ខេត្តកណ្តាល ៖ ស្ត្រីម្នាក់ត្រូវបានចរន្តអគ្គិសនីឆក់យកជីវិតភ្លាមៗ ខណៈទៅងូតទឹកពាងជិតសរសៃដែកសសរមិនទាន់ចាក់ស៊ីម៉ង់តិ៍ចូល ដែលមានខ្សែភ្លើងអំពូលពាក់ជាមួយសរសៃដែក ហើយខ្សែភ្លើងមានតំណរច្រើនឆ្លងចរន្តអគ្គិសនីជាមួយសរសៃដែក នៅពេលនោះជនរងគ្រោះបានយកបោយទឹកដងទឹកងូត ។ ហេតុការណ៍នេះបានកើតឡើងនៅថ្ងៃទី២៨ ខែឧសភា…
ខេត្តកណ្តាល ៖ ស្ត្រីម្នាក់ត្រូវបានចរន្តអគ្គិសនីឆក់យកជីវិតភ្លាមៗ ខណៈទៅងូតទឹកពាងជិតសរសៃដែកសសរមិនទាន់ចាក់ស៊ីម៉ង់តិ៍ចូល ដែលមានខ្សែភ្លើងអំពូលពាក់ជាមួយសរសៃដែក ហើយខ្សែភ្លើងមានតំណរច្រើនឆ្លងចរន្តអគ្គិសនីជាមួយសរសៃដែក នៅពេលនោះជនរងគ្រោះបានយកបោយទឹកដងទឹកងូត ។ ហេតុការណ៍នេះបានកើតឡើងនៅថ្ងៃទី២៨ ខែឧសភា ឆ្នាំ២០១៩ វេលាម៉ោង១៨និង០០នាទី នៅចំណុចផ្ទះឈ្មោះ សៅ រស់ ភូមិបឹងគ្រំលើ ឃុំបឹងគ្រំ ស្រុកល្វាឯម ខេត្តកណ្តាល ។
ជនរងគ្រោះឈ្មោះ ចាន់ សុភ័ណ្ឌ អាយុ៤០ឆ្នាំ ជាតិខ្មែរ មុខរបរកសិករ មានទីលំនៅភូមិបឹងគ្រំ ឃុំបឹងគ្រំ ស្រុកល្វាឯម ខេត្តកណ្តាល ។ ចំពោះសាក្សីបានអោយដឹងថា នៅថ្ងៃទី២៨ ខែឧសភា នេះ វេលាម៉ោងប្រហែល៦ល្ងាចជនរងគ្រោះបានទៅងូតទឹកពាងជិតសរសៃដែកសសរមិនទាន់ចាក់ស៊ីម៉ង់តិ៍ចូល ដែលមានខ្សែភ្លើងអំពូលពាក់ជាមួយសរសៃដែក ហើយខ្សែភ្លើងមានតំណរច្រើនទៀត ឆ្លងចរន្តអគ្គិសនីជាមួយសរសៃដែកនៅពេលនោះជនរងគ្រោះបានយកបោយទឹកដងទឹកងូត ទើបបណ្តាលឲ្យជនរងគ្រោះឆ្លងចរន្តអគ្គិសនីឆក់ដួលនៅលើដីក្បែរនោះភ្លាមនោះកូនរបស់ជនរងគ្រោះឈ្មោះហ៊ន ភារៈ ភេទប្រុស អាយុ១០ឆ្នាំ បានទៅចាប់ទាញម្តាយ តែត្រូវឆក់ដែរ តែមិនបានរងគ្រោះទេ បន្ទាប់មកកូនឈ្មោះរស់ ភារុណ ភេទប្រុស អាយុ១៥ឆ្នាំ បានចូលជួយ រួចក៏រត់ទៅកាច់បិទបារ៉ែត ទើបបានយកម្តាយចេញពីកន្លែងកើតហេតុបាន ។ លុះដល់ម៉ោង៧ព្រឹកជាង ថ្ងៃទី២៩ ទើបបានមករាយការណ៍ឲ្យនគរបាលប៉ុស្តិ៍ ។
កម្លាំងនគរបាលប៉ុស្តិ៍កម្លាំងជំនាញស្រុក លោកមេឃុំ លោកគ្រូពេទ្យមណ្ឌលសុខភាពបឹងគ្រំ លោកមេភូមិ បានពិនិត្យសាកសពសន្និដ្ឋានថា សពជនរងគ្រោះពិតជាស្លាប់ដោយឆក់ចរន្តអគ្គិសនីប្រាកដមែន ។ ចំណែកសពជនរងគ្រោះបានប្រគល់ជូនក្រុមគ្រួសារធ្វើបុណ្យតាមប្រពៃណី ៕ កែសម្រួលដោយ ៖ សុឃាក់
ចែករំលែកព័តមាននេះ