រាជធានីភ្នំពេញ ៖ និយាយពីស្ត្រីរងគ្រោះ ដែលត្រូវនាងឃាតករសម្លាប់នោះ រហូតបាត់ដំណឹងនោះវិញ
គឺភ្ញាក់ផ្អើលនិងបំបែកសំណុំរឿងនេះបាន គឺក្រោយប្រទះឃើញកំណាត់ដៃ និងប្រអប់ជើង ដែលគួរឱ្យសង្ស័យ ស្របពេលបាត់ដំណឹងស្ត្រីរងគ្រោះ ។ គួររំលឹកថា កាលពីវេលាម៉ោងជាង៩ព្រឹកថ្ងៃទី៣ មិថុនា ឆ្នាំ២០១៩កន្លងមកនេះ ស្ត្រីរងគ្រោះបានទៅលេងផ្ទះស្ត្រីជាជនដៃដល់ ដែលជាមិត្តភក្តិជិតស្និទ្ធនឹងគ្នា ហើយក៏បានបាត់ដំណឹងឈឹងមិនដឹងពីមូលហេតុ ។ គួរបញ្ជាក់ថា៖ ឃាតករថា៖ ពេលខ្លះញ៉ុមឆ្លាត… ពេលសម្លាប់គាត់ដាក់ក្នុងទូទឹកកកនេះ
ស្ត្រីរងគ្រោះឈ្មោះ គឹម យ៉ានាង អាយុ៤០ឆ្នាំ ជាជាងអ៊ុតសក់នៅផ្សារចាស់ និងជាស្ត្រីមេម៉ាយ មានកូនស្រីម្នាក់ឈ្មោះ ពេជ្រ ស៊ាវម៉ី អាយុ១៧ឆ្នាំ និងមានទីលំនៅក្នុងសង្កាត់ទួលសង្កែ ខណ្ឌប្ញស្សីកែវ ។ ស្ត្រីឃាតករជាជនដៃដល់ឈ្មោះ ដា អាយុជិត៤០ឆ្នាំ ។
តាមប្រភពដដែលបានប្រាប់ថា លុះមកដល់ព្រឹកថ្ងៃទី៩ មិថុនា គឺ៦ថ្ងៃក្រោយមក ក៏មានការភ្ញាក់ផ្អើលមួយបានកើតឡើង ដោយសារគេបានប្រទះឃើញប្រអប់ជើងនិងដៃម្ខាង នៅមាត់ទន្លេក្នុងសង្កាត់ផ្សារកណ្តាលទី១ ខណ្ឌដូនពេញ មុខផ្សាររាត្រី ។ តាមប្រភពដដែលបានឲ្យដឹងទៀតថា ក្រោយពីមានការបាត់ខ្លួនស្ត្រីជាងអ៊ុតសក់ម្នាក់នៅផ្សារចាស់ និងប្រទះឃើញប្រអប់ដៃជើងរបស់មនុស្សនៅមាត់ទន្លេ ទើបសមត្ថកិច្ចចាប់ផ្តើមធ្វើការស្រាវជ្រាវជុំវិញករណីនេះ ហើយរហូតមកដល់ល្ងាចថ្ងៃទី១០ ខែមិថុនា ស្ត្រីជាជនដៃដល់ត្រូវបានចាប់ខ្លួន ។
អ្នកបង់សំណាញ់ប្រទះឃើញដៃនិងប្រអប់ជើង
បុរសជាអ្នកនេសាទម្នាក់ ខណៈជិះទូកទៅបង់សំណាញ់តាមដងទន្លេម្តុំមុខផ្សាររាត្រី ស្រាប់តែភ័យស្លន់ស្លោស្រែកផ្អើលដល់ប្រជាពលរដ្ឋក្បែរនោះមករោមមើល កាលពីវេលាម៉ោង១០និង១០នាទីព្រឹកថ្ងៃទី៩ មិថុនា ស្ថិតនៅច្រាំងទន្លេត្រើយខាងលិច ក្នុងសង្កាត់ផ្សារកណ្តាលទី១ ខណ្ឌដូនពេញ ដោយសារតែការបង់សំណាញ់នោះជួបកំណាត់ដៃនិងប្រអប់ជើងមនុស្ស ។
តាមបុរសអ្នកបង់សំណាញ់និយាយថា ពេលគាត់បង់សំណាញ់នោះ បានស្រាវលើកមកដាក់លើទូក ស្រាប់ តែប្រទះឃើញដៃមនុស្សម្ខាងនិងប្រអប់ជើងមនុស្សម្ខាង តែមិនបានឃើញដងខ្លួនឡើយ ។ ពេលឃើញបែបនេះ គាត់មានការភ័យខ្លាចពេកក៏ទុកសំណាញ់ចោល ហើយក្រោយពីមានករណីនេះ ប្រជាពលរដ្ឋបានរាយការណ៍ទៅសមត្ថកិច្ចមូលដ្ឋានឱ្យមកពិនិត្យនឹងធ្វើកោសល្យ វិច័យលើដៃជើងខាងលើ ។
បន្ទាប់ពីទទួលបានសេចក្តីរាយការណ៍ កម្លាំងសមត្ថកិច្ចបានចុះមកភ្លាមៗ និងយកខ្សែព័ទ្ធជុំវិញទីកន្លែងខាងលើដើម្បីទាក់ទងទៅមន្ត្រីជំនាញចុះមកពិនិត្យនិងធ្វើការសន្និដ្ឋាន ។ បើតាមមជ្ឈដ្ឋានជុំវិញសន្និដ្ឋានថា ដៃនិងប្រអប់ជើងមនុស្សនេះអាចជាករណីឃាតកម្មកាត់ដៃ កាត់ជើង ហើយយកមកបោះចូលក្នុងទឹកទន្លេដើម្បីបំបិទភ័ស្តុតាង តែចៃដន្យត្រូវបង់សំណាញ់ឃើញ ។ (សម្រួលដោយ៖ ស្រីណា)
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ