ខេត្តត្បូងឃ្មុំ ៖ សេចក្តីរាយការណ៍បន្តថា កម្លាំងសមត្ថកិច្ចបានឃាត់ខ្លួនបុរសជាប្តីដៃដល់រូបនេះ គឺក្នុងពេលដែលជននេះ បម្រុងឡើងរថយន្តឈ្នួលគេចចេញពីទឹកដី នៅវេលាម៉ោង០៦ និង២០នាទីព្រឹកថ្ងៃ ទី១៥ មិថុនា នេះ ត្រង់ចំណុចភូមិទឹកចេញ ចម្ងាយពីកន្លែងកើតហេតុ៧គីឡូម៉ែត្រ ។ គួររំលឹកថា៖ ប្តីនេះរកលេខដាក់ឱ្យគ្មាន…ដេញកាប់ប្រពន្ធស្លាប់លើចិញ្ចើមផ្លូវ
សេចក្តីរាយការណ៍បន្តថា ឃាតករជាប្តីមានឈ្មោះ ភាព ម៉ាយ អាយុ២២ឆ្នាំ នៅភូមិស្រែសៀម ឃុំជីរោទី២ ស្រុកត្បូងឃ្មុំ ។
បើតាមស្ត្រីឈ្មោះអួន គឹមលី ត្រូវជាម្តាយនារីរងគ្រោះបានឱ្យដឹងថា មុនពេលកើតហេតុ គាត់នៅក្រោមផ្ទះ ជាមួយចៅប្រុសអាយុ១ខួប៨ខែ និងកូនស្រីឈ្មោះ ជុំ ធារី (ប្រពន្ធដែលស្លាប់) វេលាម៉ោងជាង១រសៀលថ្ងៃទី១៤ មិថុនា ស្រាប់តែបានឃើញកូនប្រសាឈ្មោះម៉ាយ (ឃាតករ) ជិះម៉ូតូគុប១គ្រឿងមកដល់ និងបានស្ទុះមកចាប់ទាញយកកូនពីក្នុងអង្រឹងដោយនិយាយថា យកទៅលេងនៅផ្ទះស្រែសៀម២ ទៅ៣ថ្ងៃ ។
ម្តាយបន្តថា កូនប្រសាបានចោទមកលើប្រពន្ធថា «ហ្អែង!មានប្រុសថ្មី ហើយទូរស័ព្ទបង្ហោះFacebookរកប្រុស…ភ្លេចប្តីនិងកូន» ប្តីបានចាប់អូសដៃប្រពន្ធឲ្យឡើងជិះម៉ូតូ ហើយកូនតូចដាក់លើដី និងមានការប្រតាយប្រតប់គ្នា អូសប្រពន្ធបំរុងយកទៅចង្ក្រានបាយ ។
គាត់ឃើញបែបនោះ បានយកព្រនង់ឈើ១កំណាត់មកកំញោញ ទើបកូនប្រសាលែងប្រពន្ធ ។ បន្ទាប់មក កូនប្រសារត់ទៅយកកាំបិតប៉័ងតោនៅចង្ក្រានបាយក ។ គាត់បានឱ្យកូនស្រីរត់ចេញទៅក្រៅមុខផ្ទះ ហើយ ត្រូវប្តី រត់តាមក្រោយបានប្រមាណ៦០ម៉ែត្រ តាមទាន់ក៏កាប់ត្រូវ.កស្លាប់ក្នុងថ្លុកឈាមតែម្តង ។ (សម្រួលដោយ៖ ស្រីណា)
ចែករំលែកព័តមាននេះ