កាយផ្លូវ ដាក់លូវ…ដើម្បីឱ្យប្រជាពលរដ្ឋមានភាពងាយស្រួល !
- បន្ទាយមានជ័យ
ខេត្តបន្ទាយមានជ័យ ៖ នៅរសៀលថ្ងៃទី២៤ ខែមិថុនា លោក អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ បានដឹកនាំក្រុមការងារមន្ត្រីក្រោមឱវាទអមដំណើរដោយលោក ហ៊ឹល…
ខេត្តបន្ទាយមានជ័យ ៖ នៅរសៀលថ្ងៃទី២៤ ខែមិថុនា លោក អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ បានដឹកនាំក្រុមការងារមន្ត្រីក្រោមឱវាទអមដំណើរដោយលោក ហ៊ឹល…
ខេត្តបន្ទាយមានជ័យ ៖ នៅរសៀលថ្ងៃទី២៤ ខែមិថុនា លោក អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ បានដឹកនាំក្រុមការងារមន្ត្រីក្រោមឱវាទអមដំណើរដោយលោក ហ៊ឹល រ៉ាយ៉ា អភិបាលនៃគណៈអភិបាលក្រុងសិរីសោភ័ណ អ្នកពាក់ព័ន្ធបានចុះពិនិត្យមើលទីតាំងរៀបចំប្រព័ន្ធលូដោយផ្ទាល់នៅចំណុចបេនឡានចាស់ដែលមានប្រវែង៣៧០ម៉ែត្របង្ហូរចាក់ចូលទៅក្នុងស្ទឹង ស្ថិតនៅភូមិ៣ សង្កាត់ព្រះពន្លា ក្រុងសិរីសោភ័ណ រួមនឹងពិនិត្យមើលក្រុមការងារស្តារប្រព័ន្ធលូបញ្ចៀសការស្ទះទឹកនារដូវវស្សានេះ ។
ក្នុងឱកាសនៃការចុះពិនិត្យមើលការរៀបចំ និងស្តារប្រព័ន្ធលូលោក អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យក៏បានសំណេះសំណាលជាមួយបងប្អូនប្រជាពលរដ្ឋនៅរស់នៅក្បែរផ្លូវដែលបានរៀបចំប្រព័ន្ធលូ និងបានអរគុណចំពោះការសហការជាមួយអាជ្ញាធរ សម្រួលរាល់ផលប៉ះពាល់ ដើម្បីជាផលប្រយោជន៍រួមទាំងអស់គ្នា ពិសេសបានកាត់បន្ថយការស្ទះប្រព័ន្ធលូបានមួយចំណែកធំ ។ ជាមួយគ្នានោះលោកបានធ្វើការសំណូមពរដល់បងប្អូនប្រជាពលរដ្ឋ ត្រូវចូលរួមថែរក្សាបរិស្ថានឲ្យបានស្អាត ចៀសវាងការចោលសំរាមពាសវាលពាសកាល ដែលជាដើមហេតុនៅឲ្យស្ទះលូជាដើម ។
តាមការបញ្ជាក់ពីលោក ហ៊ឹល រ៉ាយ៉ា អភិបាលនៃគណៈអភិបាលក្រុងសិរីសោភ័ណបានឲ្យដឹងថា ជាមួយនឹងការចុះពិនិត្យមើលការរៀបចំ និងស្តារប្រព័ន្ធលូ លោកអភិបាលខេត្តក៏បានអញ្ជើញទៅពិនិត្យផ្លូវមួយចំនួននៅក្នុងភូមិ៣ សង្កាត់ព្រះពន្លាដើម្បីសិក្សាលើកគម្រោងសម្រាប់ស្ថាបនាផ្លូវខាងលើឲ្យបានស្អាតជូនប្រជាពលរដ្ឋនៅមូលដ្ឋានឲ្យទទួលបានផ្លូវធ្វើដំណើរស្រួល និងលេងភ័យព្រួយរឿងការលំបាកទៀតហើយ ៕
កែសម្រួលដោយ ៖ សំណាង
ចែករំលែកព័តមាននេះ