រាជធានីភ្នំពេញ ៖ ទោះជាយ៉ាងណារហូតមកដល់ពេលនេះ នៅមិនទាន់ចាប់ខ្លួនម្ចាស់ទីតាំងបាននៅឡើយទេ ។ បើប្រៀបធៀបនឹងការបង្ក្រាបនៅមណ្ឌលកម្សាន្តរ៉ក់ ការរឹបអូសបានសារធាតុញៀន គឺខុសគ្នាឆ្ងាយណាស់ ដែលចំនួនតួលេខបង្ហើបឱ្យដឹងពេលបង្ក្រាបនៅមណ្ឌលកម្សាន្តរ៉ក់ គឺសារធាតុញៀនជាង៥០គីឡូ…
រាជធានីភ្នំពេញ ៖ ទោះជាយ៉ាងណារហូតមកដល់ពេលនេះ នៅមិនទាន់ចាប់ខ្លួនម្ចាស់ទីតាំងបាននៅឡើយទេ ។ បើប្រៀបធៀបនឹងការបង្ក្រាបនៅមណ្ឌលកម្សាន្តរ៉ក់ ការរឹបអូសបានសារធាតុញៀន គឺខុសគ្នាឆ្ងាយណាស់ ដែលចំនួនតួលេខបង្ហើបឱ្យដឹងពេលបង្ក្រាបនៅមណ្ឌលកម្សាន្តរ៉ក់ គឺសារធាតុញៀនជាង៥០គីឡូ ក្រាម តែនៅក្លិបលុច្សសារី បានតែជិត២ខាំជាប្រភេទម៉ាទឹកកក(ICE) ។
គួរបញ្ជាក់ថា មនុស្សចំនួន១៧នាក់ ដែលចម្រាញ់ចេញពី៤០៨នាក់ ត្រូវបាននគរបាលរាជធានីភ្នំពេញបញ្ជូនទៅសាលាដំបូង នៅថ្ងៃទី១២ ខែមិថុនា បន្ទាប់ពីរកឃើញថា មានជាប់ពាក់ព័ន្ធនឹងគ្រឿងញៀនដែលបង្ក្រាបនៅក្លិបលុច្សសារី កាលពីវេលារំលងអធ្រាត្រឈានចូលថ្ងៃទី៨ មិថុនា កន្លងមកនេះ ។
មនុស្សទាំង១៧នាក់ដែលត្រូវបញ្ជូនទៅសាលាដំបូងនេះមាន ៖ ១-ឈ្មោះ Quyen Kim Chinh ភេទប្រុស អាយុ៣៣ឆ្នាំ ជនជាតិវៀតណាម ជាអ្នកគ្រប់គ្រងបុគ្គលិកក្នុងក្លិប ២-ឈ្មោះ ស្រឿង ផល្លី ហៅតាលី ភេទប្រុស អាយុ២៦ឆ្នាំ ជាអ្នកគ្រប់គ្រងបុគ្គលិក និងនាំភ្ញៀវដាក់តាមបន្ទប់ ៣-ឈ្មោះ Nguyen Huu Long ភេទប្រុស អាយុ៣០ឆ្នាំ ជនជាតិវៀតណាម ជាអ្នកគ្រប់គ្រងក្លឹបឌីស្កូ ៤-ឈ្មោះ Nguyen Phuoc Anh ភេទប្រុស អាយុ២៣ឆ្នាំ ជនជាតិវៀតណាម ជាគណនេយ្យករ ៥-ឈ្មោះ Le Hung Kien ភេទប្រុស អាយុ២៨ឆ្នាំ ជនជាតិវៀតណាម ជាបុគ្គលិកទទួលកុម្មង់ ៦-ឈ្មោះ Nguyen Tuan Duong ភេទប្រុស អាយុ២៨ឆ្នាំ ជនជាតិវៀតណាម ជាបុគ្គលិកទទួលកម្មង់ ៧-ឈ្មោះ ទូច សាម៉េត ភេទប្រុស អាយុ៤០ឆ្នាំ ជាអ្នកនាំភ្ញៀវចូលតាមបន្ទប់ ៨-ឈ្មោះ ឡាង សាត ភេទប្រុស អាយុ៣៩ឆ្នាំ ជាអ្នកនាំភ្ញៀវចូលតាមបន្ទប់ ៩-ឈ្មោះ អុល សុរតនៈ ភេទប្រុស អាយុ៣០ឆ្នាំ ជាសន្តិសុខក្លិប ១០-ឈ្មោះ សុង ហាក់ ភេទប្រុស អាយុ៣៦ឆ្នាំ ជាសន្តិសុខ ១១-ឈ្មោះ អៀង ញ៉ាវណ្ណ ភេទប្រុស អាយុ៣៩ឆ្នាំ ជាសន្តិសុខ
១២-ឈ្មោះ ស៊ុំ សុភ័ន្ត ភេទប្រុស អាយុ៣០ឆ្នាំ ជាសន្តិសុខ ១៣-ឈ្មោះ ផេង សំណាង ភេទប្រុស អាយុ
៣០ឆ្នាំ ជាសន្តិសុខ ១៤-ឈ្មោះ ណែត សាយ័ន្ត ភេទប្រុស អាយុ២៩ឆ្នាំ ជាសន្តិសុខ ១៥-ឈ្មោះ ឈាន សុថា ភេទប្រុស អាយុ៣៣ឆ្នាំ ជាសន្តិសុខ ១៦-ឈ្មោះ ទុយ ភ័ស ភេទប្រុស អាយុ៤១ឆ្នាំ ជាសន្តិសុខ និង
១៧-ឈ្មោះ អៀម ណារ៉ាន់ ហៅចិន ភេទប្រុស អាយុ៣៧ឆ្នាំ ជាសន្តិសុខ ។
ជនសង្ស័យទាំង១៧នាក់ ត្រូវបានសមត្ថកិច្ចកសាងសំណុំរឿងចោទពីបទសមគំនិតក្នុងអំពើសម្រួលឲ្យមានការប្រើប្រាស់សារធាតុញៀនប្រព្រឹត្តនៅក្នុងក្លិបលុច្សសារី ។ ក្នុងការឆ្មក់បង្ក្រាបនោះ សមត្ថកិច្ចបានរកឃើញនិងធ្វើការដកហូតសារធាតុញៀនប្រមាណ១៦៣,៣៤ក្រាមផងដែរ ដែលវត្ថុតាងនោះ នឹងត្រូវដាក់ជូនតុលាការ សម្រាប់វិនិច្ឆ័យលើអង្គសេចក្តី ដើម្បីសម្រេចផ្តន្ទាទោសចំពោះជនជាប់ចោទ និងស្វែងរកចាប់ខ្លួនម្ចាស់ទីតាំងដែលកំពុងគេចខ្លួនគឺឈ្មោះ ង្វៀង ថាញ់ទូ ដែលគេស្គាល់ថាជាជនជាតិវៀតណាមកាត់ចិន ។ (សម្រួលដោយ៖ ស្រីណា)
ចែករំលែកព័តមាននេះ