លើសណាស់…តាមចាក់សម្លា.ប់ប្តី ប្លន់យកប្រពន្ធគេទាំងកំរោលនេះ
- កណ្តាល
ខេត្តកណ្តាល ៖ ជនសង្ស័យបានសារភាពប្រាប់មន្ត្រីកងរាជអាវុធហត្ថស្រុកអង្គស្នួលថា ខ្លួនបានតាមស្រឡាញ់ នាង វុិត បុប្ផា ដែលជាប្រពន្ធរបស់ឈ្មោះ សាវន ជីវ័ន្ត…
ខេត្តកណ្តាល ៖ ជនសង្ស័យបានសារភាពប្រាប់មន្ត្រីកងរាជអាវុធហត្ថស្រុកអង្គស្នួលថា ខ្លួនបានតាមស្រឡាញ់ នាង វុិត បុប្ផា ដែលជាប្រពន្ធរបស់ឈ្មោះ សាវន ជីវ័ន្ត…
ខេត្តកណ្តាល ៖ ជនសង្ស័យបានសារភាពប្រាប់មន្ត្រីកងរាជអាវុធហត្ថស្រុកអង្គស្នួលថា ខ្លួនបានតាមស្រឡាញ់ នាង វុិត បុប្ផា ដែលជាប្រពន្ធរបស់ឈ្មោះ សាវន ជីវ័ន្ត យូរមកហើយ គឺតាំងពីពេលនាងមិនទាន់រៀបការ ក្លាយជាប្រពន្ធរបស់ឈ្មោះជីវ័ន្តម៉្លេះ ប៉ុន្តែនាងមិនព្រមស្រឡាញ់ខ្លួនវិញឡើយ ។ លុះកាលពីពេលថ្មីៗកន្លងទៅនេះ នាងបានចូលរោងការជាមួយឈ្មោះជីវ័ន្តចោលរូបខ្លួនថែមទៀត ដែលជាហេតុធ្វើឲ្យខ្លួនមួម៉ៅក្ដៅក្រហាយក ៏មានគំនុំក្នុងចិត្តយ៉ាងខ្លាំង ។
រហូតមកដល់ថ្ងៃកើតហេតុ ខ្លួនបានតាំងចិត្តថា នឹងសម្លាប់ឈ្មោះជីវ័ន្តឲ្យខាងតែបាន ដើម្បីបាននាងបុប្ផាមកធ្វើជាប្រពន្ធ ទោះបីនាងត្រូវមេម៉ាយក៏ដោយ ។ ដោយគិតទុកជាមុន ខ្លួនបានទិញកូនកាំបិតចុងស្រួច១ដាក់តាមខ្លួន ហើយជិះម៉ូតូ១គ្រឿងតែម្នាក់ឯង តាមរកជនរងគ្រោះដើម្បីចាក់សម្លាប់ជាការរំសាយគំនុំក្នុងចិត្តផង ។ លុះដល់វេលាម៉ោងជាង៦ល្ងាច ពេលទៅរកដល់ផ្ទះមិនបានជួប ក៏ជិះម៉ូតូបន្តទៅតាមរកមើលតាមផ្លូវព្រោះធ្លាប់ដឹងថា ជនរងគ្រោះតែងជិះម៉ូតូទៅយកប្រពន្ធរាល់ថ្ងៃ ។
ក្រោយមក ខ្លួនបានជួបនាង វិុត បុប្ផា តែមិនបានឃើញឈ្មោះជីវ័ន្តជាប្ដីទេ ។ ម្យ៉ាងទៀត ពេលបានជួបមុខគ្នាហើយ នាងក៏មិនបាននិយាយស្តីរកខ្លួនសូម្បីមួយម៉ាត់ ហើយបែរជាទូរស័ព្ទហៅប្តីឲ្យទៅទទួលត្រឡប់ទៅផ្ទះទៀត ។ លុះបន្តិចក្រោយមក ខ្លួនបានឃើញប្ដីនាងដែលខ្លួនកំពុងតាមរកស្រាប់ផងនោះទៅដល់ ក៏បានទាញកាំបិតចុងស្រួចចាក់ប៉ងសម្លាប់ចោលតែម្ដង ។
គួររំលឹកថា ទង្វើដ៏ឃោរឃៅបំផុតមួយ ពុំគួរលើកលែងឲ្យឡើយ ដែលជនកំណាចព្រៃផ្សៃម្នាក់បានតាមស្រឡាញ់កម្មការិនីរោងចក្រកាត់ដេរម្នាក់ តែការព្យាយាមតាមសុំស្នេហ៍នេះ មិនបានដូចបំណង ព្រោះតែនាងបដិសេធរហូត មិនព្រមស្រឡាញ់វិញឡើយ ។
មិនតែប៉ុណ្ណោះ នៅពេលថ្មីៗកន្លងមកនេះ នាងបានរៀបការជាមួយបុរសម្នាក់ទៀតផង ដែលជាហេតុធ្វើឲ
្យបុរសនោះខឹងសម្បាយ៉ាងខ្លាំង និងមានគំនុំជាមួយប្ដីរបស់នាងដោយយល់ថា ប្ដីនាងដណ្ដើមស្ត្រីដែលខ្លួនកំពុងតាមស្រឡាញ់ ។ ដោយសារតែមានការយល់ឃើញបែបនេះ ជននោះបានកើតមានចិត្តឃោរឃៅដាក់កូនកាំបិតតាមខ្លួន ជិះម៉ូតូទៅស្កាត់ចាក់ប៉ងសម្លាប់បុរសជាប្ដីកម្មការិនីខាងលើ បណ្ដាលឲ្យរងរបួសយ៉ាង ធ្ងន់ តែជនដៃដល់រូបនេះ ក៏ត្រូវកងរាជអាវុធហត្ថស្រុកអង្គស្នួលចាប់ខ្លួនបានដែរ ក្នុងរយៈពេល១ថ្ងៃក្រោយមក ។ ហេតុការណ៍ចាក់ប៉ងសម្លាប់នេះ បានកើតឡើងកាលពីវេលាម៉ោងប្រមាណ៧និង៣០នាទីយប់ថ្ងៃទី៣០ ខែឧសភាកន្លងទៅ នៅតាមផ្លូវលំក្នុងភូមិ«កគោ» ឃំុសំរោងលើ ស្រុកអង្គស្នួល ។
បុរសរងគ្រោះឈ្មោះ សាវន ជីវ័ន្ត អាយុ២៧ឆ្នាំ ជាអ្នកបើកបររថយន្ត ស្នាក់នៅក្នុងភូមិ«កោះកបាយ» ឃំុសំរោងលើ ត្រូវជនកំណាចចាក់នឹងកាំបិតចុងស្រួច បណ្ដាលឲ្យរងរបួសទ្រូងខាងស្តាំ និងក្បាលផ្នែកខាង ក្រោយយ៉ាងធ្ងន់ និងត្រូវបានបញ្ជូនយកទៅសង្គ្រោះនៅមន្ទីរពេទ្យព្រះកុសុមៈ ។ ដោយឡែក ជនសង្ស័យឈ្មោះ ជួប កុងតាំង ហៅរ៉ានី អាយុ២៩ឆ្នាំ ជាជាងជួសជុលរថយន្ត មានទីលំនៅក្នុងភូមិព្រៃសម្បុក ឃុំព្នាយ ស្រុកសំរោងទង ខេត្តកំពង់ស្ពឺ ។
ជនសង្ស័យត្រូវកងរាជអាវុធហត្ថស្រុកអង្គស្នួល ដឹកនាំដោយលោកវរសេនីយ៍ត្រី ស៊ូ វ៉ាន់ធឿន មេបញ្ជា ការធ្វើការស្រាវជ្រាវចាប់ខ្លួនបាន កាលពីវេលាម៉ោង១១និង៤៥នាទីថ្ងៃត្រង់ថ្ងៃទី៣១ ខែឧសភា នៅតាមផ្លូវលំស្ថិតក្នុងភូមិបាត់ចិញ្ចៀន ឃុំត្រពាំងគង ស្រុកសំរោងទង ខេត្តកំពង់ស្ពឺ ។
មន្ត្រីកងរាជអាវុធហត្ថស្រុកអង្គស្នួលនិយាយថា ក្រោយពេលចាក់បណ្ដាលឲ្យរងរបួសហើយ ជនដៃដល់បានរត់គេចខ្លួន ហើយ កម្លាំងកងរាជអាវុធហត្ថស្រុកអង្គស្នួល ដឹកនាំដោយលោកវរសេនីយ៍ត្រី ស៊ូ វ៉ាន់ធឿន មេបញ្ជាការកងរាជអាវុធហត្ថស្រុក ដោយទទួលបញ្ជាពីលោកឧត្តមសេនីយ៍តី្រ សំ តុលា មេបញ្ជា ការកងរាជអាវុធហត្ថខេត្ត បានឲ្យធ្វើការស្រាវជ្រាវបន្ទាន់ ។ ពេលនោះ ដោយសារតែអត្តសញ្ញាណជន ដៃដល់ត្រូវបានជនរងគ្រោះស្គាល់ស្រាប់ ទើបកម្លាំងសមត្ថកិច្ចតាមស្វែងរករហូតចាប់ខ្លួនបាន រួចបញ្ជូនទៅកាន់បញ្ជាការដ្ឋានកងរាជអាវុធហត្ថខេត្តដើម្បីសាកសួរ និងចាត់ការបន្តតាមនីតិវិធី ៕ (សម្រួលដោយ៖ ស្រីណា)
ចែករំលែកព័តមាននេះ