រាជធានីភ្នំពេញ ៖ បើតាមសេចក្តីរាយការណ៍បឋមឱ្យដឹងថា បុរសម្នាក់ស្រវឹងស្រាស្រឿងៗទុកចិត្តមិត្តភក្តិ ពេលចូលទៅបន្ទប់ទឹក មិត្តភ័ក្តិសុំកូនសោរថយន្តកាន់ ដល់ពេលចេញពីបន្ទប់ទឹកវិញ មិត្តភក្ដិយករថយន្តបើកគេចខ្លួនបាត់ បង្កឲ្យមានការភ្ញាក់ផ្អើលកាលពីម៉ោង២និង៣០នាទីទៀបភ្លឺ ថ្ងៃទី១៣…
រាជធានីភ្នំពេញ ៖ បើតាមសេចក្តីរាយការណ៍បឋមឱ្យដឹងថា បុរសម្នាក់ស្រវឹងស្រាស្រឿងៗទុកចិត្តមិត្តភក្តិ ពេលចូលទៅបន្ទប់ទឹក មិត្តភ័ក្តិសុំកូនសោរថយន្តកាន់ ដល់ពេលចេញពីបន្ទប់ទឹកវិញ មិត្តភក្ដិយករថយន្តបើកគេចខ្លួនបាត់ បង្កឲ្យមានការភ្ញាក់ផ្អើលកាលពីម៉ោង២និង៣០នាទីទៀបភ្លឺ ថ្ងៃទី១៣ ខែកក្កដា ឆ្នាំ២០១៩ នៅមុខម៉ាត ខូល ផ្លូវជាតិលេខ៤ កែងផ្លូវមហាវិថីឈ្នះ ឈ្នះ ហៅផ្លូវទំនុបកប់ស្រូវ ស្ថិតក្នុងភូមិជម្ពូវ័ន្ត សង្កាត់ចោមចៅទី៣ ខណ្ឌពោធិ៍សែនជ័យ ។
ជនរងគ្រោះជាម្ចាស់រថយន្តឈ្មោះ តុប សាវី ភេទប្រុស អាយុ៣៦ឆ្នាំ មុខរបរបុគ្គលិកក្រុមហ៊ុនឯកជន មានស្រុកកំណើតនៅស្រុកឧដុង្គ ខេត្តកំពង់ស្ពឺ រីឯរថយន្តដែលមិត្តភក្ដិយកទៅបាត់ម៉ាកកាមរីបាឡែន ពណ៌ទឹកមាស ពាក់ស្លាកលេខ ភ្នំពេញ2R- 7705 ។ ចំណែកជនសង្ស័យមានឈ្មោះពៅ ធ្វើការនៅក្នុងតំបន់សេដ្ឋកិច្ចពិសេសភ្នំពេញ ។
តាមប្រភពពីជនរងគ្រោះនិយាយថា មុនពេលកើតហេតុ មិត្តភក្កិរបស់គាត់បានណាត់គាត់មកផឹកស៊ីនៅហាងខារ៉ាអូខេហុងកុង ដែលស្ថិតនៅភូមិជម្ពូវ័ន សង្កាត់ចោមចៅទី៣ បន្ទាប់មកពួកគាត់បានផឹកស៊ីអស់មួយឈុត ភាគីជនសង្ស័យនិងជនរងគ្រោះក៏នាំគ្នាចូលម៉ាត ខូល នៅទីតាំងខាងលើ ដើម្បីផឹកបន្តទៀត និងពិភាក្សាការងារ លុះពេលនោះជនរងគ្រោះចូលទៅបន្ទប់ទឹក រីឯជនសង្ស័យជាមិត្តភក្កិខាងលើបានសុំកូនសោរថយន្ត និងសាក់កាដូទុក ដោយប្រើពាក្យសម្ដីថា «មិត្តភ័ក្ដិស្រវឹងហើយ ចាំខ្ញុំទុកឱ្យ» ។
ប្រភពព័ត៌មានបន្តទៀតថា ខណៈពេល គាត់បានចូលបន្ទប់ទឹកអស់រយៈពេលប្រមាណជាង២នាទី គាត់ក៏បានត្រឡប់ចញមកវិញ ស្រាប់តែជនសង្ស័យជាមិត្តភ័ក្ដិបានយករថយន្ត ព្រមទាំងសាក់កាដូរបស់គាត់ បើករថយន្តគេចខ្លួនបាត់ស្រមោលតែម្តង ។
ក្រោយពេលកើតហេតុជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលចោមចៅទី២ឲ្យសមត្ថកិច្ចជួយអន្តរាគមន៍ ដើម្បីស៊ើបអង្កេតរកមុខសញ្ញាខាងលើ ដើម្បីចាក់ការតាមនីតិវិធី ។ (កែសម្រួលដោយ ៖ បុប្ផា)
ចែករំលែកព័តមាននេះ