រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា មានករណីផ្អើលឆោឡោដោយផ្ទះមួយបានកម្តៅសម្លទុកចោល ហើយមានផ្សែងហុយដល់ផ្ទះអ្នកជិតខាង ដែលគ្រប់គ្នាស្មានតែមានករណីឆេះផ្ទះ ដែលហេតុការនេះបានកើតឡើងនៅវេលាម៉ោង១០និង០០នាទីព្រឹក ថ្ងៃទី១៧ ខែមិថុនានេះ ស្ថិតក្នុងបុរីមួយ សង្កាត់គីឡូម៉ែត្រលេខ៦ ខណ្ឌឬស្សីកែវ ។
សេចក្តីរាយការណ៍បានបន្តថា មុនពេលកើតហេតុម្ចាស់ផ្ទះដែលជាម្តាយរបស់មេប៉ុស្តិ៍ទួលសង្កែរ២ គាត់បានចាក់សោទុកចោល ហើយក៏បានទៅពេទ្យ មុនគាត់ទៅនោះគាត់បានកម្តៅមាន់ទុកចោល ក្រោយមកស្រាប់តែផ្សែងហុយទ្រលោម បង្កឲ្យមានការផ្ញាក់ផ្អើលពេញបុរីខាងលើនេះ ដែលមនុស្សគ្រប់គ្នានឹកស្មានថា មានការឆេះផ្ទះ ។
ក្រោយមកម្នាក់ៗនាំគ្នាទម្លុះ និងអារទ្វារចូលក្នុងផ្ទះស្រាប់តែឃើញឆ្នាំងសម្លកំពុងកម្តៅចោលយ៉ាងខ្លោចខ្ទេចតែម្តង ៕ កែសម្រួលដោយ ៖ សុឃាក់
ចែករំលែកព័តមាននេះ