ខេត្តប៉ៃលិន ៖ សិស្សសាលា១នាក់បានរងរបួសធ្ងន់ និង៣នាក់រងរបួសស្រាលត្រូវគេយកទៅសង្គ្រោះនៅមន្ទីរពេទ្យបង្អែកខេត្តដោយខូចខាតអស់ម៉ូតូចំនួន០២គ្រឿងដោយសារម៉ូតូបុកជាមួយម៉ូតូ ។ ហេតុការណ៍នេះបានកើតឡើងកាលពីវេលាម៉ោង៩និង១០នាទីព្រឹក ថ្ងៃទី០១ ខែកក្កដា ឆ្នាំ២០១៩ នៅចំណុចផ្លូវជាតិលេខ៥៧ ខាងលិចផ្លូវចូលវិទ្យាល័យ ហ៊ុន សែន ក្រុងទេពនិម្មិតប៉ៃលិន ស្ថិតក្នុងភូមិអូរពឺត សង្កាត់ទួលល្វា ក្រុងប៉ៃលិន ។
ប្រភពព័ត៍មានបានឱ្យដឹងថា អ្នកបើកបរម៉ូតូមានឈ្មោះ សុខ ពិសិទ្ធ ភេទប្រុស អាយុ១៨ឆ្នាំ ជាសិស្ស រស់នៅភូមិអូរពឺត សង្កាត់ទួលល្វា ក្រុងប៉ៃលិន ខេត្តប៉ៃលិន (រងរបួសស្រាល) ដោយបើកបរម៉ូតូម៉ាកឌ្រីមពណ៌ខ្មៅ ពាក់ផ្លាកលេខ បាត់ដំបង 1M-6690 ស៊េរីឆ្នាំ២០១២ ខូចខាត់យ៉ាងដំណំ ។
អ្នករួមដំណើរទី១-ឈ្មោះ ផុន ទិត្យមករា ភេទប្រុស អយុ១២ឆ្នាំ ជាសិស្ស រស់នៅភូមិអូរពឺត សង្កាត់ទួលល្វា ក្រុងប៉ៃលិន (រងរបួសស្រាល) និងអ្នករួមដំណើរទី២-ឈ្មោះ ផុន សុភ័ក្រ ភេទប្រុស អាយុ១២ឆ្នាំ ជាសិស្ស រស់នៅភូមិអូរពឺត សង្កាត់ទួលល្វា ក្រុងប៉ៃលិន ខេត្តប៉ៃលិនរងរបួសស្រាល ។
ចំណែកអ្នកបើកបរម៉ូតូភាគីម្ខាងទៀតឈ្មោះ ញឹម សីហា អាយុ១៧ឆ្នាំ ភេទប្រុស មុខរបរជាកម្មករ រស់នៅភូមិចំការកាហ្វេ សង្កាត់ទួលល្វា ក្រុងប៉ៃលិន រងរបួសធ្ងន់ដោយបើកបរម៉ូតូម៉ាកScoopy ពណ៌ស ពាក់ផ្លាកលេខ 1B-0955 (ខូចខាតធ្ងន់) ។
ប្រភពបន្តទៀតថា មូលហេតុគឺបណ្តាលមកពីកត្តាមនុស្សបើកបរមិនគោរពសិទ្ធិអទិភាព និងល្បឿនលឿនទើបបណ្តាលឱ្យមានគ្រោះថ្នាក់ចរាចរណ៍នេះកើតឡើង ។ បច្ចុប្បន្នជនរងគ្រោះកំពុងសម្រាកព្យាបាលនៅមន្ទីរពេទ្យបង្អែកខេត្ត រីឯម៉ូតូទាំង២គ្រឿងត្រូវនគរបាលយកទៅរក្សាទុកនៅការិយាល័យចរាចររង់ចាំដោះស្រាយ ៕
កែសម្រួលដោយ ៖ សំណាង
ចែករំលែកព័តមាននេះ