ដេញ​បង្ក្រាប​មុខសញ្ញា ផ្ទុះអាវុធ​បាញ់​តដៃ​គ្នា​ ផ្អើល​ក្បែរ​ស្ថានទូត​ចិន (មានវីដេអូ)


រាជធានី​ភ្នំពេញ ៖ តាម​សេចក្តីរាយការណ៍​បឋម​បានឱ្យ​ដឹង​ថា កម្លាំង​សមត្ថកិច្ច​ខាង​មន្ទីរ​ប្រឆាំង​គ្រឿង ញៀន​បាន​ធ្វើការ​ដេញ​តាម​បង្ក្រាប​មុខសញ្ញា​ជួញដូរ​គ្រឿងញៀន ហើយ​ក្នុង​ហេតុការណ៍​នោះ​ដែរ​ក៏​មានការ​ផ្ទុះអាវុធ​រហូត​ទៅ​ដល់​៤​គ្រាប់ បង្ក​ការ​ភ្ញាក់ផ្អើល​កាលពី​វេលា​ម៉ោង​៤​និង​៣០​នាទី​រសៀល​ថ្ងៃ​ទី​២១ ខែកក្កដា ឆ្នាំ​២០១៩ នៅ​ក្បែរ​របង​ស្ថានទូត​ចិន ក្នុង​ខណ្ឌចំការមន​។

តាម​ប្រភព​ព័ត៌មាន​ពី​មន្ត្រី​សមត្ថកិច្ច​មូលដ្ឋាន​ម្នាក់​បាន​ប្រាប់​ឱ្យ​ដឹង​ថា មុន​ពេល​កើតហេតុ កាលពី​វេលា​ម៉ោង​ប្រមាណ​ជា​៤​និង​៣០​នាទី​រសៀល​ថ្ងៃ​ទី​២១ កក្កដា ឆ្នាំ​២០១៩​នេះ មាន​ករណី​ផ្ទុះអាវុធ​នៅ​ចំណុច​ផ្លូវ​លេខ​៤០៨ គឺ​ខាង​កម្លាំង​មន្ទីរ​ប្រឆាំង​គ្រឿងញៀន​បាន​ដេញ​បង្ក្រាប​មុខសញ្ញា​ជួញដូរ​គ្រឿងញៀន​មក​ដល់​ខាងក្រោយ​ស្ថានទូត​ចិន ក្នុង​ទឹកដី​ប៉ុស្តិ៍​ទំនប់​ទឹក រួច​ក៏​មានការ​ផ្ទុះអាវុធ​ខ្លី​ចំនួន​៤​គ្រាប់​តែ​ម្តង ។ ក្រោយមក​​មន្ត្រីសមត្ថកិច្ចមូលដ្ឋាន​ក៏​បាន​រាយការណ៍​ជូន​ទៅ​លោក​អធិការ​ខណ្ឌចំការមន​ភ្លាម​ៗ ហើយ​លោក​អធិការ​ខណ្ឌចំការមន​ក៏​បាន​ទូរស័ព្ទ​ទៅ​សួរ​ខាង​មន្ទីរ​ប្រឆាំង​គ្រឿងញៀន ទើប​ដឹង​ថា ខាង​មន្ទីរ​ប្រឆាំង​គ្រឿងញៀន​ចុះ​ចាប់​គ្រឿង​ញៀន​។

បើ​យោង​តាម​រយៈ​សកម្មភាព​ក្នុង​កាមេរ៉ា​សុវត្ថិភាព​បាន​បង្ហាញ​ឱ្យ​ដឹង​ថា មុន​ពេល​កើតហេតុ គេ​បានឃើញ​បុរស​ម្នាក់ និង​នារី​ម្នាក់​ជិះ​ម៉ូតូ​មួយ​គ្រឿង​ធ្វើ​ដំណើរ​តាម​ផ្លូវ ក៏​ស្រាប់តែ​មាន​បុរស​ម្នាក់​ផ្សេង​ទៀត​ជិះ​ម៉ូតូ​មួយ​គ្រឿង​មក​បុក​ពីក្រោយ បណ្តាល​ឱ្យ​ដួល ហើយ​ក៏​មានការ​ដេញ​វាយ​ប្រតាយប្រតប់​គ្នា និង​ឃើញ​បុរស​ម្នាក់​នោះ​ដេញ​បុរស​ម្នាក់ និង​នារី​ម្នាក់​រត់​ចូល​ក្នុងផ្ទះ​មួយ​បាត់​ស្រមោល​។

តាម​រយៈ​សកម្មភាព​ក្នុង​កាមេរ៉ា​សុវត្ថិភាព​បាន​បង្ហាញ​ឱ្យ​ដឹង​ទៀត​ថា ក្រោយ​ពី​បុរស​ម្នាក់ និង​នារី​ម្នាក់​រត់​ចូល​ក្នុងផ្ទះ​មួយ​បាត់ គេ​ក៏​ឃើញ​បុរស​ម្នាក់​នោះ​ដើរទៅ​ទាញ​ម៉ូតូ​របស់​ខ្លួន​ឡើង​ជិះ​ធ្វើ​ដំណើរ​បាន​បន្តិច ក៏​ស្រាប់តែ​មាន​បុរស​ចំនួន​២​នាក់​ផ្សេង​ទៀត​ជិះ​ម៉ូតូ​មួយ​គ្រឿង​មក​ពីក្រោយ​បុក បណ្តាល​ឱ្យ​ដួល​តែ​ម្តង ។

តាម​រយៈ​សកម្មភាព​ក្នុង​កាមេរ៉ា​សុវត្ថិភាព​នេះ​ដែរ គេ​សង្កេត​ឃើញ​ថា ក្រុម​បុរស​ជា​ច្រើន​នាក់​ស្លៀកពាក់​ស៊ី​វិល ហើយ​គេ​មិនដឹង​ថា​មួយ​ណា​ជា​ជនសង្ស័យ និង​មួយ​ណា​ជា​កម្លាំង​សមត្ថកិច្ច​ឡើយ ​ព្រោះ​​មាន​អាវុធ​ខ្លី​កាន់​គ្រប់​ដៃ និង​បាញ់​តដៃ​គ្នា​ទៅ​វិញ​ទៅ​មក​ផង​ដែរ ។ ព័ត៌មាន​លម្អិត​នឹង​មាន​ផ្សាយ​នៅ​លើ​ទំព័រ​កាសែត​កោះសន្តិភាព ៕ (​កែសម្រួល​ដោយ ៖ ធីតា​)

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

សន្ដិសុខ​សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ