សង្វេគ​ណាស់ ! គេច​ពី​រថយន្ត​បោក​ក្បាល​ស្លាប់​ទៀត​ហើយ


រាជធានី​ភ្នំពេញ ៖ បុរស​ម្នាក់​បាន​បោក​ក្បាល​ស្លាប់​នៅ​កន្លែង ខណៈ​ពេល​ដែល​ជិះ​ម៉ូតូ​ម៉ាក​ហុងដា​ឌ្រី​ម​មួយ​គ្រឿង​បើក​ជែង​រថយន្ត​ធំ​មួយ​គ្រឿង​មិន​ផុត​ជ្រុល​ទៅ​បុក​ពីក្រោយ ។ គ្រោះថ្នាក់​ចរាចរណ៍​ដ៏​រន្ធត់​នេះ​បាន​កើតឡើង កាលពី​វេលា​ម៉ោង​៥​ល្ងាច ថ្ងៃ​ទី​១៣ ខែមិថុនា ឆ្នាំ​២០១៩ ស្ថិត​នៅ​តាម​មហាវិថី​ឈ្នះ​ឈ្នះ​គល់​ក្បែរ​រង្វង់​មូល គល់​ស្ពាន​ព្រែក​ព្នៅ​ខាងលិច មុខ​ស្ថានីយ៍​ប្រេង​ឥ​ន្ថ​នៈ​តេ​លា ក្នុងភូមិ​ផ្សារ​លិច សង្កាត់​ព្រែក​ព្នៅ ខណ្ឌ​ព្រែក​ព្នៅ រាជធានី​ភ្នំពេញ ។

បុរស​រង​គ្រោះ​ពុំ​ត្រូវ​បាន​ស្គាល់​អត្តសញ្ញាណ​ឡើយ​ជិះ​ម៉ូតូ​ម៉ាក​ហុងដា​ឌ្រី​ម ពណ៌​ខ្មៅ ស៊េរី​ឆ្នាំ​២០១២ ឡើង​តែម​ឆ្នាំ​២០១៨ ពាក់​ស្លាក​លេខ​កំពង់ចាម 1N – 8111 មួយ​គ្រឿង ។ ចំណែក​រថយន្ត​ប្រភេទ​សណ្តោង​ក្បាល ពណ៌​ត្រួយ​ចេក ពាក់​ស្លាក​លេខ​ភ្នំពេញ 3E- 4805 បើកបរ​ដោយ​បុរស​ម្នាក់​មិន​ស្គាល់​អត្តសញ្ញាណ​ត្រូវ​សមត្ថកិច្ច​ឃាត់ខ្លួន ។

តាម​ប្រភព​ព័ត៌មាន​បាន​ឲ្យ​ដឹង​ថា នៅ​មុន​ពេល​កើតហេតុ​គេ​ឃើញ​ជន​រង​គ្រោះ​ជិះ​ម៉ូតូ​មួយ​គ្រឿង​ស្រប​ជាមួយ​រថយន្ត​ក្នុង​ទិស​ដៅ​ពី​កើត​ទៅ​លិច ។ លុះ​មក​ដល់​ចំណុច​កើតហេតុ​ម៉ូតូ​បាន​បាន​បើក​ជែង ហើយ​ជ្រុល​បុក​រថយន្ត​ពីក្រោយ បណ្តាល​ឲ្យ​ម៉ូតូ​ដួល​ឡើង​ទ្រូងផ្លូវ ហើយ​អ្នកបើកបរ​បោ​ក្បាល​ស្លាប់​នៅ​កន្លែង​កើតហេតុ ។ បន្ទាប់​ពី​គ្រោះថ្នាក់​រថយន្ត​ក៏​បាន​បើក​ទៅ​មុខ​ប្រមាណ​១០០​ម៉ែត្រ ហើយ​ត្រូវ​សមត្ថកិច្ច​ឃាត់ខ្លួន​តែ​ម្តង ។

សព​ត្រូវ​បាន​រថយន្ត​ដឹក​ទៅ​តម្កល់​ទុក​នៅ​វត្ត​ទឹកថ្លា ក្នុង​ខណ្ឌ​សែន​សុខ ដើម្បី​រង់ចាំ​សាច់ញាតិ​មក​ទទួលយក​ទៅ​ធ្វើបុណ្យ​តាម​ប្រពៃណី ។ ចំណែក​អ្នកបើកបរ​រថយន្ត និង​ម៉ូតូ​ត្រូវ​បាន​សមត្ថកិច្ច​នគរបាល​ចរាចរណ៍​វាស់វែង​យក​ទៅ​កាន់​ការិយាល័យ ដើម្បី​ដោះស្រាយ​តាម​ច្បាប់ ៕ កែសម្រួល​ដោយ ៖ សុ​ឃា​ក់

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ