តំណាងអយ្យការចោទប្រកាន់ គង់ រ៉ៃយ៉ា ពីបទញុះញង់ឱ្យប្រព្រឹត្តបទឧក្រិដ្ឋជាអាទិ៍
- ភ្នំពេញ
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា កាលពីថ្ងៃទី១១ ខែកក្កដា លោក រៀល សុភិន ព្រះរាជអាជ្ញារងអមសាលា ដំបូងរាជធានីភ្នំពេញ…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា កាលពីថ្ងៃទី១១ ខែកក្កដា លោក រៀល សុភិន ព្រះរាជអាជ្ញារងអមសាលា ដំបូងរាជធានីភ្នំពេញ…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា កាលពីថ្ងៃទី១១ ខែកក្កដា លោក រៀល សុភិន ព្រះរាជអាជ្ញារងអមសាលា ដំបូងរាជធានីភ្នំពេញ បានសម្រេចធ្វើការចោទប្រកាន់ជនជាប់សង្ស័យឈ្មោះ គង់ រ៉ៃយ៉ា ពីបទញុះញង់ឲ្យប្រព្រឹត្តបទឧក្រិដ្ឋជាអាទិ៍ តាមមាត្រា៤៩៤និងមាត្រា៤៩៥ នៃក្រមព្រហ្មទណ្ឌ ពាក់ព័ន្ធករណីប្រកាសលក់អាវយឺតមានរូបលោកបណ្ឌិត កែម ឡី ដែលមានខ្លឹមសារថា «បើអ្នកមិនធ្វើអ្វីសោះក៏គង់តែរងគ្រោះដែរ គ្រាន់តែមិនទាន់ដល់វេនអ្នកប៉ុណ្ណោះ» ។ ក្រោយពីតំណាងអយ្យការបានធ្វើការចោទប្រកាន់ ជនសង្ស័យជាផ្លូវការហើយ សំណុំរឿងនេះបានចាត់បញ្ជូនទៅចៅក្រមស៊ើបសួរដើម្បីសម្រេចឃុំខ្លួនដាក់ពន្ធនាគារជាបណ្តោះអាសន្ន ។
គួបញ្ជាក់ថា កន្លងមកជនសង្ស័យឈ្មោះ គង់ រ៉ៃយ៉ា ធ្លាប់ត្រូវបានតុលាការផ្តន្ទាទោសដាក់ពន្ធនាគារកំណត់១ឆ្នាំ ៦ខែម្តងហើយ ពីបទញុះញង់ឲ្យប្រព្រឹត្តបទឧក្រិដ្ឋជាអាទិ៍ ពាក់ព័ន្ធករណីបង្ហោះសារតាមបណ្តាញសង្គមហ្វេសប៊ុក ដែលមានខ្លឹមសារប្រកាសធ្វើបដិវត្តន៍ប្រឆាំងរាជរដ្ឋាភិបាលស្របច្បាប់ ។
ពាក់ព័ន្ធនឹងការចោទប្រកាន់លើសំ ណុំរឿងក្រោយនេះ មតិអ្នកច្បាប់បានលើកឡើងថា ជនសង្ស័យបាននិងកំពុងប្រព្រឹត្តបទល្មើសដដែលៗ ដូច្នោះការសម្រេចឃុំខ្លួនមុនផ្តន្ទាទោសម្តងនេះ តុលាការបានទុកពេលបើកការស៊ើបអង្កេត និងអាចពិចារណាចោទប្រកាន់លើបទល្មើសថ្មីមួយ គឺបទមិនរាងចាល ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ