«ឈើកា.ប់ពេញព្រៃមិនទៅចាប់ បែរជាមកចាប់គោយកទឹកដោះ…»
- បាត់ដំបង
ខេត្តឧត្តរមានជ័យ ៖ «ឈើកាប់ពេញក្នុងព្រៃ ម្តេចមិននាំគ្នាទៅចាប់ បែរជាមកចាប់គោយកទឹកដោះ ស្របច្បាប់ទៅវិញ» ។ នេះជាប្រសាសន៍របស់លោកបណ្ឌិតសភាចារ្យ សុខ ទូច…
ខេត្តឧត្តរមានជ័យ ៖ «ឈើកាប់ពេញក្នុងព្រៃ ម្តេចមិននាំគ្នាទៅចាប់ បែរជាមកចាប់គោយកទឹកដោះ ស្របច្បាប់ទៅវិញ» ។ នេះជាប្រសាសន៍របស់លោកបណ្ឌិតសភាចារ្យ សុខ ទូច…
ខេត្តឧត្តរមានជ័យ ៖ «ឈើកាប់ពេញក្នុងព្រៃ ម្តេចមិននាំគ្នាទៅចាប់ បែរជាមកចាប់គោយកទឹកដោះ ស្របច្បាប់ទៅវិញ» ។ នេះជាប្រសាសន៍របស់លោកបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា ដែលហួសចិត្តនឹងមន្ត្រីស៊ីវិល រួមសហការជាមួយកម្លាំងប្រដាប់អាវុធ បានចាប់កាក់ឃាត់ក្បួនរថយន្តដឹកគោយកទឹកដោះឆ្ពោះទៅកាន់កសិដ្ឋានក្នុងឧទ្យានរាជបណ្ឌិត្យសភាកម្ពុជាតេជោសែនឫស្សីត្រឹប ដែលសមត្ថកិច្ចពាក់ព័ន្ធបានធ្វើការត្រួតពិនិត្យរួចរាល់ហើយនៅមាត់ច្រកទ្វារអន្តរជាតិអូរស្មាច់ ។
នាល្ងាចថ្ងៃទី២៥ ខែឧសភា មនុស្សមួយក្រុមមានគ្នា៤ឬ៥នាក់ ចតរថយន្តក្បែរចិញ្ចើមផ្លូវចំណុចអូរពក សង្កាត់កូនក្រៀល ក្រុងសំរោង បានឲ្យកម្លាំងអាវុធហត្ថ២នាក់ចេញមកកាក់ក្បួនរថយន្តដឹកគោយកទឹកដោះស្របច្បាប់ទាំងបង្ខំ ហើយឲ្យចុះទៅជួបមេនៅក្នុងរថយន្ត ។ ពេលនោះពួកគេបានសុំត្រួតពិនិត្យ ដោយសំអាងថាមានគេរាយការណ៍មកថាមានគោខុសច្បាប់នាំចូល និងរកអ្នកដឹកនាំ ។
ក្រោយពេលរាំងស្ទះក្បួនរថយន្តទាំងព្រលប់ដូច្នោះ លោកបណ្ឌិត សុខ ទូច ក៏បានទៅជួបអ្នកបញ្ជាឱ្យកាក់ក្បួនរថយន្តនេះដោយផ្ទាល់ និងពេលនោះបានចោទសួរលោកបណ្ឌិត សុខ ទូច ថា នេះជាលើកទី២ហើយដែលបានចេញគោខុសច្បាប់ ដែលលើកមុនតាមចាប់មិនបាន ។
ចំណែកលោកបណ្ឌិតបានឆ្លើយតបវិញថា នេះជាលើកដំបូងនិងជាលើកទី១ក្នុងប្រវត្តិសាស្ត្រ ដែលខ្ញុំខិតខំត្រួសត្រាយផ្លូវយ៉ាងលំបាកទម្រាំនាំគោយកទឹកដោះនេះចូលមកកម្ពុជាបានដោយមានច្បាប់ត្រឹមត្រូវ ដើម្បីជួយលើកស្ទួយវិស័យកសិកម្ម តាមគោលការណ៍ដឹកនាំរបស់សម្តេចតេជោ តែបែជាមានមនុស្សមួយក្រុមនេះមិនយល់អ្វីទាំងអស់ពីនិតិវិធីច្បាប់ ហ៊ានមកកាក់ឃាត់ក្បួនរថយន្តដូច្នេះសោះ ដូច្នោះចាប់ខ្ញុំមកចុះ ព្រោះខ្ញុំជាអ្នកនាំចូល ។
បន្ទាប់មក លោកបានបញ្ជាឲ្យក្បួនរថយន្តដឹកគោយកទឹកដោះចេញដំណើរបន្ត ដោយលោកយល់ថា ទីនោះមិនមែនជាកន្លែងត្រួតពិនិត្យស្របច្បាប់ គ្មានកន្លែងច្បាស់លាស់តែជារបៀបកុងត្រូលជជុះតើគេហ៊ានធ្វើអ្វី? ពួកគេមិនបានសហការជាមួយសមត្ថកិច្ចនៅច្រកទ្វារ ហើយមកលួចលាក់របៀបចង់គោះរកលុយ តែបែបយល់ពីកំហុសរបស់ខ្លួន ទើបមានការអនុញ្ញាតឲ្យបន្តដំណើរ ។
លោកបណ្ឌិត សុខ ទូច បញ្ជាក់ថា បើពិតជាសមត្ថកិច្ចមានសមត្ថភាពមែន ឈើកាប់ពេញក្នុងព្រៃម្តេចមិននាំគ្នាទៅចាប់ បែរជាមកចាប់គោចិញ្ចឹមយកទឹកដោះដែលនាំចូលមកស្របច្បាប់ ដើម្បីជួយកាត់បន្ថយការលំបាករបស់កសិករ និងរាជរដ្ឋាភិបាលទៅវិញ ៕ (សម្រួលដោយ៖ ស្រីណា)
ចែករំលែកព័តមាននេះ