រាជធានីភ្នំពេញ ៖ អស់រយៈពេល១៦ថ្ងៃ យោធាថៃបានអនុវត្តសកម្មភាពឈ្លានពានយោធាដោយខុសច្បាប់ មកលើអធិបតេយ្យ និងបូរណភាពដែនដីកម្ពុជា ហើយទាហានឈ្លានពានថៃជនស៊ីវិលកម្ពុជាចំនួន១៩នាក់បានស្លាប់ របួស៧៩នាក់ និងមានជនភៀសខ្លួនជាង ៥១៨…
រាជធានីភ្នំពេញ ៖ អស់រយៈពេល១៦ថ្ងៃ យោធាថៃបានអនុវត្តសកម្មភាពឈ្លានពានយោធាដោយខុសច្បាប់ មកលើអធិបតេយ្យ និងបូរណភាពដែនដីកម្ពុជា ហើយទាហានឈ្លានពានថៃជនស៊ីវិលកម្ពុជាចំនួន១៩នាក់បានស្លាប់ របួស៧៩នាក់ និងមានជនភៀសខ្លួនជាង ៥១៨ ៦៥១នាក់ ។
ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មានបានឲ្យដឹងតាមប្រព័ន្ធសង្គមតេឡេក្រាមនៅថ្ងៃទី២២ ធ្នូ ឆ្នាំ២០២៥ ថា អស់រយៈពេល១៦ថ្ងៃជាប់ៗគ្នា យោធាថៃបានអនុវត្តសកម្មភាពឈ្លានពានយោធាដោយខុសច្បាប់ មកលើអធិបតេយ្យ និងបូរណភាពដែនដីកម្ពុជា ។
ឯកឧត្តមបានលើកឡើងថា សកម្មភាពទាំងនេះ គឺជាការរំលោភយ៉ាងធ្ងន់ធ្ងរទៅលើធម្មនុញ្ញអង្គការសហប្រជាជាតិច្បាប់អន្តរជាតិ និងគោលការណ៍ទំនាក់ទំនងល្អរវាងប្រទេសជិតខាង។
ឯកឧត្តមបានលើកឡើងទៀតថា រាជរដ្ឋាភិបាលកម្ពុជាសូមថ្កោលទោសយ៉ាងដាច់អហង្ការចំពោះសកម្មភាពឈ្លានពានទឹកដីកម្ពុជានេះ ។ ឯកឧត្តមបានគូសបញ្ជាក់ថា ការឈ្លានពានរបស់យោធាថៃបានមិនវាយប្រហារមកលើកងកម្លាំងប្រដាប់អាវុធកម្ពុជាដែលឈរជើងការពារអធិបតេយ្យជាតិកម្ពុជាប៉ុណ្ណោះទេ ប៉ុន្តែយោធាថៃបានយកជនស៊ីវិល និងហេដ្ឋារចនាសម្ព័ន្ធស៊ីវិលជាគោលដៅក្នុងការវាយប្រហារ»។
ឯកឧត្តមបានលើកឡើងថា រហូតមកដល់ថ្ងៃទី២១ ខែធ្នូ ឆ្នាំ២០២៥ នេះ ដោយសារតែការវាយ ប្រហាររបស់ទាហានឈ្លានពានថៃជនស៊ីវិលកម្ពុជាចំនួន១៩នាក់បានស្លាប់ របួស ៧៩នាក់ និងមានជនភៀសខ្លួនជាង៥១៨ ៦៥១នាក់ ៕
ចែករំលែកព័តមាននេះ