ខេត្តព្រះសីហនុ ៖ បន្ទាប់ពីចូលកាន់តំណែងលោក គួច ចំរើន អភិបាលខេត្តព្រះសីហនុបានដាក់ផែនការតឹងរឹងធ្វើយ៉ាងណា ដើម្បីធានាឱ្យបាននូវសន្តិសុខសណ្តាប់ធ្នាប់របៀបរៀបរយ សុខសុវត្ថិភាពសង្គម ក្នុងខេត្តព្រះសីហនុទាំងមូល ។…
ខេត្តព្រះសីហនុ ៖ បន្ទាប់ពីចូលកាន់តំណែងលោក គួច ចំរើន អភិបាលខេត្តព្រះសីហនុបានដាក់ផែនការតឹងរឹងធ្វើយ៉ាងណា ដើម្បីធានាឱ្យបាននូវសន្តិសុខសណ្តាប់ធ្នាប់របៀបរៀបរយ សុខសុវត្ថិភាពសង្គម ក្នុងខេត្តព្រះសីហនុទាំងមូល ។ បើយោងតាមសង្គមហ្វេសប៊ុករបស់ក្រុមការងារថ្នាក់ជាតិ ចុះជួយខេត្តព្រះសីហនុបានឲ្យដឹងថា នៅក្នុងកិច្ចប្រជុំគណៈបញ្ជាការឯកភាពខេត្ត កាលពីថ្ងៃទី១៩ ខែកក្កដា ឆ្នាំ២០១៩ ។
ក្នុងនាមគណៈបញ្ជាការឯកភាពខេត្តលោក គួច ចំរើន បានដាក់ចេញនូវវិធានការសំខាន់ៗមួយចំនួនដូចជា ១- ដាក់ចេញនូវផែនការល្បាតពេលយប់ទៅតាមភូមិសាស្ត្រស្មុគស្មាញ ដើម្បីធានារក្សាបាននូវសន្តិសុខ សណ្តាប់ធ្នាប់របៀបរៀបរយ សុវត្ថិភាពសង្គម ក្នុងខេត្តព្រះសីហនុទាំងមូល ។ ២- សហការជាមួយអង្គភាពជំនាញពាក់ព័ន្ធក្នុងការក្តាប់សភាពការណ៍ និងប្រមូលព័ត៌មានដែលពាក់ព័ន្ធ ។ ៣ – យកចិត្តទុក្ខដាក់ទប់ស្កាត់រាល់ឧបាយកលណាមួយ ធ្វើឲ្យប៉ះពាល់ដល់ការអភិវឌ្ឍសេដ្ឋកិច្ចជាតិ និងការរស់នៅរបស់ប្រជាពលរដ្ឋក្នុងខេត្ត (ពិសេសអំពើភារវកម្មឧក្រិដ្ឋកម្ម និងសកម្មភាពល្មើសផ្សេងៗ) ដើម្បីមានវិធានការបង្កាទប់ស្កាត់ និងបង្ក្រាបឱ្យបានទាន់ពេលវេលា ។
ជាមួយគ្នានេះដែរ លោកអភិបាលខេត្តក៏បានលើកឡើងនូវចំណុចមួយចំនួនដែលត្រូវកែសម្រួលដូចជា ស្នើឱ្យមានការកែសម្រួលសមាសភាព គណៈបញ្ជាការឯកភាពរដ្ឋបាលខេត្តព្រះសីហនុឡើងវិញ ដាក់ចេញក្រុមល្បាតពេលយប់នៅតាមភូមិសាស្ត្រស្មុគស្មាញដោយចាប់អនុវត្តពីយប់ថ្ងៃច័ន្ទទី២២ ខែកក្កដា ឆ្នាំ២០១៩តទៅ ស្នើឱ្យមានការជួយសម្រួលចរាចរណ៍ពេលមានការកកស្ទះខ្លាំងពីសំណាក់កងកម្លាំងល្បាត ជំរុញ និងលុបបំបាត់ការជួញដូរប្រើប្រាស់គ្រឿងញៀន នៅតាមក្លិបកម្សាន្ត និងទីតាំងសប្បាយឱ្យបានទាំងស្រុង នាចុងឆ្នាំ២០១៩នេះ ។
ពាក់ព័ន្ធនឹងបញ្ហាភ្លើងវិ លោកអភិបាលខេត្តក៏បានជំរុញឱ្យកែប្រែ និងចាត់ចែងបន្ទាន់ឱ្យស្រប ទៅតាមស្ថានភាពចរាចរណ៍ ជាក់ស្តែងក្នុងខេត្តព្រះសីហនុដែលមានភាពមមារញឹក និងកកស្ទះខ្លាំង ជួយផ្សព្វផ្សាយដល់ប្រជាពលរដ្ឋពីគ្រោះថ្នាក់ និងផលប៉ះពាល់នៃសំណល់ជាតិផ្ទុះពីសង្គ្រាម បញ្ហាគ្រោះថ្នាក់ចរាចរណ៍ (ធ្វើផែនការសកម្មភាពត្រួតពិនិត្យទឹកនោមរកសារធាតុញៀនចំពោះអ្នកបើកបរយានយន្តគ្រប់ប្រភេទ) ស្នើឱ្យរៀបចំផែនការអនុវត្តចំពោះរថយន្តដែលពាក់ស្លាកលេខ ខ.ម, ន.ប….បម្រើប្រយោជន៍ឱ្យវិស័យឯកជន បញ្ហាការចេញលិខិតរដ្ឋបាល និងលិខិតអត្រានុកូលដ្ឋានឱ្យសហព័ន្ធជាខ្មែរ និងជនបរទេសអន្តោប្រវេសន្ត ។
លោកជំរុញឱ្យយកចិត្តទុកដាក់សម្រួលដល់ការប្រឡងសញ្ញាបត្រ មធ្យមសិក្សាទុតិយភូមិ ដោយរួមសហការជាមួយមន្ទីរអប់រំយុវជន និងកីឡាខេត្ត ដើម្បីធ្វើយ៉ាងណាឱ្យដំណើរការប្រឡងប្រព្រឹត្តទៅដោយរលូនត្រឹមត្រូវ និងប្រសិទិ្ធភាព បន្តគ្រប់គ្រងសំណុំរឿងវិវាទដីធ្លីទាំង៨១ករណី និងសំណុំរឿងថ្មីៗ រួមទាំងឯកសារពាក់ព័ន្ធ ស្នើឲ្យមានការដកខ្លួនចេញជាបន្ទាន់ចំពោះមន្ត្រីណាដែលមានការពាក់ព័ន្ធក្នុងរឿងវិវាទដីធ្លី បញ្ហាលាងលុយខ្មៅ ការជួញដូរមនុស្សជាដើម ៕ កែសម្រួលដោយ ៖ សុឃាក់
ចែករំលែកព័តមាននេះ