រាជធានីភ្នំពេញ ៖ បុរសម្នាក់បណ្តែតបណ្តោយខ្លួនធ្លាក់ក្នុងល្បែងគ្រឿងញៀនប្រើប្រាស់រហូត បង្កអុកឡុកក្នុងក្រុមគ្រួសារដោយទ្រាំលែងបានសាច់ញាតិប្តឹងប៉ូលិសចាប់ឃាត់ខ្លួនតែម្តង ។ដែលហេតុការនេះបានកើតឡើងពីម៉ោង០១និង៣០នាទីរំលងអធ្រាត្រឈានចូលថ្ងៃទី១៦មិថុនា ២០១៩ នៅចំណុចភូមិស្លែងរលើង សង្កាត់អូរបែកក្អម ខណ្ឌសែនសុខ ។…
រាជធានីភ្នំពេញ ៖ បុរសម្នាក់បណ្តែតបណ្តោយខ្លួនធ្លាក់ក្នុងល្បែងគ្រឿងញៀនប្រើប្រាស់រហូត បង្កអុកឡុកក្នុងក្រុមគ្រួសារដោយទ្រាំលែងបានសាច់ញាតិប្តឹងប៉ូលិសចាប់ឃាត់ខ្លួនតែម្តង ។ដែលហេតុការនេះបានកើតឡើងពីម៉ោង០១និង៣០នាទីរំលងអធ្រាត្រឈានចូលថ្ងៃទី១៦មិថុនា ២០១៩ នៅចំណុចភូមិស្លែងរលើង សង្កាត់អូរបែកក្អម ខណ្ឌសែនសុខ ។
ជនសង្ស័យឈ្មោះ សំអាត បញ្ញា អាយុ២៩ឆ្នាំ មុខរបរកម្មករ ស្នាក់នៅភូមិស្លែងរលើង សង្កាត់អូរបែកក្អម ខណ្ឌសែនសុខ ។
តាមសម្តីស្ត្រីជាសាច់ញាតិបុរសខាងលើបានរៀបរាប់ត្អូញត្អែរថា ប្អូនប្រុសរបស់គាត់ទោះជាមានការអប់រំក្នុងរង្វង់គ្រួសារប៉ុណ្ណឹងហើយនៅតែភ្លើតភ្លើន តាមគ្នីគ្នាតាមមិត្តភក្តិរហូតធ្លាក់ខ្លួនប្រឡូកក្នុងល្បែងគ្រឿងញៀន ជាលទ្ធផលហុចឲ្យខ្លួនវិញ គឺក្តីបាត់បង់កិត្តិយស ការងារ សង្គមស្អប់ខ្ពើម ប្រឈមផ្លូវច្បាប់ដល់ខ្លួន ហើយកន្លងមកក្រុមគ្រួសារធ្លាប់ប្តឹងសមត្ថកិច្ចអោយចាប់ឃាត់ខ្លួនម្តងហើយ តែប្អូនគាត់ហាក់ដឹងខ្លួនបានគេចខ្លួនចេញពីផ្ទះអស់ជាច្រើនខែលុះវេលាខាងលើ ស្រាប់តែលេចមុខមកម្តងទៀតមកអុកឡុកក្នុងក្រុមគ្រួសារដោយទ្រាំលែងបានសាច់ញាតិប្តឹងប៉ូលិសចាប់ឃាត់ខ្លួនតែម្តង ។
សមត្ថកិច្ចបញ្ជាក់ថា បុរសខាងលើក្រោយយកមកសាកសួរបានធ្វើតេស្តទឹកនោមឃើញមានផ្ទុកសារធាតុញៀនក៏ឃាត់ខ្លួនយកទៅអធិការដ្ឋាននគរបាលខណ្ឌសែនសុខតែម្តង ។ កែសម្រួលដោយ ៖ សុឃាក់
ចែករំលែកព័តមាននេះ