ខេត្តក្រចេះ ៖ នគរបាលព្រហ្មទណ្ឌខេត្ត កាលពីរសៀលថ្ងៃទី៣១ ធ្នូ បានកសាងសំណុំរឿង បញ្ជូនខ្លួនបុរសជាឪពុកចុងអគតិមួយរូបទៅកាន់សាលាដំបូង ក្រោយពីជននេះ បានធ្វើសកម្មភាពចាប់ រំលោភកូនស្រីចុង ក្នុងវ័យអនីតិជនបានសម្រេច ជាច្រើនដងមានរយៈជាងមួយឆ្នាំ និងទើបបែកធ្លាយ ។
ខេត្តក្រចេះ ៖ នគរបាលព្រហ្មទណ្ឌខេត្ត កាលពីរសៀលថ្ងៃទី៣១ ធ្នូ បានកសាងសំណុំរឿង បញ្ជូនខ្លួនបុរសជាឪពុកចុងអគតិមួយរូបទៅកាន់សាលាដំបូង ក្រោយពីជននេះ បានធ្វើសកម្មភាពចាប់ រំលោភកូនស្រីចុង ក្នុងវ័យអនីតិជនបានសម្រេច ជាច្រើនដងមានរយៈជាងមួយឆ្នាំ និងទើបបែកធ្លាយ ។
ប៉ូលិសព្រហ្មទណ្ឌនិយាយថា ជនសង្ស័យជាឪពុកចុងរូបនេះ ត្រូវកម្លាំងនគរបាលស្រុកចិត្របុរី ឃាត់ខ្លួនកាលពីថ្ងៃទី៣០ ធ្នូ ទៅតាមពាក្យបណ្តឹងរបស់ស្រ្តីជាប្រពន្ធ និងជាម្តាយក្មេងស្រីរងគ្រោះ ក្រោយពីជននេះ បានធ្វើសកម្មភាពចាប់រំលោភក្មេងស្រីរងគ្រោះជាលើកចុងក្រោយ និងបានបែកធ្លាយ ។ ប៉ូលីសស្រុកចិត្របុរី បាននិយាយថា ជនអគតិត្រីឆ្តោរស៊ីកូនឯងនេះ ឈ្មោះ ឡុង ថុល អាយុ៥២ឆ្នាំ មានទីលំនៅក្នុងភូមិកន្ទួត ឃុំកន្ទួត ស្រុកចិត្របុរី និងបានចាប់រំលោភលើក្មេងស្រីរងគ្រោះជាកូនចុងវ័យអនីតិជន១៥ឆ្នាំ ដោយរំលោភបានសម្រេចជាច្រើនលើក គិតតាំងពីឆ្នាំ២០១២មកម្ល៉េះ ។
លោកអនុសេនីយ៍ឯក ស្រ៊ឺ ជាលី អធិការរងព្រហ្មទណ្ឌស្រុកចិត្របុរីបានឲ្យដឹងថា សកម្មភាពជនសង្ស័យចាប់រំលោភកូនស្រីចុងនេះ បានបែកធ្លាយ កាលពីយប់ថ្ងៃទី ២៩ ធ្នូ ខណៈដែលជនអគតិរូបនេះ បានហៅនាងឲ្យទៅជួយលក់ទឹកត្នោតជូរ នៅក្នុងពិធីរាំវង់មួយនៅក្នុងភូមិប្អៀរ ឃុំថ្មី ស្រុកចិត្របុរី ហើយក៏បានចាប់រំលោភនាងរហូតបានសម្រេចម្តងទៀត។ ដោយអត់ទ្រាំនឹងទង្វើររបស់បុរសជាឪពុកអគតិមិនបាន ក្មេងស្រីរងគ្រោះបានយករឿងនេះប្រាប់ម្តាយ បើទោះបីជានាងទទួលរងនូវការគំរាម កំហែងពីសំណាក់ឪពុកចុងរូបនេះយ៉ាងធ្ងន់ធ្ងរក៏ដោយ ។
ក្រោយពីរឿងនេះបានបែកធ្លាយស្រ្តីជាម្តាយបានមកប្តឹងរាយការណ៏មកនគរបាល ហើយនគរបាល ក៏បានចាប់ឃាត់ខ្លួនជនរូបនេះបាន កាលពីថ្ងៃទី៣០ ធ្នូ បន្ទាប់ពីជននេះបានធ្វើសកម្មភាពរំលោភក្មេងស្រីរងគ្រោះជាកូនស្រីចុង ជាលើកចុងក្រោយ កាលពីយប់ថ្ងៃទី២៩ ធ្នូ ៕
ចែករំលែកព័តមាននេះ