រាជធានីភ្នំពេញ ៖ ក្រសួងធនធានទឹក និងឧតុនិយម សូមជូនដំណឹងដល់ប្រជាពលរដ្ឋឱ្យមានការប្រុងប្រយ័ត្នចំពោះឥទ្ធិពលភ្លៀងលាយឡំជាមួយផ្គរ រន្ទះ និងខ្យល់កន្ត្រាក់ ដែលនឹងអាចកើតមានឡើងក្នុងពេលប្រទេសកម្ពុជាទទួលរងសម្ពាធចាប់ពីថ្ងៃទី២៦ ខែមិថុនា ដល់ថ្ងៃទី២…
រាជធានីភ្នំពេញ ៖ ក្រសួងធនធានទឹក និងឧតុនិយម សូមជូនដំណឹងដល់ប្រជាពលរដ្ឋឱ្យមានការប្រុងប្រយ័ត្នចំពោះឥទ្ធិពលភ្លៀងលាយឡំជាមួយផ្គរ រន្ទះ និងខ្យល់កន្ត្រាក់ ដែលនឹងអាចកើតមានឡើងក្នុងពេលប្រទេសកម្ពុជាទទួលរងសម្ពាធចាប់ពីថ្ងៃទី២៦ ខែមិថុនា ដល់ថ្ងៃទី២ ខែកក្កដា ខាងមុខនេះ។
សេចក្តីប្រកាសព័ត៌មានរបស់ក្រសួងធនធានទឹកបានបញ្ជាក់ថា តំបន់ជាប់មាត់សមុទ្ររួមមាន ខេត្តកោះកុង និងខេត្តព្រះសីហនុ នឹងមានភ្លៀងធ្លាក់រាយប៉ាយក្នុងបរិមាណបង្គួរទៅច្រើននិងខ្យល់បក់បោកខ្លាំង។
ចំណែកនៅរាជធានីភ្នំពេញ និងខេត្តមួយចំនួនផ្សេងទៀតដូចជា កណ្ដាល កំពង់ស្ពឺ តាកែវ និងកំពត នឹងមានឥទ្ធិពលរងសម្ពាធខ្យល់មូសុងដែលបង្កឲ្យមានភ្លៀងធ្លាក់ ក្នុងកម្រិតចាប់ពីមធ្យមទៅច្រើន។ ក្រសួងធនធានទឹកបានណែនាំដល់ប្រជាពលរដ្ឋដែលធ្វើដំណើរតាមដងផ្លូវត្រូវមានការប្រុងប្រយ័ត្នចំពោះខ្យល់កន្ត្រាក់ ផ្គរ និងរន្ទះ ដែលអាចនឹងកើតមានឡើងក្នុងពេលមានភ្លៀងធ្លាក់នេះ៕ (កែសម្រួលដោយ ៖ ធីតា)
ចែករំលែកព័តមាននេះ