កំពត​នឹង​មាន​រី​សត​លំដាប់​ផ្កាយ​៣​មួយ​លេច​​រូបរាង​នៅ​ពេល​ឆាប់​ៗ​នេះ


ខេត្តកំពត ៖ ដោយ​មើលឃើញ​ពី​សក្ដានុពល​លើ​វិស័យ​នានា នៅ​ក្នុង​ខេត្តកំពត​វិនិយោគិន​ក្នុង ​និង​ក្រៅ​ប្រទេស​ជា​ច្រើន បាន​បោះទុន​វិនិយោគ ជា​បន្តបន្ទាប់​ទៅ​លើ​វិស័យ​ទេសចរណ៍ ជាក់ស្ដែង​វិនិយោគិន​ក្នុងស្រុក​មួយ​ក្រុម​បាន​បោះទុន​វិនិយោគ​លើ​រី​សត​លំដាប់​ផ្កាយ​៣​មួយ​កន្លែង ក្នុងស្រុក​ទឹកឈូ​ខេត្តកំពត។

បើ​តាម​លោក នួន អក អគ្គនាយក​ក្រុមហ៊ុន​រី​ស៊​ត ផ្កាឈូករ​ត្ន័​ដែល​បាន​បោះទុន​វិនិយោគ​នៅ​ក្នុង​ខេត្ត​កំពត បានអោយ​ដឹង​នៅ​ក្នុង​ពិធី ក្រុង​ពាលី​បុក​គ្រឹះ​សាងសង់​កាលពី​ថ្ងៃ​ទី​១៣ ខែកក្កដា ឆ្នាំ​២០១៩​ថា ដោយសារ​តែ​ខេត្តកំពត កំពុង​តែ​ខ្វះ​នូវ​បន្ទប់​ស្នាក់​នៅ រាល់ពេល​ដែល​មានបុណ្យ​ទាន​ម្តង​ៗ ទើប​លោក សម្រេចចិត្ត វិនិយោគ​សាងសង់​ជា​រី​សត​បែប​ធម្មជាតិ ដែល​ក្នុង​នោះ​មាន​ទាំង សេវា​ស្នាក់​នៅ កន្លែង​កំសាន្ត​​នានា ដែល​សំបូរ​ទៅ​ដោយ​សួនផ្កា​លំអ ដែល​ត្រូវ​បាន​រៀបចំ ឡើង​ដោយ​ល្អ​ប្រណីត​ទៅ​តាម​ទម្រង់​នៃ​ផ្កា​ និង​ស្លឹក​ឈូករ​ត្ន័​ពិត​ៗ ។

លោក​បន្ត​ថា រី​សត​ទាំងមូល គ្របដណ្តប់​ទៅ​ដោយ​ផ្ទៃ​ទឹក​ប្រមាណ​៧០​ភាគរយ និង​គ្របដណ្ដប់​ទៅ​ដោយ​បរិយាកាស​ធម្មជាតិ​ស្រស់បំព្រង ខ្យល់​បរិសុទ្ធ មាន​ផា​សុខភាព ជាទីរម្យ​នា សម្រាប់​ភ្ញៀវ​ទេសចរ​ជាតិ និង​​អន្តរជាតិ មិន​ថា​គូរ​ស្នេហ៍ ឬជា​លក្ខណៈ​គ្រួសារ ដែល​ទៅ​លំហែរ​កាយ​នៅ​ទីនោះ នឹង​ទ​ទួល​បាន​ភាព​សប្បាយ​រីករាយ​ជាមួយ​ធម្មជាតិ និង​សុភមង្គល​ជាក់​ជា​មិន​ខាន ។

លោក​បន្ថែម​លោក​នឹង​អភិវឌ្ឍន៍ រី​សត​ផ្កាឈូករ​ត្ន័​នេះ ទៅ​ជា​រី​សត​ដែល​ធំ​ជាងគេ​នៅ​ក្នុង​ខេត្តកំពត ដែល​នឹង​ជួយ​អោយ​ខេត្តកំពត​ទទួល​បាន​ភ្ញៀវ​ទេសចរ មក​ស្នាក់​នៅ​កាន់តែ​ច្រើន និង​យូរ​ជាង​មុន ហើយ​ក្រៅពី​នេះ​នឹង​ជួយ ដល់​ប្រជាជន​នៅ​ក្នុង​សហ​គមន៍ នៅ​ទី​នេះ​មានការ​ងារ​ធ្វើ​ និង​ជីវភាព​ធូរធា ព្រោះតែ​ផ្ទៃដី​​ដែល​ត្រូវ​អភិវឌ្ឍន៍ មិន​ត្រឹមតែ​សម្រាប់​រី​ស៊​ត​ប៉ុណ្ណោះ​ទេ ប៉ុន្តែ​នឹង​បន្ត​អភិវឌ្ឍន៍ តំបន់​ទេសចរណ៍ ទាក់ទាញ​ជា​បន្តបន្ទាប់ ដោយ​បង្កើត​ជា​ផ្សារ​ក្តាម​អោយ​ប្រជា​នេសាទ មាន​មុខរបរ​បន្ថែម រក្សា​ទម្រង់​រស់នៅ​បែប​ធម្មជាតិ​របស់​ប្រជាពលរដ្ឋ ។ កាន់តែ​ពិសេស លោក​ក៏​នឹង​បង្កើត​អោយ​មានការ​ដាំ​បន្លែ​ធម្មជាតិ នៅ​លើ​ផ្ទៃដី​វិនិយោគ​នេះ ដែល​នឹង​ផ្តល់​ឪ​កាស ការងារ សម្រាប់​ប្រជាពលរដ្ឋ​មានការ​ងារ​ធ្វើ ។

លោក​ស៊ឹ​ម សុខ​ជា អនុប្រធាន​មន្ទីរ​រៀបចំ​ដែនដី​នគរូបនីយកម្ម​និង​សំណង់ បាន​មាន​ប្រសាសន៍​ថា ​ក្នុង​នាម​ជា​អាជ្ញាធរ​ដែនដី​នៅ​ក្នុង​ខេត្តកំពត លោក​នឹង​ជួយ​សម្រួល​គ្រប់​បណ្ដា​វិនិយោគិន​នានា​មក​ពី​គ្រប់​ទិស​ទី ដែល​ចូល​មក​វិនិយោគ នៅ​ក្នុង​ខេត្តកំពត ក្នុង​គោលបំណង​លើក​ស្ទួយ​មុខមាត់​ខេត្ត​អោយ​កាន់តែ​រីក​ចម្រើន​ និង​ជួយ​បង្កើន​ការងារ​ដល់​ពលរដ្ឋ​ក្នុង​មូលដ្ឋាន ។

សូម​បញ្ជាក់​ថា រី​សត​ផ្កាឈូករ​ត្ន័​ត្រូវ​ចំណាយ​ទុន​វិនិយោគ​ប្រមាណ ៥​លាន​ដុល្លារ​អា​មេ​រិ​ក និង​ប្រើ​ពេល​វេលា​សាងសង់​រយៈពេល​៨​ទៅ​៩​ខែ​តែ​ប៉ុណ្ណោះ ។ បន្ទាប់​ពី​រួចរាល់​ការ​សាងសង់ នឹង​អាច​ជួយ​សម្រួល​ដល់​​ការ​ខ្វះខាត​បន្ទប់​សម្រាប់​ភ្ញៀវ​ទេសចរ ដែល​មក​ទស្សនា​នៅ​ក្នុង​ខេត្តកំពត​ក៏​ដូច​ជា​ខេត្ត​កែប​ជាដើម ៕ ដោយ​សហការ (​កែសម្រួល​ដោយ ៖ បុប្ផា​)

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ពាណិជ្ជកម្ម

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ