វីវរហើយ! នេះសុទ្ធតែចិន…ខុសច្បាប់ត្រូវបានPMចាប់

ថ្ងៃទី ២០ ខែ មិថុនា ឆ្នាំ ២០១៩
ម៉ោង ០៩:៣១
ច័ន្ទ រស្មី

ខេត្តសៀមរាប ៖ លោកវរសេនីយ៍ឯក ថា ដាលុច មេបញ្ជាការរងទទួលការងារយុត្តិធម៌នៃកងរាជអាវុធហត្ថខេត្តសៀមរាបបានដឹកនាំកម្លាំងជំនាញនៃកងរាជអាវុធហត្ថខេត្តសៀមរាបបានចុះប្រតិបត្តិការបង្ក្រាបករណីលេងល្បែងស៊ីសងដោយខុសច្បាប់ (តាមប្រព័ន្ធអ៊ិនធឺណែត) ឈានដល់ធ្វើការឃាត់ខ្លួនបានជនសង្ស័យប្រុសស្រី ជនជាតិចិនចំនួន១៣នាក់ និងវត្ថុតាងជាច្រើន រួចរៀបចំកសាងសំណុំរឿងបញ្ជូនទៅតុលាការខេត្តចាត់ការបន្តទៅតាមផ្លូវច្បាប់។

ហេតុការឃាត់ខ្លួនជនជាតិខាងលើបានធ្វើឡើងនៅវេលាម៉ោង១៥និង០០នាទីរសៀលថ្ងៃ ទី១៣ ខែមិថុនា ឆ្នាំ២០១៩ នៅចំណុចភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាប ។ លោកវរសេនីយ៍ឯកថា ដាលុច មេបញ្ជាការរងទទួលការងារយុត្តិធម៌នៃកងរាជអាវុធហត្ថខេត្តសៀមរាបបានប្រាប់នៅរសៀលថ្ងៃទី១៩ ខែមិថុនា ឆ្នាំ២០១៩នេះថា ដោយមានការចង្អុលបង្ហាញពីលោកឧត្តមសេនីយ៍ត្រី ប៉ោ វណ្ណនិត មេបញ្ជាការ កងរាជអាវុធហត្ថខេត្ត បានឱ្យលោកដឹកនាំកម្លាំងជំនាញនៃកងរាជអាវុធហត្ថខេត្តចុះប្រតិបត្តិការបង្ក្រាបករណីលេងល្បែងស៊ីសងដោយខុសច្បាប់ (តាមប្រព័ន្ធអ៊ិនធឺណែត) ឈានដល់ធ្វើការឃាត់ខ្លួនជនសង្ស័យចំនួន១៣នាក់ ក្នុងនោះភេទស្រី០២នាក់រួមមានទី១-ឈ្មោះ Shu Ie Jui ភេទស្រី អាយុ ៣៤ឆ្នាំ មុខរបរកែសម្ភស្ប ជនជាតិចិន ទីកន្លែងកំណើតតំបន់ឈុងចីង ប្រទេសចិន ទីលំនៅបច្ចុប្បន្នភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាប ។ ទី២- ឈ្មោះ Tang Fei ភេទស្រី អាយុ៣៤ឆ្នាំ មុខរបរលក់អីវ៉ាន់អនឡាញ ជនជាតិចិន ទីកន្លែងកំណើតតំបន់ឈុង ចីង ប្រទេសចិន ទីលំនៅបច្ចុប្បន្ន ភូមិគ្រួស សង្កាត់ស្វាយដង្គំ ក្រុង-ខេត្តសៀមរាប ។

ទី៣- ឈ្មោះ Yun Tao ភេទប្រុស អាយុ៣១ឆ្នាំ មុខរបរអ្នកទទួលភ្នាល់អនឡាញ ជនជាតិចិន ទីកន្លែងកំណើតតំបន់ឈុងចីង ប្រទេសចិន ទីលំនៅបច្ចុប្បន្ន ភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាប ។ ទី៤- ឈ្មោះ Zhu Jui ភេទប្រុស អាយុ៣២ឆ្នាំ មុខរបរអ្នកទទួលភ្នាល់អនឡាញ ជនជាតិចិន ទីកន្លែងកំណើតតំបន់ឈុងចីង ប្រទេសចិន ទីលំនៅបច្ចុប្បន្នភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាប ។ ទី៥- ឈ្មោះ Lu Xiang ភេទប្រុស អាយុ៣២ឆ្នាំ មុខរបរអ្នកទទួលភ្នាល់អនឡាញ ជនជាតិចិន ទីកន្លែងកំណើត តំបន់ឈុងចីង ប្រទេសចិន ទីលំនៅបច្ចុប្បន្ន ភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាប ។ ទី៦- ឈ្មោះ Sun Gian ភេទប្រុស អាយុ២៩ឆ្នាំ មុខរបរអ្នកទទួលភ្នាល់អនឡាញ ជនជាតិចិន ទីកន្លែងកំណើតតំបន់ឈុងចីង ប្រទេសចិន ទីលំនៅបច្ចុប្បន្ន ភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាប ។ ទី៧- ឈ្មោះ Yang Zhi Hao ភេទប្រុស អាយុ២១ឆ្នាំ មុខរបរអ្នកទទួលភ្នាល់អនឡាញ ជនជាតិចិន ទីកន្លែងកំណើតតំបន់ឈុងចីង ប្រទេសចិនទីលំនៅបច្ចុប្បន្នភូមិគ្រួស សង្កាត់ស្វាយដង្គំ ក្រុងសៀមរាប ។

ទី៨- ឈ្មោះ Tan Cheng Wen ភេទប្រុស អាយុ២៩ឆ្នាំ មុខរបរអ្នកទទួលភ្នាល់អនឡាញ ជនជាតិចិន ទីកន្លែងកំណើត តំបន់ឈុងចីង ប្រទេសចិន ទីលំនៅបច្ចុប្បន្ន ភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាប ។ ទី៩- ឈ្មោះ Ly Liu Zhe ភេទប្រុស អាយុ៣២ឆ្នាំ មុខរបរ អ្នកទទួលភ្នាល់អនឡាញ ជនជាតិចិន ទីកន្លែងកំណើត តំបន់ឈុងចីង ប្រទេសចិន ទីលំនៅបច្ចុប្បន្ន ភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាប ។ ទី១០- ឈ្មោះ Yang Quai Wen ភេទប្រុស អាយុ១៩ឆ្នាំ មុខរបរអ្នកទទួលភ្នាល់អនឡាញ ជនជាតិចិន ទីកន្លែងកំណើត តំបន់ឈុងចីង ប្រទេសចិន ទីលំនៅបច្ចុប្បន្ន ភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាប ។

ទី១១- ឈ្មោះ Xia Li Zhonmg ភេទប្រុស អាយុ២៤ឆ្នាំ មុខរបរអ្នកទទួលភ្នាល់អនឡាញ ជនជាតិចិន ទីកន្លែងកំណើត តំបន់ឈុងចីង ប្រទេសចិន ទីលំនៅបច្ចុប្បន្ន ភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាប ។ ទី១២- ឈ្មោះ Niv Chen Ji ភេទប្រុស អាយុ២០ឆ្នាំ មុខរបរអ្នកទទួលភ្នាល់អនឡាញ ជនជាតិចិន ទីកន្លែងកំណើត តំបន់ឈុងចីង ប្រទេសចិន ទីលំនៅបច្ចុប្បន្ន ភូមិគ្រួស ខេត្តសៀមរាប ។ និង ទី១៣ – ឈ្មោះ Wu Hou Feng ភេទប្រុស អាយុ៣១ឆ្នាំ មុខរបរ អ្នកទទួលភ្នាល់អនឡាញ ជនជាតិចិន ទីកន្លែងកំណើត តំបន់ឈុងចីង ប្រទេសចិន ទីលំនៅបច្ចុប្បន្ន ភូមិគ្រួស ខេត្តសៀមរាប ។

លោកបានបញ្ជាក់ថា បន្ទាប់ពីកម្លាំងជំនាញបានធ្វើការឃាត់ខ្លួនជនសង្ស័យ ប្រុស ស្រី ជនជាតិចិនទាំង១៣នាក់បានភ្លាមៗ ករណីលេងល្បែងស៊ីសងដោយខុសច្បាប់ (តាមប្រព័ន្ធអ៊ិនធឺណែត) ក្នុងនោះដកហូតបានវត្ថុតាងរួមមាន ៖ កុំព្យូទ័រយួរដៃ០៦គ្រឿង (ម៉ាក Lenovo ២, Asus ២, HP ១, Dell ១) ទូរស័ព្ទដៃ២៩គ្រឿង (ម៉ាក Iphone ៦, Oppo ៧, Huawei ៥, Vivo ៦, Samsung ២, Hono ១, Mi ១, Jionee ១) និងឆ្នាំងសាកកុំព្យូទ័រ និងឆ្នាំងសាកទូរស័ព្ទមួយចំនួន , សៀវភៅសរសេរ០៧ក្បាល , វ៉ាលីដាក់ខោអាវចំនួន០២, លិខិតឆ្លងដែន០៤ក្បាល ។ លោកបានបញ្ជាក់ទៀតថា បន្ទាប់ពីស្តាប់ចម្លើយជនសង្ស័យខាងលើពួកខ្លួនបានសារភាពថា ខ្លួនជាបុគ្គលិកបម្រើការងារឱ្យល្បែងស៊ីសងតាមប្រព័ន្ធអ៊ិនធើណិត ដោយក្នុងនោះមានល្បែងស៊ីសងដូចជា ៖ Chong ging Shi Shi Cai ។

បច្ចុប្បន្នកម្លាំងជំនាញបានរៀបចំកសាងសំណុំរឿងបញ្ជូនជនសង្ស័យ និងវត្ថុតាងទៅសាលាដំបូងខេត្តសៀមរាប ដើម្បីចាត់ការបន្តតាមនីតិវិធីច្បាប់ ៕ កែសម្រួលដោយ ៖ សុឃាក់