រាជធានីភ្នំពេញ ៖ មន្ត្រីរដ្ឋបាលរាជធានីភ្នំពេញ បានឱ្យដឹងថា រដ្ឋបាលរាជធានីភ្នំពេញ សហការជាមួយក្រុមហ៊ុន OCIC បានសាងសង់ស្ពានអាកាសថ្មើរជើងថ្មីមួយទៀតនៅជុំវិញស្តុបរង្វង់មូលនាងគង្ហីង ជាប់ស្តាតអូឡាំពិក ស្ថិតក្នុងខណ្ឌ៧មករា រាជធានីភ្នំពេញ។
បើគិតមកដល់ពេលនេះ ការដ្ឋានសាងសង់ស្ពានអាកាសថ្មើរជើងថ្មីនេះ បានរួចរាល់ស្ទើរទាំងស្រុងហើយ នឹងគ្រោងដាក់ឱ្យប្រើប្រាស់ជាសាធារណៈចាប់ពីថ្ងៃទី២២ ខែមិថុនា ឆ្នាំ២០១៩ខាងមុខនេះតទៅ។ ចំណែកក្នុងគោលបំណង គឺដើម្បីសម្រួលដល់ការធ្វើដំណើរថ្មើរជើងឆ្លងកាត់ទីតាំងភ្លើងស្តុបមិនប៉ះពាល់ការធ្វើចរាចរណ៍ និងធានាបាននូវសុវត្ថិភាព។
សូមបញ្ជាក់ថា បច្ចុប្បន្នក្នុងរាជធានីភ្នំពេញ មានស្ពានអាកាសថ្មើរជើងចំនួន៣កន្លែង គឺនៅមុខវិទ្យាល័យជម្ពូវ័ន្ត នៅក្បែរផ្សារជម្ពូវ័ន្ដ ស្ថិតក្នុងសង្កាត់ចោមចៅ ខណ្ឌពោធិ៍សែនជ័យ ចំនួន២កន្លែង និងនៅជុំវិញស្តុបរង្វង់មូលនាងគង្ហីង ក្នុងខណ្ឌ៧មករា ៕ (កែសម្រួលដោយ ៖ បុប្ផា)
ចែករំលែកព័តមាននេះ