ខេត្ដកំពង់ធំ ៖ នៅជាប់គល់ស្ពានកំពង់ ឈើទាលខាងមុខផ្សារកំពង់ឈើទាល និងនៅចំងាយប្រមាណ៥ម៉ែត្រពីស្លាកសញ្ញា របស់មន្ទីរបរិស្ថាន ដែលសរសេរថា បរិស្ថានស្អាត រមណីយដ្ឋានល្អ នាំមកនូវសុខភាព គេប្រទះឃើញគំនរសំរាមធំមួយ កំពុងជះក្លិន ស្អុយគគ្រុក និងគួរឱ្យទើសភ្នែកយ៉ាងខ្លាំង ។ ទាក់ទិនដល់គំនរសំរាមដែលគេបោះ ចោលយ៉ាងអនាធិបតេយ្យនៅគល់ស្ពាន និងរាយប៉ាយចូលក្នុងស្ទឹងនៅខាងមុខផ្សារ ស្ថិតក្រោមស្លាកសញាដ៏គួរ
ខេត្ដកំពង់ធំ ៖ នៅជាប់គល់ស្ពានកំពង់ ឈើទាលខាងមុខផ្សារកំពង់ឈើទាល និងនៅចំងាយប្រមាណ៥ម៉ែត្រពីស្លាកសញ្ញា របស់មន្ទីរបរិស្ថាន ដែលសរសេរថា បរិស្ថានស្អាត រមណីយដ្ឋានល្អ នាំមកនូវសុខភាព គេប្រទះឃើញគំនរសំរាមធំមួយ កំពុងជះក្លិន ស្អុយគគ្រុក និងគួរឱ្យទើសភ្នែកយ៉ាងខ្លាំង ។ ទាក់ទិនដល់គំនរសំរាមដែលគេបោះ ចោលយ៉ាងអនាធិបតេយ្យនៅគល់ស្ពាន និងរាយប៉ាយចូលក្នុងស្ទឹងនៅខាងមុខផ្សារ ស្ថិតក្រោមស្លាកសញាដ៏គួរឱ្យអស់សំណើចនេះ អាជីវករលក់ដូរនៅក្បែរកន្លែងនោះនិយាយថា នៅម្ដុំនោះគឺជាគំនរសំរាមកាកសំណល់ ដែលគេបានកំណត់ឱ្យពួកអាជីវករចោលនៅកន្លែងនោះ ដោយមានធុងសំរាម២នៅជិតគ្នា ហើយពីមួយថ្ងៃទៅមួយថ្ងៃ សំរាមកាក សំណល់នេះគរជាគំនរ និងហៀរចូលក្នុងស្ទឹង ខាងក្រោមទៀត បើខ្យល់បក់មកម្ដងៗជះ ក្លិនគួរឱ្យចង់ក្អួត ។ ពួកគាត់បន្ដទៀតថា បើទោះជាបែបនេះក៏ដោយ ក៏ពួកគាត់មិន ដែលឃើញមានមន្ដ្រី ឬអាជ្ញាធរណាមក រៀបចំឡើយ ។ ដោយសារតែគ្មានការរៀប ចំកន្លែងទុកដាក់ឱ្យបានត្រឹមត្រូវនោះហើយ ទើបពួកអាជីវករចេះតែនាំគ្នាចោលនៅ កន្លែងនោះតាមគ្នាទៅ ។
ពួកគាត់និយាយថា មន្ដ្រីបរិស្ថាននិងអាជ្ញា ធរស្រុកគួរតែរកកន្លែងចោលសំរាមឱ្យបាន ត្រឹមត្រូវ មិនត្រូវឱ្យយកសំរាមមកចោលក្នុងស្ទឹង ឬមុខផ្សារនោះទេ ព្រោះប្រជាពល រដ្ឋនៅតាមដងស្ទឹងប្រើប្រាស់ទឹកស្ទឹងជា ប្រចាំ ។ ម្យ៉ាងទៀត ដោយសារដីនៅចំណុច គល់ស្ពានកំពុងស្រុតផងនោះ*គឺប្រៀបដូចជា រណ្ដៅសំរាប់ចាក់សំរាមដូច្នោះដែរ ហើយអ្វី ដែលគួរឱ្យអនិច្ចានោះគឺរូបនាគដែលស្រុតដី អើតក និងបង្ហាញខ្លួននៅក្នុងគំនរសំរាមដ៏ ស្អុយរលួយ ផ្ទុយស្រឡះពីការគោរពប្រតិបត្ដិ ព្រោះថា នាគ គឺជាស្ដេចបង្កើតទឹកដី ផ្ដល់នូវ ភាពសុខដុមរមនា ត្រជាក់ត្រជំ បើមិនបាន គោរពទេ ក៏គួរតែសំអាត មិនគួរណាយក សំរាមកាកសំណល់ស្អុយរលួយទៅចោលពី លើសោះ ។ ជាងនេះទៅទៀត នៅមិនឆ្ងាយ ប៉ុន្មានពីគំនរសំរាម គេឃើញស្លាករបស់មន្ទីរ បរិស្ថានបោះដាក់នៅស្ពានខាងឆ្វេង ដែល មានខ្លឹមសារគួរឱ្យចាប់អារម្មណ៍ និងស្ទើរតែ មិនហ៊ានស្ដោះទឹកមាត់ឡើយ ប៉ុន្ដែវាគួរឱ្យ ខ្មាសអៀនខ្លាំង នៅពេលឃើញគំនរសំរាម នៅចម្ងាយប្រមាណតែ៤ទៅ៥ម៉ែត្រប៉ុណ្ណោះ ពីទីនោះ ។
ជាមួយបញ្ហាខាងលើនេះ អ្នកយកព័ត៌ មានបានព្យាយាមជួបជាមួយមន្ដ្រីបរិស្ថាន ស្រុក ប៉ុន្ដែពួកគាត់មិនមានវត្ដមាននៅក្នុង ស្នាក់ការ ឬក្បែរផ្សារនោះទេ ដែលតាមព័ត៌ មានបានឱ្យដឹងថា ជាធម្មតាពួកគាត់មិនដែល ខ្វល់ពីរឿងនេះទេ គឺពួកគាត់ជាប់ភារកិច្ច ប្រចាំការនៅតាមច្រកផ្លូវនានា ដើម្បីចាំយក លុយកាក់ពីការដឹកអុស ឈើបន្ដិចបន្ដួចពី រទេះ ឬរថយន្ដ និងនៅតាមតំបន់ព្រៃនានា បើដើរនៅពេលយប់វិញគឺឃើញពួកគាត់ ច្រើនជាងថ្ងៃ ។ ប្រជាពលរដ្ឋបានសំណូមពរ ទៅលោកប្រធានមន្ទីរគួរសហការជាមួយ អាជ្ញាធរស្រុក ឱ្យអ្នករៀបចំសណ្ដាប់ធ្នាប់ ផ្សារកំពង់ឈើទាល យកចិត្ដទុកដាក់ផង ។ ផ្សារកំពង់ឈើទាលនេះ គឺជាផ្សារ១ដែលនៅ មិនឆ្ងាយប៉ុន្មានពីតំបន់ទេសចរណ៍ប្រវត្ដិ សាស្ដ្រប្រាសាទបុរាណសំបូរព្រៃគុហ៍នោះ ឡើយ ដូច្នេះភ្ញៀវអាចចេញពីប្រាសាទសំបូរ ហើយមកមើលផ្សារ ចុះបើខាងមុខផ្សារ កខ្វក់បែបនេះ តើមុខមាត់មូលដ្ឋានទៅជាយ៉ាងណា?
ចែករំលែកព័តមាននេះ