ស្រឺត គឺជាការភ័យខ្លាចយ៉ាងខ្លាំង ដែលកើតមានឡើងមួយរំពេចដែលបង្កឡើងដោយការមានប្រតិកម្មរបស់រាងកាយយ៉ាងធ្ងន់ធ្ងរ នៅពេលដែលមិនមានគ្រោះថ្នាក់ពិតប្រាកដដូចជាអ្នកជំងឺ គិត ឬមូលហេតុច្បាស់លាស់។ ស្រឺត គឺធ្វើឲ្យមានការភ័យខ្លាចខ្លាំងណាស់។ នៅពេលដែលស្រឺតបានកើតឡើង អ្នកអាចគិតថាអ្នកកំពុងតែបាត់ការគ្រប់គ្រងលើខ្លួនឯង…
ស្រឺត គឺជាការភ័យខ្លាចយ៉ាងខ្លាំង ដែលកើតមានឡើងមួយរំពេចដែលបង្កឡើងដោយការមានប្រតិកម្មរបស់រាងកាយយ៉ាងធ្ងន់ធ្ងរ នៅពេលដែលមិនមានគ្រោះថ្នាក់ពិតប្រាកដដូចជាអ្នកជំងឺ គិត ឬមូលហេតុច្បាស់លាស់។ ស្រឺត គឺធ្វើឲ្យមានការភ័យខ្លាចខ្លាំងណាស់។ នៅពេលដែលស្រឺតបានកើតឡើង អ្នកអាចគិតថាអ្នកកំពុងតែបាត់ការគ្រប់គ្រងលើខ្លួនឯង កំពុងតែជិតគាំងបេះដូង ឬអាចជិតស្លាប់ទៀតផង។
មនុស្សជាច្រើនអាចមានជំងឺស្រឺតនេះត្រឹមតែម្តង ឬពីរដងប៉ុណ្ណោះក្នុងមួយជីវិតរបស់ពួកគេ ហើយបញ្ហាបានចេញឆ្ងាយនៅពេលដែលស្ថានភាពស្ត្រេសត្រូវបានបញ្ចប់។ ប៉ុន្តែប្រសិនបើអ្នកមានការស្រឺតញឺកញាប់ពេក ឬកើតដោយមិនអាចដឹងមុនបាន ឬមានការភ័យខ្លាច ការស្រឺតដទៃទៀតក្នុងរយៈពេលយូរ នោះអ្នកគឺប្រហែលជាមានជំងឺស្រឺត។
របៀបរស់នៅ និងការថែទាំខ្លួនឯងពេលមានស្រឺត ៖ ខណៈដែលស្រឺត និងជំងឺស្រឺត គឺមានអត្ថប្រយោជន៍ពីការព្យាបាលដោយអ្នកជំនាញ អ្នកក៏អាចជួយគ្រប់គ្រងរោគសញ្ញាដោយខ្លួនឯងផ្ទាល់បានផងដែរ។
របៀបរស់នៅមួយចំនួន និងការថែទាំដោយខ្លួនឯងដែលអ្នកអាចធ្វើបានទាំងនោះរួមមាន ៖ • ត្រូវតែអនុវត្តឲ្យដឹតដល់នឹងផែនការនៃការព្យាបាលរបស់អ្នក ៖ ការប្រឈមមុខនឹងការភ័យខ្លាចរបស់អ្នកអាចជាការលំបាក ប៉ុន្តែការព្យាបាលអាចជួយអ្នកបាន។ • ចូលរួមជាមួយក្រុមគាំទ្រអ្នកមានជំងឺស្រឺត ៖ ចូលរួមជាមួយក្រុមមនុស្សដែលមានការស្រឺត ឬជំងឺថប់បារម្ភអាចភ្ជាប់អ្នកជាមួយអ្នកផ្សេងដែលបានជួបបញ្ហាដូចគ្នានេះដែរ។• ជៀសវាងជាតិកាហ្វេអ៊ីន ស្រា និងថ្នាំញឿន៖ ទាំងអស់នេះអាចធ្វើឲ្យមានការស្រឺត ឬធ្វើឲ្យកាន់តែអាក្រក់នៃជំងឺស្រឺតរបស់អ្នក។
• គ្រប់គ្រងភាពតានតឹង និងការសំរាកលំហែ៖ ឧទាហរណ៍ការហាត់យូហ្គា ការដកដង្ហើមជ្រៅៗ ហើយហាត់ការសម្រាកសាច់ដុំបន្តិចម្តងៗដូចជាបន្តឹងសាច់ដុំមួយហើយបន្ទាប់មកសម្រាក់សាច់ដុំទាំងស្រុងរហូតដល់គ្រប់សាច់ដុំក្នុងរាងកាយគឺត្រូវបានសម្រាក។ • ធ្វើសកម្មខាងរាងកាយ ៖ សកម្មភាពហាត់ប្រាណអាចមានប្រសិទ្ធភាពធ្វើឲ្យស្ងប់អារម្មណ៍របស់អ្នកបានផងដែរ។ និង • គេងឲ្យបានគ្រប់គ្រាន់៖ គេងឲ្យបានគ្រប់គ្រាន់ ដូច្នេះអ្នកនឹងមិនមានអារម្មណ៍ថាងងុយគេងក្នុងអំឡុងពេលថ្ងៃនោះទេ (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ