សម្តេចសម្រេចឱ្យលោកយន្ត មីន លាលែងពីតំណែង..!
- ព្រះសីហនុ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា មុននេះបន្តិចបានបញ្ចេញសារបញ្ជាក់ថា លោកយន្ត មីន អភិបាលខេត្តព្រះសីហនុបានទទួលស្គាល់កំហុស…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា មុននេះបន្តិចបានបញ្ចេញសារបញ្ជាក់ថា លោកយន្ត មីន អភិបាលខេត្តព្រះសីហនុបានទទួលស្គាល់កំហុស…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា មុននេះបន្តិចបានបញ្ចេញសារបញ្ជាក់ថា លោកយន្ត មីន អភិបាលខេត្តព្រះសីហនុបានទទួលស្គាល់កំហុស និងសុំលាលែងពីតំណែងជាផ្លូវការហើយ ហើយសម្រេចតែងតាំង លោក គួច ចំរើន បច្ចុប្បន្នជាអភិបាលខេត្តកំពង់ចាមជំនួសវិញ ។
សម្តេចបានសរសេរបញ្ជាក់ថា «ក្នុងពេលបំពេញការងារនៅខេត្តព្រះសីហនុ ឯកឧត្តម យន្ត មីន អភិបាលខេត្តព្រះសីហនុ បានទទួលស្គាល់កំហុសលើការគ្រប់គ្រងក្នុងដែនសមត្ថកិច្ចរបស់ខ្លួន ដែលបណ្តាលអោយមានរឿងឈឺចាប់កើតឡើង ។ គាត់បានស្នើមកខ្ញុំ ដើម្បីលាលែងចេញពីអភិបាលខេត្តព្រះសីហនុ» ។
សម្តេចបានបញ្ជាក់ថា «ខ្ញុំបានយល់ព្រមអោយគាត់លាលែង និងបានពិភាក្សាជាមួយសម្តេច ស ខេង យក ឯកឧត្តម គួច ចំរើន ពីអភិបាលខេត្តកំពង់ចាម មកធ្វើជាអភិបាលខេត្តព្រះសីហនុ វិញ។ ទោះជាមានការរៀបចំបែបនេះក៏ដោយ ក៏ឯកឧត្តម យន្ត មីន នៅបន្តដឹកនាំយុទ្ធនាការរុករក និងសង្គ្រោះតទៅទៀតរហូតចប់កិច្ចការ និងអភិបាលខេត្តថ្មីចូលកាន់តំណែង» ។
ជាមួយគ្នានោះផងដែរ សម្តេចតេជោក៏បានសេរសេរសារបញ្ជាក់ថា «ខ្ញុំក៏សូមបញ្ជាក់ថា ថ្ងៃនេះខ្ញុំបានសម្រេចចិត្តដកឯកឧត្តម ញឹម វណ្ណដា ចេញពីតំណែងជាទេសរដ្ឋមន្ត្រី និងជាអនុប្រធានទី១នៃគណៈកម្មាធិការជាតិគ្រប់គ្រងគ្រោះមហន្តរាយដោយមូលហេតុខ្វះការទទួលខុសត្រូវនិងភូតភរ» ។
គួរបញ្ជាក់ដែរថា លោក យន្ត មីន សុំការអភ័ទោសពីក្រុមគ្រួសារនៃជនរងគ្រោះ ក្រោយសុំលាលែងពីតំណែងអភិបាលខេត្តថា «ក្នុងឧប្បវហេតុរលំអគារ៧ជាន់ក្នុងក្រុងព្រះសីហនុនេះ ខ្ញុំមានការសោកស្តាយយ៉ាងខ្លាំង និងសុំការអភ័ទោសពីក្រុមគ្រួសារនៃជនរងគ្រោះទាំងអស់។ ជាការទទួលខុសត្រូវក្នុងឧប្បវហេតុនេះ ខ្ញុំបានស្នើសុំសម្តេចតេជោនាយករដ្ឋមន្ត្រីលាលែងពីតំណែងរួចហើយ ហើយសម្តេចក៏បានផ្តល់ការយល់ព្រមដែរ»។
លោកបានសរសេរបន្ត «ជាមួយនេះ ខ្ញុំបាទសុំការអភ័យទោសពីសម្តេចតេជោនាយករដ្ឋមន្ត្រី សម្តេចក្រឡាហោម សម្តេច ឯឧ លោកជំទាវ ចំពោះកង្វះខាតនៃការបំពេញភារៈកិច្ចរបស់ខ្ញុំបាទកន្លងមកនេះ។ ខ្ញុំសុំការអភ័យទោស និងការអធ្យាស្រ័យពីបងប្អូនប្រជាពលរដ្ឋ មន្ត្រីរាជការ កងកំលាំងប្រដាប់អាវុធ គ្រប់ប្រភេទ ក្នុងខេត្តព្រះសីហនុទាំងអស់ ចំពោះកង្វះខាតរបស់ខ្ញុំកន្លងមក ត្បិតអីខ្ញុំបានខំប្រឹងអស់ពីលទ្ធភាពហើយ។ តែទោះបីជាបែបណា ខ្ញុំនៅតែបន្តសកម្មភាពជួយសង្គ្រោះ ក្នុងឧប្បវហេតុនេះអោយចប់ចុងចប់ដើម»។ (សម្រួលដោយ៖ ស្រីណា)
ចែករំលែកព័តមាននេះ