ធនាគារ ហុង លីអុង អញ្ជើញកុមារ ២០០ នាក់ពីអង្គការ CCF ឱ្យទស្សនាភាពយន្តនៅថ្ងៃទិវាកុមារអន្តរជាតិ
- ភ្នំពេញ
កាលពីថ្ងៃទី ១ ខែមិថុនា ឆ្នាំ ២០១៩ កន្លងមកនេះ ធនាគារ ហុង លីអុង បានអញ្ជើញកុមារពីអង្គការ…
កាលពីថ្ងៃទី ១ ខែមិថុនា ឆ្នាំ ២០១៩ កន្លងមកនេះ ធនាគារ ហុង លីអុង បានអញ្ជើញកុមារពីអង្គការ…
កាលពីថ្ងៃទី ១ ខែមិថុនា ឆ្នាំ ២០១៩ កន្លងមកនេះ ធនាគារ ហុង លីអុង បានអញ្ជើញកុមារពីអង្គការ Cambodian Children’s Fund ដែលជាអង្គការមិនរកប្រាក់កម្រៃមួយបង្កើតឡើងក្នុងឆ្នាំ២០០៤ ដោយលោក Scott Neeson ដើម្បីជួយដល់កុមារដែលរស់នៅ និងធ្វើការនៅកន្លែងចាក់សំរាមនៅស្ទឹងមានជ័យ ដែលជាតំបន់មួយក្នុងចំណោមតំបន់ក្រីក្រនៅរាជធានីភ្នំពេញ ឱ្យទទួលបានការសិក្សារៀនសូត្រ ។ ដោយចាប់ផ្តើមពីកុមារចំនួន ៤៥ នាក់ ដែលត្រូវការជំនួយនោះ ពេលនេះអង្គការ CCF បានផ្តល់ការអប់រំដល់កុមាររហូតដល់ជាង ២០០០ នាក់ឱ្យលូតលាស់ និងអភិវឌ្ឍន៍ ។
ធនាគារ ហុង លីអុង បានចូលរួមសហការជាមួយក្រុមហ៊ុន Major Platinum Cineplex by Smart ដោយបានផ្តល់ឱ្យកុមារចំនួន ២០០ នាក់ នៅក្នុងទិវាកុមារអន្តរជាតិដ៏អស្ចារ្យមួយជាមួយនឹងការទស្សនាភាពយន្ត Pokémon Detective Pikachu នៅក្នុងសាលមួយសម្រាប់កុមារតែប៉ុណ្ណោះ ។
លោក Joe Farrugia នាយកប្រតិបត្តិការធនាគារ ហុង លីអុង បានមានប្រសាសន៍ថា «យើងចង់ផ្តល់ឱ្យកុមារនូវការយកចិត្តទុកដាក់ដ៏កក់ក្ដៅមួយ ។ យើងក៏ចង់ឱ្យពួកគេទទួលបានភាពសប្បាយរីករាយផងដែរ នៅក្នុងទិវាកុមារអន្តរជាតិនេះដែលត្រូវបានប្រារព្ធឡើងទូទាំងសកលលោក ។ ធនាគារ ហុង លីអុង នឹងប្តេជ្ញាជួយដល់សហគមន៍នេះឱ្យអស់ពីលទ្ធភាពនាពេលអនាគត ។ យើងចង់តបស្នងឱ្យប្រជាជនវិញ ហើយនេះគ្រាន់តែជាការចាប់ផ្តើមតូចមួយសម្រាប់ពេលនេះប៉ុណ្ណោះ» ។
ក្រៅពីទទួលបានចំណីចក្ខុពីការទស្សនាភាពយន្តហើយ ធនាគារ ហុង លីអុង មិនធ្វើឱ្យកុមារចាកចេញពីរោងកុនដោយដៃទទេនោះទេ ។ ធនាគារ ហុង លីអុង បានផ្តល់ឱ្យកុមារម្នាក់នូវកាបូបដ៏ស្រស់ស្អាតមួយដោយមានភ្ជាប់មកជាមួយសម្ភារៈសិក្សាដែលជាប្រយោជន៍ដល់ការសិក្សារបស់ពួកគេផងដែរ ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ