សម្តេចតេជោ ព្រមានដកតួនាទីមន្ត្រីតាមស្ថាប័នដែលមានប្រពន្ធច្រើន
- ភ្នំពេញ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានព្រមានដកតួនាទី ឬតំណែងមន្ត្រីនៅតាមស្ថាប័នដែលមានប្រពន្ធច្រើន ។ ការព្រមាននេះ…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានព្រមានដកតួនាទី ឬតំណែងមន្ត្រីនៅតាមស្ថាប័នដែលមានប្រពន្ធច្រើន ។ ការព្រមាននេះ…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានព្រមានដកតួនាទី ឬតំណែងមន្ត្រីនៅតាមស្ថាប័នដែលមានប្រពន្ធច្រើន ។ ការព្រមាននេះ បន្ទាប់មានរឿងរ៉ាវរវាងលោក ដួង តារា មន្ត្រីជាន់ខ្ពស់រាជរដ្ឋាភិបាល ជាមួយលោក ថៃ នរៈសត្យា ពាក់ព័ន្ធការយល់ច្រឡំនឹងរឿងចោទប្រកាន់មានស្រីច្រើន
សម្តេចតេជោ បានខមមិននៅលើបញ្ហាសង្គមរបស់លោក ដួង តារា កាលពីថ្ងៃ២២ មិថុនា ហើយត្រូវបានលោក ដួង តារា បង្ហោះលើបណ្តាញសង្គមយ៉ាងដូច្នេះ «នៅ១ម៉ោងមុននេះ នៅក្នុងផេកខ្ញុំបាទ គឺសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់ច្បាស់អំពីមូលហេតុនៃការដក លោក ថៃ នរៈសត្យា អតីតរដ្ឋលេខាធិការ ពីក្រសួងវប្បធម៍ ដែលដែលមាខ្លឹមសារដើមទាំងស្រុងខាង
ក្រោម៖ សុំកុំប្រកែកគ្នានិងចោទប្រកាន់គ្នាពីរឿង លោកថៃ នរៈសត្យាត្រូវដកចេញពីដំណែង។ក្នុងឋានៈជានាយករដ្ឋមន្ត្រីខ្ញុំមិនមានការចាំបាច់សួរយោបល់អ្នកណាទាំងអស់លើការដកតំណែងនេះ» ។
សម្តេចបញ្ជាក់ថា «ការដកតំណែងរបស់គាត់ គឺចង់អោយថ្នាក់ដឹកនាំក្រសួងវប្បធម៌មានភាពស្អាតស្អំ ។
ពួកអ្នកប្រពន្ធច្រើន ត្រូវបានដកចេញជាបន្តបន្ទាប់ និងបន្តដកចេញនៅពេលខាងមុខ ។ នេះជាអភិក្រមទី៥ គឺការ (វះកាត់)» ។
នៅលើកបណ្តាញសង្គម លោក ដួង តារា ក៏បានសរសេទៀតថា «ខ្ញុំសោកស្តាយដែលបានបន្តឃើញព័ត៌មានមួយចំនួន បានចុះផ្សាយព័ត៌មានមិនពិត ដោយបានយកការបកស្រាយរបស់លោកថៃ នរៈសត្យា អតីតរដ្ឋលេខាធិការក្រសួងវប្បធម៌ ក្នុងចេតនាទុច្ចរិតដោយប្រមាថបរិហារកេរ្ត៍ បង្កាច់បង្ខូចធ្វើឱ្យប៉ះពាល់ដល់កិត្តិយសខ្ញុំ ក្រុមគ្រួសារខ្ញុំ និងការងារខ្ញុំ ហើយជាពិសេស គឺធ្វើអោយសាធារណៈជនមួយចំនួនយល់ច្រឡំថា ខ្ញុំជាតួអង្គបំបែកបំបាក់ បំផ្លាញគ្រួសារគេ ដូចការចុះព័ត៌មានមិនពិតរបស់បណ្តាញសារពតិ៍មានមួយចំនួន» ។
លោកបានបញ្ជាក់ថា «ខ្ញុំសូមបញ្ជាក់ជូនបងប្អូនថា ប្រសិនបើ ទង្វើរបស់ខ្ញុំល្មើសច្បាប់ ដោយប្រការណា មួយ គឺខ្ញុំសុខចិត្តទទួលខុសត្រូវទាំងស្រុង ចំពោះមុខច្បាប់ ទោះបីខ្ញុំត្រូវប្រឈមនឹងការបាត់បង់ការងារក៏ដោយ ពីព្រោះខ្ញុំត្រូវការការពារសីលធម៌រស់នៅ កិត្តិយស និងភាពស្អាតស្អំរបស់ខ្ញុំ និងក្រុមគ្រួសារខ្ញុំនៅក្នុងសង្គម ។ ខ្ញុំរក្សាសិទ្ធិស្របច្បាប់ ដើម្បីតតាំងតាមផ្លូវច្បាប់ចំពោះជនទុច្ចរិតណា ដែលមានបំណងបំផ្លាញកិត្តិយស កេរ្តិ៍ឈ្មោះ និងភាពស្អាតស្អំរបស់ខ្ញុំ» ។
លោកបន្តថា ខ្ញុំក៏សូមអធ្យាស្រ័យពីបងប្អូនដែរ តាមពិតទៅ ខ្ញុំអត់ចង់ឆ្លើយឆ្លងតាម facebook ទេ។ រឿងក្រុមគ្រួសារផ្ទាល់ខ្លួន ដូចករណីនេះ មិនគួរយកមកចែកចាយឆ្លងឆ្លើយតាម facebook ឡើយ។ តើបានអ្វីល្អមកវិញ ក្រៅពីគេវាយតម្លៃ ភាពអាមាស និងការបាត់បង់កាន់តែច្រើនឡើងៗ ។ ជាពិសេសអ្នកដែលរង់ចាំឱកាសជាន់សម្លាប់យើង គឺពេលដូចនេះឯង ។
សូមបងប្អូនប្រើប្រាស់ facebook មានការទទួលខុសត្រូវខ្ពស់ និងប្រើអោយមានប្រយោជន៍ដល់សង្គមជាតិ។ យើងចូលរួមកសាងអំពើល្អ ចែករំលែកក្តីស្រឡាញ់ និងស្នាមញញឹមគ្រប់ទីកន្លែង៕
ចែករំលែកព័តមាននេះ