រាជធានីភ្នំពេញ ៖ មកដល់ម៉ោងនេះ នៅតាមទីតាំងមួយចំនួន យោធាថៃនៅតែបន្តសកម្ម ភាពវាយប្រហារមកលើដែនអធិបតេយ្យកម្ពុជានៅឡើយ ។ នេះបើតាមក្រសួងការពារជាតិកម្ពុជា ។ អ្នកនាំពាក្យក្រសួងការពារជាតិ…
រាជធានីភ្នំពេញ ៖ មកដល់ម៉ោងនេះ នៅតាមទីតាំងមួយចំនួន យោធាថៃនៅតែបន្តសកម្ម ភាពវាយប្រហារមកលើដែនអធិបតេយ្យកម្ពុជានៅឡើយ ។ នេះបើតាមក្រសួងការពារជាតិកម្ពុជា ។
អ្នកនាំពាក្យក្រសួងការពារជាតិ លោកជំទាវ ម៉ាលី សុជាតា បានលើកឡើងថា ស្ថានការណ៍ជួរមុខនៅសមរភូមិទិសយោធភូមិភាគទី៥ ក្នុងភូមិសាស្ត្រខេត្តបន្ទាយមានជ័យ ភាគីថៃនៅតែបន្តបាញ់ប្រហារ ដើម្បីឈ្លានពានមកលើដែនអធិបតេយ្យរបស់កម្ពុជា៖ គិតចាប់ពីម៉ោង១៧:០០នាទីល្ងាចថ្ងៃទី២១ ខែធ្នូ ឆ្នាំ២០២៥ រហូតដល់ម៉ោង៨:០០នាទីព្រឹកថ្ងៃទី២២ ខែធ្នូ ឆ្នាំ ២០២៥ថា កាលពីថ្ងៃទី២១ ខែធ្នូ ឆ្នាំ២០២៥នៅ ម៉ោង២០:១៦នាទី យោធាថៃបានប្រើប្រាស់កាំភ្លើងធំបាញ់ផ្លោងចំនួន២គ្រាប់ ចូលក្នុងភូមិសាស្ត្រសង្កាត់អូរឬស្សី ក្រុងប៉ោយប៉ែត ខេត្តបន្ទាយមានជ័យ ។ ម៉ោង២១:០៣នាទី យោធាថៃបានបាញ់ភ្លើងក្រហមលើភូមិសាស្ត្រភូមិព្រៃចាន់ ។
នៅថ្ងៃទី២២ ខែធ្នូ ឆ្នាំ២០២៥ ម៉ោង៤:៣០នាទី យោធាថៃបានបាញ់ភ្លើងក្រហមលើភូមិសាស្ត្រភូមិជោគជ័យ ។ ម៉ោង៤:៣៥នាទី យោធាថៃបានបាញ់ផ្លោងចូលភូមិសាស្ត្រភូមិព្រៃចាន់ ។ ចាប់ពីម៉ោង៤:៣០នាទី ដល់ម៉ោង៥:១៦នាទី យោធាថៃនៅតែបន្តបាញ់ផ្លោងចូលភូមិសាស្ត្របឹងត្រកួន, ភូមិព្រៃចាន់ និងភូមិជោគជ័យ ។ ម៉ោង៥:០២នាទី យោធាថៃបានប្រើប្រាស់យន្តហោះចម្បាំង F-16 ទម្លាក់គ្រាប់បែកចំនួន៤គ្រាប់ ចូលភូមិសាស្ត្របឹងត្រកួន ឃុំគោករមៀត ស្រុកថ្មពួក ខេត្តបន្ទាយមានជ័យ។ ចាប់ពីម៉ោង៥:៣០នាទី ដល់ម៉ោង៦:០៤នាទី យោធាថៃបានប្រើប្រាស់កាំភ្លើងធំប្រភេទ១៥៥ម.ម បាញ់ផ្លោងប្រមាណចំនួន២០គ្រាប់ចូលភូមិសាស្ត្រសង្កាត់ផ្សារកណ្តាល ក្រុងប៉ោយប៉ែត។
ម៉ោង៥:៤៩នាទី យោធាថៃបានបន្តបាញ់ផ្លោងយ៉ាងសន្ធាប់ចូលភូមិសាស្ត្របឹងត្រកួន។ម៉ោង៥:៥០នាទី យោធាថៃបានបាញ់ផ្លោងចូលភូមិសាស្ត្រភូមិព្រៃចាន់ និងភូមិជោគជ័យ។ ម៉ោង៦:០៣នាទី យោធាថៃបន្តបាញ់ផ្លោងជ្រំចូលខាងក្រោយភូមិសាស្ត្រភូមិព្រៃចាន់ និងភូមិជោគជ័យ។
ម៉ោង០៦:០៥នាទី រហូតដល់ម៉ោង ម៉ោង ៧:៥២នាទី កម្លាំងថ្មើរជើងរបស់យោធាថៃអមរថពាសដែក បន្ទាប់មកបានប្រើរថក្រោះព្យាយាមរុលមកខាងមុខភូមិសាស្ត្រភូមិព្រៃចាន់ និងបឹងត្រកួន។ម៉ោង ៦:២០នាទី យោធាថៃបានប្រើប្រាស់កាំភ្លើងធំ១៥៥មម ផ្លោង ៤គ្រាប់ចូល ភូមិសាស្ត្រ ឃុំអូរស្រឡៅ ស្រុកម៉ាឡៃ ខេត្តបន្ទាយមានជ័យ។ ម៉ោង៧:០៣នាទី យោធាថៃបានបាញ់ផ្សែងពុលលើភូមិសាស្ត្រភូមិព្រៃចាន់។
អ្នកនាំពាក្យបានបញ្ជាក់ថា«មកដល់ម៉ោងនេះនៅតាមទីតាំងមួយចំនួន យោធាថៃនៅតែបន្តសកម្មភាពវាយប្រហារមកលើដែនអធិបតេយ្យកម្ពុជានៅឡើយ ប៉ុន្តែកងកម្លាំងរបស់យើងកំពុងប្រយុទ្ធតស៊ូយ៉ាងស្វិតស្វាយ និងបន្តតាមដានយ៉ាងយកចិត្តទុកដាក់ និងប្រុងប្រយ័ត្នខ្ពស់ជានិច្ច» ៕
ចែករំលែកព័តមាននេះ