដ្រូប៉ូនិក» ឬ «ដាំដោយទឹក» នៅលើបញ្ជរមួយក្នុងក្រុងតូក្យូ ប្រទេសជប៉ុន ។ ចាត់ទុកថា ជាពិព័រណ៍សម្រាប់អ្នកស្រឡាញ់បរិស្ថាន និងសុខភាព ដោយមានក្រុមហ៊ុនជាង៧០០ចូលរួមតាំងបង្ហាញបច្ចេកវិទ្យារបស់ខ្លួន ។
៦-រូបចម្លាក់រ៉ូម៉ាំងបុរាណ
អ្នកសារព័ត៌មានវ័យចំណាស់រូបនេះ កំពុងពិនិត្យមើលរូបចម្លាក់រ៉ូម៉ាំងបុរាណ «ដាយអុីងហ្គោល» ដែលតាំងបង្ហាញនៅអគារសិល្បៈក្នុងក្រុងវ៉ាសុីនតោន សហរដ្ឋអាមេរិក ពីថ្ងៃទី១២ ធ្នូ ឆ្នាំ២០១៣ រហូតដល់ថ្ងៃទី១៦ មីនា ឆ្នាំ២០១៤។ រូបចម្លាក់នេះ អាចកសាងឡើងក្នុងសតវត្សទី១ ឬទី២ នៃគ្រិស្តសករាជ ។
៧-រូបបដិមាពីដីខ្សាច់
រូបបដិមាពីខ្សាច់នេះ ស្ថិតនៅលើតំបន់ឆ្នេរក្នុងទីក្រុងសាលូ តំបន់កាតាឡូនីញ៉ា ប្រទេសអេស៉្បាញ ។
៨-រថយន្តជជុះនៅប្រេសុីលត្រូវអាជ្ញាធរចាក់បេតុងភ្ជាប់នៅកែងផ្លូវ
រថយន្តជជុះមួយគ្រឿងនេះ ដែលម្ចាស់ដាក់លក់ ហើយរឹងរូសមិនព្រមយកចេញពីផ្លូវថ្មើរជើង ត្រូវបានអាជ្ញាធរក្នុងទីក្រុងបេឡូអូរីសុនតេ ប្រទេសប្រេសុីល ចាក់បេតុងភ្ជាប់នឹងរថយន្តនៅលើដងផ្លូវតែម្តង ។
៩-ភ្លើងឆេះព្រៃ
អ្នកពន្លត់អគ្គិភ័យរូបនេះ កំពុងសម្លឹងមើលភ្លើងឆេះព្រៃនៅបរិវេណក្បែរផ្លូវជាតិលេខ១ ក្នុងទីក្រុងប៊ិកស៊ូ រដ្ឋកាលីហ្វ័រនីញ៉ាសហរដ្ឋអាមេរិក៕
ចែករំលែកព័តមាននេះ