ខេត្តក្រចេះ ៖ បុរសជនជាតិបរទេសម្នាក់ ត្រូវបានគេប្រទះឃើញស្លាប់ដោយចង.កសម្លាប់ខ្លួនជាមួយនិងខ្សែភ្ជាប់និងបង្កាន់ដៃស្ពានថ្មមួយកន្លែង ក្នុងភូមិព្រែកតាថឹង ឃុំបុលាវ ស្រុកចិត្របុរី និងបង្កឲ្យមានការភ្ញាក់ផ្អើល នៅព្រឹកថ្ងៃទី២២ កក្កដា នេះ ។ បើតាមពលរដ្ឋដែលរស់នៅម្តុំនោះ បានប្រាប់នគរបាលថា នៅមុនថ្ងៃកើតហេតុមួយថ្ងៃ គេបានឃើញជនរងគ្រោះជិះម៉ូតូចុះឡើងនៅម្តុំស្ពានជាច្រើនលើកច្រើនសារ ។
ជនបរទេសរូបនេះ ត្រូវបានគេស្គាល់ថា ប៉ាប់ ប៉ាឡូ អាយុប្រហែល៤៧ឆ្នាំ ជនជាតិអាហ្សង់ទីន និងជាគ្រូបង្រៀនស្ម័គ្រចិត្តផ្នែកភាសារអង់គ្លេស សព្វថ្ងៃស្នាក់នៅក្នុងខេត្តក្រចេះ។ ស្នងការរងទទួលបន្ទុកកិច្ចការងារព្រហ្មទណ្ឌលោកវរសេនីយ៍ឯក គង់ ស៊ីដន បាន បញ្ជាក់ប្រាប់ថា ក្រោយការចុះទៅពិនិត្យសាកសពពីនគរបាលជំនាញកោសល្យវិច្ច័យបាន ពិនិត្យឃើញថា ការស្លាប់របស់ជនបរទេសរូបនេះ គឺពិតជាករណីធ្វើអត្តឃាតសម្លាប់ខ្លួន។
បុរសរងគ្រោះ បានយកខ្សែរចង.ក ទម្លាក់ខ្លួនចុះពីលើបង្កាន់ដៃស្ពាន។ ការធ្វើអត្តឃាតខ្លួនឯងនេះ នគរបាលនៅមិនទាន់បានស្រាវជ្រាវថា បណ្តាលមកពីមូលហេតុអ្វីនៅឡើយទេ ។
លុះដល់ព្រឹក ថ្ងៃទី២២ កក្កដា ពលរដ្ឋក៏បានឃើញសាកសពរបស់ជនបរទេសរូបនេះ ស្លាប់ជាប់និងខ្សែរជាប់ ជាមួយនិងបង្កាន់ដៃស្ពាន។ ការធ្វើអ្តឃាតចង.ក សម្លាប់ខ្លួន របស់ជនបរទេសរូបនេះ ទំនងជាបានធ្វើឡើងនៅវេលាទាបភ្លឺ៕ (សម្រួលដោយ៖ ស្រីណា)
ចែករំលែកព័តមាននេះ