បរិច្ចាគទានគឺជាការលាងជម្រះចិត្តកំណាញ់ឱ្យស្អាតចេញអស់ពីខន្ធសន្តាន និងឧទ្ទិសមគ្គផលដល់ញាតិមិត្តសាច់សាលោហិតដែលបានចែកឋានទៅផង ហើយបុណ្យកុសលនេះក៏នឹងទ្រទ្រង់យើងឱ្យបានសុខចម្រើនផងដែរ ។
សូមសប្បុរសទាំងឡាយកុំធ្វេសប្រហែស កុំប្រមាទឱ្យសោះ គួរខិតខំបំពេញបុណ្យកុសល ខំសន្សំតែអំពើល្អ ធ្វើបុណ្យដាក់បាត្រឱ្យបានច្រើនដើម្បីឱ្យបានជាទម្លាប់ ព្រោះមនុស្សយើង មានជីវិតប្រមាណខ្លីណាស់ តិចតួចស្តួចស្តើង ឆាប់សឹករេចរឹល ឆាប់ធ្លុះធ្លាយពុកផុយណាស់ គឺមិនជាប់មាំទាំយូរអង្វែងទេ ឯជំងឺក៏ចូលមកញាំញីរាងកាយឱ្យរងទុក្ខខ្លោចផ្សារាល់ថ្ងៃ ។ ដូច្នេះការធ្វើទានហ្នឹងហើយជាស្បៀងជូនដំណើរយើងបានទៅដល់ទិសដៅគឺសុគតិភព ។
មើលចុះបុគ្គលដែលស្លាប់បាត់បង់ជីវិតទៅកាន់បរលោកនាយនោះពុំមែនសុទ្ធតែជាអ្នកក្រីក្រទេ អ្នកមានខ្លះក៏ស្លាប់នៅលើគំនរទ្រព្យសម្បត្តិដែរ វាជារឿងយុត្តិធម៌សម្រាប់មនុស្សសត្វទូទៅ មានភាពស្មើៗគ្នា ។ ដូច្នេះជីវិតនេះត្រូវសេចក្តីទុក្ខចោមរោមគ្របសង្កត់ជិះជាន់គ្រប់ពេលវេលា ឥតមានទំនេរស្រាកស្រាន្តសោះឡើយ ទីបំផុតគឺសេចក្តីស្លាប់នេះឯង ។
ដូច្នវមានតែបុណ្យកុសលហ្នឹងហើយដែលអាចជួយចម្លងសង្ខារយើងឱ្យរួចពីការញាំញីដោយសេចក្តីទុក្ខ ទៅដាក់ដល់ទីសុខា ។
ចែករំលែកព័តមាននេះ