ខេត្តកណ្តាល ៖ ករណីចោរលួចម៉ូតូទាំងព្រឹកព្រលឹម ខណៈដែលលោកអ៊ុំម្នាក់បានជិះម៉ូតូទៅវត្តត្រពាំងឈូក ដើម្បីទៅសុំសីល តែអកុសលអាក្រក់ត្រូវចោរលួចយកទៅបាត់មួយពព្រិចភ្នែកបានយ៉ាងសុវត្ថិភាព ។ ហេតុការណ៍នេះបានកើតឡើងនៅវេលាម៉ោង៨ព្រឹកថ្ងៃទី១០ ខែមិថុនានេះធ្វើឲ្យមានការផ្អើលតែម្តង នៅក្នុងវត្តត្រពាំងឈូង ភូមិត្រពាំងឈូក ឃុំព្រែកគយ ស្រុកស្អាង ខេត្តកណ្តាល។
តែអ្វីគួរអោយភ្ញាក់យ៉ាងខ្លាំងនោះគេបានលាន់មាត់គ្រប់គ្នាថា ចោរនេះហ៊ានណាស់ ហ៊ានលួចដោយមិនញញើត ។
ចំណែកជនរងគ្រោះឈ្មោះងួន ទិត ភេទប្រុស អាយុ៧០ជាង មានទីលំនៅភូមិក្បាលជ្រោយ ឃុំព្រែកគយ ស្រុកស្អាង ខេត្តកណ្តាល ។ បើតាមបងស្រីឈ្មោះ ងួន វួចនា ភេទស្រី ត្រូវជាកូនរបស់ជនរងគ្រោះឈ្មោះ ងួន ទិត បានប្រាប់អោយដឹងថា នៅមុនពេលកើតហេតុឪពុករបស់គាត់បានជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ កណ្តាល 1AC-6834 ទៅវត្តត្រពាំងឈូក ដើម្បីសុំសីល ។ បន្ទាប់ពីឪពុករបស់គាត់ឡើងទៅសុំសីលមួយភ្លេត ស្រាប់តែឪពុកគាត់ចុះមកវិញរកម៉ូតូអត់ឃើញ ទើបឆោរឡោរ រួចទៅដាក់ពាក្យបណ្តឹង ។
ពាក់ព័ន្ធ និងរឿងរ៉ាវខាងលើនេះដែរលោកវរសេនីយ៍ រស់ ចន្ថារ អធិការនគរបាលស្រុកស្អាងបានអោយដឹងតាមទូរស័ព្ទថា លោកអត់បានដឹងទេរឿងនេះទេ ដោយគ្មានអ្នករាយការណ៍ប្រាប់ ហើយលោកនៅអធិការរហូត ។ ប្រជាពលរដ្ឋកំពុងតែរង់ចាំមើលថា តើលោកអធិការឡើងថ្មីដែលគេដឹងថា ជាមនុស្សពោរពេញទៅដោយសមត្ថភាព អាចរកជនសង្ស័យចោរលួចកំប៉ិចកំប៉ុកនេះបានដែរឬទេ…? ហើយក៏គេដឹងដែរថាលោករស់ ចន្ថារ ខណៈនៅកាន់តំណែងនៅជាអធិការនគរបាលស្រុកលើដែកក៏មានបទល្មើសសន្តិសុខសង្គមជាច្រើនករណីកើតឡើងច្រើនដែរ ៕ កែសម្រួលដោយ ៖ សុឃាក់
ចែករំលែកព័តមាននេះ