ខេត្តមណ្ឌលគិរី ៖ ព្រោះតែជីវភាព ស្ត្រីម្នាក់រងរបួសធ្ងន់ ខណៈព្យាយាមជិះម៉ូតូដឹកឈើយកទៅលក់ បែរជាជួបហេតុការគ្រោះថ្នាក់ចរាចរណ៍ រវាងម៉ូតូជាមួយរថយន្ត កាលពីវេលាម៉ោង១០និង៤៥នាទីព្រឹកថ្ងៃទី០៩ កក្កដា នេះ…
ខេត្តមណ្ឌលគិរី ៖ ព្រោះតែជីវភាព ស្ត្រីម្នាក់រងរបួសធ្ងន់ ខណៈព្យាយាមជិះម៉ូតូដឹកឈើយកទៅលក់ បែរជាជួបហេតុការគ្រោះថ្នាក់ចរាចរណ៍ រវាងម៉ូតូជាមួយរថយន្ត កាលពីវេលាម៉ោង១០និង៤៥នាទីព្រឹកថ្ងៃទី០៩ កក្កដា នេះ ស្ថិតនៅគល់ស្ពានអូរឆ្លូង ក្នុងភូមិស្រែខ្ទុម ឃុំស្រែខ្ទុម ស្រុកកែវសីមា ខេត្តមណ្ឌលគិរី ។
សេចក្តីរាយការណ៍បានឱ្យដឹងថា ស្ត្រីរងគ្រោះឈ្មោះ ទូច ស្រីម៉ាច អាយុ២៩ឆ្នាំ បានរងរបួសធ្ងន់ មានទីលំ នៅភូមិស្រែព្រះ ឃុំស្រែព្រះ ស្រុកកែវសីមាខេត្តមណ្ឌលគិរី ។ គ្រោះថ្នាក់ចរាចរណ៍រវាងម៉ូតូ និងរថយន្ត គឺ ស្ថិតទិសដៅបញ្ច្រាសគ្នា (ពីជើងទៅត្បូង) ដោយអ្នកជិះម៉ូតូជិះគេចរថយន្ត ក៏ធ្លាក់ពីលើស្ពានថ្មដែលទើបសាងសង់ថ្មី ។ ចំណែករថយន្តកូរ៉េដឹកទំនិញពណ៌.ស ពាក់ស្លាកលេខ ត្បូងឃ្មុំ៣A-១១៥៤ ដឹកជ័រកៅស៊ូ ខណៈម្ចាស់រថយន្តបានរត់គេចខ្លួនបាត់ ។
បច្ចុប្បន្ន ស្ត្រីរងរបួសត្រូវបានក្រុមគ្រួសារបញ្ជូនទៅសង្គ្រោះនៅមន្ទីរពេទ្យប្រទេសវៀតណាម ។ (សម្រួលដោយ៖ ស្រីណា)
ចែករំលែកព័តមាននេះ