ខេត្តព្រះសីហនុ ៖ សម្តេច ស ខេង រដ្ឋមន្ត្រីក្រសួងមហាផ្ទៃ បានចេញបទបញ្ជាឱ្យពង្រឹងអត្តសញ្ញាណកម្ពុជានៅខេត្តព្រះសីហនុ ខណៈដែលខេត្តនេះ សម្បូរដោយជនជាតិចិន និងអក្សរចិនតាមផ្លាកយីហោផ្សេងៗ ។
សម្តេចបានលើកឡើងពីភាពចាំបាច់នេះ នៅពេលប្រកាសផ្ទេរតំណែងអភិបាលខេត្តពីលោក យន្ត មីន មក លោក គួច ចំរើន នៅថ្ងៃទី២៩ មិថុនា នេះ ។
សម្តេចមានប្រសាសន៍ថា ការអភិវឌ្ឍន៍នៅខេត្តព្រះសីហនុ ត្រូវរក្សាឱ្យបានដាច់ខាតអត្តសញ្ញាណខ្មែរ ។យើងចាំមើលថា តើលោក គួច ចំរើន នឹងស្តារឡើងវិញអត្តសញ្ញាណកម្ពុជានៅខេត្តព្រះសីហនុបានល្អកម្រិតណា ៕ (សម្រួលដោយ៖ ស្រីណា)
ចែករំលែកព័តមាននេះ