តាមប្រភពពី Shanghaiist បានឱ្យដឹងថា មានមនុស្សយ៉ាងហោចណាស់១៣នាក់បានស្លាប់ និងរបួស២០០នាក់ ក្រោយពីកើតមានការរញ្ជួយដីកម្រិត៦.០ នៅក្នុងខេត្ត Sichuan កាលពីយប់ថ្ងៃចន្ទកន្លងមក ។ ការរញ្ជួយដីនេះ កើតឡើងនៅវេលាម៉ោង១០និង៥៥នាទីយប់ ស្ថិតនៅក្នុងក្រុង Yibin។ ការរញ្ជួយនេះ ត្រូវបានមហាជនសង្ស័យអាចបណ្តាលមកពីការជីករ៉ែលើសកម្រិតនៅតំបន់នេះ ។
អគារជាច្រើនបានរលំទាំងនៅក្នុងក្រុង និងជុំវិញក្រុង ។ ផ្ទះជាច្រើនត្រូវបានដួលជាបន្តបន្ទាប់ ខណៈដែលផ្លូវថ្នល់ត្រូវបានប្រេះស្ទើរគ្រប់កន្លែង។ ខេត្ត Sichuan គឺជាតំបន់ដែលងាយនឹងរងគ្រោះរញ្ជួយដីជាងគេនៅចិន។ កាលពីឆ្នាំ២០០៨ ការរញ្ជួយដីយ៉ាងសាហាវមួយបានកើតឡើងនៅក្នុងតំបន់ Wenchuan ដែលស្ថិតនៅ៤០០គីឡូម៉ែត្រពីក្រុង Yibin ដែលស្ថិតក្នុងខេត្ត Sichuan។ ពេលនោះ មានមនុស្សស្លាប់ដល់ទៅជាង ៨៧០០០នាក់ ទាំងក្មេងទាំងចាស់។ (សម្រួលដោយ៖ ស្រីណា)
ចំពោះការរញ្ជួយដីលើកនេះ គឺស្ថិតនៅផ្ទៃខាងលើនៃដី ដែលធ្វើឱ្យមានការខូចខាតអាគារជាច្រើន។
ខាងក្រោមនេះ គឺជារូបភាពក្រោយពេលរញ្ជូយដីរួច៖
ចែករំលែកព័តមាននេះ