លក្ខណៈ​សម្តី​៤​យ៉ាង​នឹង​មាន​ប្រយោជន៍​ច្រើន


សម្តី​មនុស្ស​យើង​សំខាន់​ណាស់ បើ​និយាយ​ត្រឹមត្រូវ​ពិត​ត្រង់​នឹង​បានជា​ប្រយោជន៍ ដល់​អ្នក​ស្តាប់ តែបើ​និយាយ​បែប​ភូត​កុហក បោកប្រាស់​គេ​គឺ​បាន​តែ​ម្តង​ប៉ុណ្ណោះ នៅ​ពេល​គេ​ដឹង​ពុតត្បុត ស្គាល់​មារយាទ ថ្ងៃក្រោយ​​ទោះជា​និយាយ​ការ​ពិត​យ៉ាងណា​ក៏​គេ​លែង​ជឿ​ទៀត​ហើយ សម្តី​បុគ្គល​នោះ​សាប​ដូច​ទឹក​គឺ​ស៊យ​មួយ​ជីវិត ។ ហេតុ​នោះ​ហើយ​ទើប​ចាស់​បុរាណ​លោក​ពោល​ថា មនុស្ស​គេ​យកសម្តី​បើ​សម្តី​ពោល​ទៅ​ហើយ​ត្រូវធ្វើ​ឱ្យ​បាន ។

ពាក្យ​សម្តី​ដែល​និយាយ​ចេញ​ទៅ​ប្រកបដោយ​លក្ខណៈ​ល្អ​៤​យ៉ាង​នឹង​បាន​ប្រយោជន៍​ច្រើន​ដល់​អ្នក​ស្តាប់​គឺៈ
១- មិន​និយាយ​កុហក

២-​មិន​និយាយ​ញុះញង់

៣-​មិន​និយាយ​ទ្រគោះបោះបោក

៤-​មិន​និយាយ​ពាក្យ​រោយរាយ​ឥតប្រយោជន៍​១ ។

លោក​ចាត់​ថា​ជាស​ម្តី​ត្រូវ ឬ​ការ​និយាយ​ត្រូវ ឬ​ក៏​ហៅ​ថា​សម្មាវាចា​ដូច្នេះ​វិញ​ក៏​បាន ។

ដូចដែល​ព្រះ​ភគវា​ទ្រង់​សម្តែង​ទុក​នៅ​ក្នុង​គម្ពីរ​មជ្ឈិមនិកាយ​ត្រង់​មហា​ច​ត្តា​រី​សក​សូត្រ​ថា ម្នាល​ភិក្ខុ​ទាំងឡាយ​តថាគត​សម្តែង​នូវ​សម្មាវាចា​នេះ​ជា​ចំណែក​ពីរ ម្នាល​ភិក្ខុ​ទាំងឡាយ សម្មាវាចា​ប្រកបដោយ​អាសវៈ​ជា​ចំណែក​នៃ​​​បុណ្យ​ឱ្យ​ផល​ទាន់​ភ្នែក​នៅ​ក្នុង​លោក​នេះ​ក៏​មាន និង​សម្មាវាចា​ដ៏​ប្រសើរ​ឱ្យ​ផល​ទៅ​ក្នុង​ជាតិ​ខាង​មុខ​ក៏​មាន ។

ជ្រុង​មួយ​នៃ​សាសនា

Sponsored News

១១:១១ | ក្នុងស្រុក

លក់ដាច់ខ្លាំងសាហាវអតិថិជនពេញៗហាង ព្រោះតម្លៃផ្អើលទីផ្សារ 279$ តែសមត្ថភាពលំដាប់ A អេមមួយកំប្លេ ថតស្អាតបែប AI បួនគ្រាប់ទំហំ 48MP RAM ក៏ធំ 8GB ROM ក៏ធំ 128GB ថ្មក៏ខ្លាំង 5000mAh (មានវីដេអូ)

ការស្ទង់មតិគេហទំព័រថ្មី




សូម​អរគុណ