ហ្វីលីពីន ៖ តាមប្រភពពីThe Sun បានឱ្យដឹងថា យុវជនម្នាក់អាយុ១៨ឆ្នាំបានស្លាប់ ក្រោយពីដាំក្បាលចូលក្នុងម៉ាស៊ីនកិនសាច់ធ្វើសាច់ក្រកក្នុងរោងចក្រផលិតសាច់ក្រក ប្រទេសហ្វីលីពីន ។ Joemar…
ហ្វីលីពីន ៖ តាមប្រភពពីThe Sun បានឱ្យដឹងថា យុវជនម្នាក់អាយុ១៨ឆ្នាំបានស្លាប់ ក្រោយពីដាំក្បាលចូលក្នុងម៉ាស៊ីនកិនសាច់ធ្វើសាច់ក្រកក្នុងរោងចក្រផលិតសាច់ក្រក ប្រទេសហ្វីលីពីន ។ Joemar Jungco អាយុ១៨ឆ្នាំ ត្រូវបានគេប្រទះឃើញជើងចេញមកក្រៅម៉ាស៊ីនកិនសាច់ ពេលព្រឹកព្រលឹម ម៉ោង៨ព្រឹក មុនពេលក្រុមសង្គ្រោះបន្ទាន់មកដល់មួយម៉ោង ។
គេបានសន្និដ្ឋានថា នេះប្រហែលជា Jungco ចង់ឈោងដៃយកអ្វីមួយនៅក្នុងម៉ាស៊ីននោះ ទើបបានជាត្រូវគាបស្លាប់បែបនេះ។ ហេតុការណ៍បានកើតឡើងនៅក្នុងរោងចក្រមួយក្នុងក្រុង Iloilo វេលាម៉ោងប្រហែល៧និង៣០នាទីព្រឹក នាថ្ងៃទី២២ ខែមិថុនា។
ប៉ូលិសហ្វីលីពីនបានប្រាប់ឱ្យដឹងថា Jungco ទើបតែទទួលបានការងារនេះ២សប្តាហ៍តែប៉ុណ្ណោះ ហើយរោងចក្រមិនទាន់ឱ្យគេប្រើប្រាស់ម៉ាស៊ីនកិនសាច់នៅឡើយ ។ លោកបានបន្តថា នេះប្រហែលជា Jungco ចង់សាកចង់ដឹងក្នុងការប្រើប្រាស់ម៉ាស៊ីននេះ ទើបបានទៅជាដូច្នោះ។ ខាងម្ចាស់រោងចក្រ លោកស្រី Joselor Jaleco ក៏បានប្រាប់មិនឱ្យ Jungco មិនឱ្យដាក់ដៃចូលជាមុនផងដែរ ។
ប៉ូលិសនឹងប្រាប់ពីមូលហេតុនៃការស្លាប់ពិតប្រាកដ នៅក្រោយពេលធ្វើកោសល្យវិច្ច័យរួច ខណៈដែលក្រុមគ្រួសារនៃសពបានសម្រេចចិត្តទទួលយកប្រាក់សំណងពីរោងចក្រ ដែលទទួលចេញថ្លៃបញ្ចុះសព ។
ចែករំលែកព័តមាននេះ