រឿងផលប្រយោជន៍ផ្ទាល់ខ្លួនត្រូវតែគិតហើយ តែកុំឱ្យជ្រុលពេក កាលបើបុគ្គលប្រព្រឹត្ត ធ្វើអ្វីទៅតាមចំណង់ចំណូលចិត្តរបស់ខ្លួន ដោយឥតបានគិតអំពីអារម្មណ៍អ្នកដទៃ សូម្បីតែទង្វើចង់បានរបស់ខ្លួនប៉ះពាល់ដល់ផ្លូវចិត្តអ្នកដទៃឱ្យគេសោកសៅយ៉ាងណា ក៏មិនអើពើ មិនយកភ្នែកមើល នោះគេហៅថាមនុស្សអាត្មានិយមហើយ ។
ប៉ុន្តែបើយោងទៅតាមពុទ្ធគាថាមួយកន្លែងនៅក្នុងគម្ពីរធម្មបទទ្រង់សម្តែងថា អត្តទត្ថំ បរត្ថេន ពហុនាបិ នហាបយេ។ប។ ប្រែថា បុគ្គលមិនគប្បីធ្វើប្រយោជន៍ខ្លួនឱ្យខូចខាតព្រោះតែប្រយោជន៍ដទៃដោយច្រើនឡើយ ។ កាលបើបុគ្គលយល់ច្បាស់ពីប្រយោជន៍របស់ខ្លួនហើយ គប្បីធ្វើប្រយោជន៍នោះឱ្យប្រាកដចុះ ។
សេចក្តីនេះក្នុងបំណងចង់ឱ្យបុគ្គលយល់ពីប្រយោជន៍របស់ខ្លួនឱ្យប្រាកដ ហើយធ្វើអ្វីៗត្រូវគិតពីប្រយោជន៍របស់ខ្លួនជាធំទើបញុំាងជីវិតឱ្យមានពន្លឺរស្មី ។
ចែករំលែកព័តមាននេះ