ខេត្តតាកែវ ៖ ករណីរឿងឈ្មួញកំពុងសំរុកកាយដីរបស់រដ្ឋ និងកាយដីភ្នំលក់នោះសម្រាប់ខេត្តតាកែវ កំពុងតែមានសកម្មភាពគ្រប់ទីកន្លែង ។ ហើយបើក្រឡេកមើលមកអាជ្ញាធរស្រុក ខេត្ត និងជំនាញរ៉ែថាមពលវិញ មិនដែលឃើញមានវិធានការទប់ស្កាត់ម្តងណាឡើយ…
ខេត្តតាកែវ ៖ ករណីរឿងឈ្មួញកំពុងសំរុកកាយដីរបស់រដ្ឋ និងកាយដីភ្នំលក់នោះសម្រាប់ខេត្តតាកែវ កំពុងតែមានសកម្មភាពគ្រប់ទីកន្លែង ។ ហើយបើក្រឡេកមើលមកអាជ្ញាធរស្រុក ខេត្ត និងជំនាញរ៉ែថាមពលវិញ មិនដែលឃើញមានវិធានការទប់ស្កាត់ម្តងណាឡើយ មានតែការត្រូវរ៉ូវគ្នា បើកដៃឱ្យឈ្មួញកាយដីសា ធា រណៈ និងកាយដីភ្នំយកទៅលក់តែប៉ុណ្ណោះ បើទោះបីជាដីសាធារណៈបានក្លាយជារណ្តៅមានជំរៅដល់ក្បាលប្រេត ហើយក្លាយជាស្ទឹងក៏ដោយ គឺត្រូវចប់អត់បញ្ហា ។
ប្រជាពលរដ្ឋរស់នៅឃុំគោកព្រេច ស្រុកគិរីវង់ ខេត្តតាកែវ បានឱ្យដឹងថា បច្ចុប្បន្ននេះ ភ្នំចំនួន២ត្រូវបានឈ្មូញសម្រុកជីកកាយយកលក់ជារៀងរាល់ថ្ងៃ ដោយមិនមានលិខិតអនុញ្ញាតអ្វីទាំងអស់ ដោយគ្រាន់តែនិយាយជាមួយអាជ្ញាធរស្រុក ខេត្ត និងមន្ទីរជំនាញជាការស្រេច ។
ប្រជាពលរដ្ឋដដែលបានបន្តទៀតថា ចំពោះភ្នំដែលឈ្មួញកំពុងតែជីកកកាយដី និងថ្មលក់ដោយខុសច្បាប់នោះ គឺភ្នំព្រេច និងភ្នំថ្មជញ្ជាំង ទទួលរងជិតរលាយទៅហើយ ។
លោកផេង វុធ ប្រធានមន្ទីររ៉ែថាមពលខេត្តបានប្រាប់ថា ខ្ញុំឱ្យគេចុះទៅមើល ។ ចំណែកលោកស៊ុន ខុន ចៅហ្វាយស្រុកគិរីវង់ កោះសន្តិភាពមិនអាចទាក់ទងតាមទូរស័ព្ទបានទេ នៅថ្ងៃទី១១ កក្កដា នេះ ។ (សម្រួលដោយ៖ ស្រីណា)
ចែករំលែកព័តមាននេះ