រាជធានីភ្នំពេញ ៖ សេចក្តីរាយការណ៍បឋមបានបន្តទៀយថា អង្គភាពប្រឆាំងអំពើពុករលួយបានប្រើប្រាស់រថយន្តចំនួន៦គ្រឿង ក្នុងការដឹកជនសង្ស័យ៦នាក់ មកកាន់កាន់សាលាដំបូងរាជធានីភ្នំពេញ ព្រឹកថ្ងៃទី២៤ មិថុនា នេះ ដោយកម្លាំងមានប្រមាណ២០នាក់ការពារ ។ ហើយសំណុំរឿងនេះ បានចាត់ចូលទៅព្រះរាជអាជ្ញារង គុជ គឹមឡុង កំពុងធ្វើការសាកសួរផងដែរ ។
សូមរំលឹកថា អង្គភាពប្រឆាំងអំពើពុករលួយ (ACU)បានចាប់បញ្ជូនមនុស្ស៦នាក់ ទៅកាន់សាលាដំបូងរាជធានីភំពេញ ក្នុងនោះមានម្នាក់ជាលោកឧកញ៉ា សុខ ប៊ុន ពាក់ព័ន្ធលើករណីក្លែងលិខិតបន្លំយកដីប្រជាពលរដ្ឋ នៅក្នុងសហគមន៍ក្រុងព្រះសីហនុ ខេត្តព្រះសីហនុ ។
ប្រភពបន្តថា ជនទាំង៦នាក់ដែលបានបញ្ជូនមកសាលាដំបូង មាន ១-ឈ្មោះសុខ ប៊ុន អគ្គនាយកសុខ ប៊ុន គ្រុប ។ ២-ឈ្មោះកែវ ពៅ ជាមេភូមិព្រែកស្វាយ ក្នុងសង្កាត់កោះរ៉ុង ក្រុងកោះរ៉ុង ខេត្តព្រះសីហនុ ។ ៣-ឈ្មោះកែវ សោម ចៅសង្កាត់រងទី២ ក្រុងកោះរ៉ុង ខេត្តព្រះសីហនុ ។ ៤-ឈ្មោះហែម សាឡេះ ជាសមាជិក ក្រុមប្រឹក្សា សង្កាត់កោះរ៉ុង ក្រុងកោះរ៉ុង ខេត្តព្រះសីហនុ ។ ៥-សេង ហួលាង ចៅសង្កាត់កោះរ៉ុង ក្រុងកោះរ៉ុង ខេត្តព្រះសីហនុ និងអ៊ួង និត ប្រធានក្រុមប្រឹក្សាសង្កាត់កោះរ៉ុង ខេត្តព្រះសីហនុ ។ (សម្រួលដោយ៖ ស្រីណា)
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ