លោកសម រង្ស៊ី ប្រឈមនឹងការប្តឹងរឿងនិយាយស្តីពីការស្លា.ប់របស់លោកហុក ឡង់ឌី
- ភ្នំពេញ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី និងសម្តេចក្រឡាហោម ស ខេងឧបនាយករដ្ឋមន្ត្រីត្រៀមប្តឹងលោកសម រង្ស៊ី…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី និងសម្តេចក្រឡាហោម ស ខេងឧបនាយករដ្ឋមន្ត្រីត្រៀមប្តឹងលោកសម រង្ស៊ី អតីតមេបក្សប្រឆាំងនៅក្រៅប្រទេស ទៅតុលាការបារាំង ។ នេះបើតាមអ្នកនាំពាក្យរាជរដ្ឋាភិបាល ។
លោក ផៃ ស៊ីផាន បានឲ្យដឹងលើបណ្តាញសង្គម នៅថ្ងៃទី៧ ខែមិថុនាថា នៅក្នុងកិច្ចប្រជុំពេញអង្គគណៈរដ្ឋមន្ត្រីសម្តេចតេជោ ហ៊ុន សែន និងសម្តេចក្រឡាហោម ស ខេង កំពុងសិក្សារៀបចំឯកសារប្ដឹងទណ្ឌិតសម រង្ស៊ី ទៅកាន់តុលាការប្រទេសបារាំង ដើម្បីស្វែងរកតម្លៃយុត្តិធម៌សកលជូនសម្តេចទាំងពីរដែលសម រង្ស៊ី បានចោទប្រកាន់ជាសាធារណៈថា សម្តេចជាអ្នកសម្លាប់នាយឧត្តមសេនីយ៍ ហុក ឡង់ឌី ហើយទណ្ឌិតរូបនោះក៏បានចោទជា សាធារណៈផងដែរថា សម្ដេចក្រឡាហោម ស ខេង បានរៀបចំផែ នការ ដើម្បីផ្ដួលរំលំរាជរដ្ឋាភិបាលដែលដឹកនាំដោយសម្តេចតេជោ ហ៊ុន សែន ។ ការត្រៀមប្តឹងលោកសម រង្ស៊ី បន្ទាប់ពីលោកសម រង្ស៊ី បានសរសេរលើបណ្តាញសង្គមដោយចោទសម្តេចតេជោថា បានសម្លាប់លោក ហុក ឡង់ឌី កាលពីពេលថ្មីកន្លងមកនេះ ។
លោក ផៃ ស៊ីផានបានឲ្យដឹងថា មេធាវីរដ្ឋាភិបាលកំពុងពិនិត្យមើលទិដ្ឋភាពច្បាប់ប្ដឹង លោកសម រង្ស៊ី ពាក់ព័ន្ធនឹងករណីចោទប្រកាន់សម្ដេចហ៊ុន សែន នៅពីក្រោយការស្លាប់របស់លោក ហុក ឡង់ឌី អតីតអគ្គស្នងការនគរបាលជាតិ ។
ចំណែកពាក្យបណ្ដឹងមួយទៀត គឺគ្រោងប្ដឹងដោយសម្ដេច ស ខេង រដ្ឋមន្ត្រីក្រសួងមហាផ្ទៃជុំវិញករណីដែលមេដឹកនាំអតីតគណបក្សប្រឆាំងរូបនេះនិយាយថា សម្ដេច ស ខេង មានគម្រោងផ្ដួលរំលំរដ្ឋាភិបាល និងធ្វើបក្សប្រហារទម្លាក់សម្ដេចនាយករដ្ឋមន្ត្រី ហ៊ុន សែន ៕ កែសម្រួលដោយ ៖ សុឃាក់
ចែករំលែកព័តមាននេះ