រាជធានីភ្នំពេញ ៖ សារដាស់តឿនពីលោកជំទាវបណ្ឌិត ពេជ ចន្ទមុន្នី ៖ «ប្រែការឈឺចាប់ ឱ្យទៅជាការខិតខំប្រឹងប្រែង ដើម្បីកសាងជាតិឱ្យរឹងមាំ» ។…
រាជធានីភ្នំពេញ ៖ សារដាស់តឿនពីលោកជំទាវបណ្ឌិត ពេជ ចន្ទមុន្នី ៖ «ប្រែការឈឺចាប់ ឱ្យទៅជាការខិតខំប្រឹងប្រែង ដើម្បីកសាងជាតិឱ្យរឹងមាំ» ។ នៅក្នុងកាលៈទេសៈដែលប្រទេសជាតិកំពុងជួបប្រទះនូវសោកនាដកម្ម និងការឈឺចាប់ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានផ្ញើសារយ៉ាងមានអត្ថន័យជ្រាលជ្រៅ ដើម្បីលើកទឹកចិត្តដល់កូនខ្មែរ និងយុវជនគ្រប់រូប ។
ជាក់ស្តែងលោកជំទាវបណ្ឌិត ពេជ ចន្ទមុន្នី ស្ត្រីទី១នៃកម្ពុជា បានប្រកាសនៅលើបណ្តាញសង្គមហ្វេសប៊ុកនាយប់ថ្ងៃទី២១ ខែធ្នូ ឆ្នាំ២០២៥នេះថា ៖ សូមអោយកូនខ្មែរ យុវជនយើងទាំងអស់គ្នា យកការឈឺចាប់លើកនេះ ប្រែក្លាយទៅជាការខិតខំប្រឹងប្រែងរៀនសូត្រ ពង្រឹងសមត្ថភាពរបស់យើងម្នាក់ៗ រៀនអោយមានជំនាញរៀងៗខ្លួន ពីព្រោះនៅពេលដែលធនធានមនុស្សយើងខ្លាំង ប្រជាពលរដ្ឋយើងសាមគ្គីគ្នា យើងនឹងកសាងប្រទេសយើងអោយលូតលាស់បានតទៅទៀត ។
សូមរំលឹកថា សារនេះមិនត្រឹមតែជាការលួងលោមចិត្តក្នុងគ្រាអាសន្នប៉ុណ្ណោះទេ ប៉ុន្តែ គឺជាការកំណត់ទិសដៅសម្រាប់អនាគតកម្ពុជា ដែលទាមទារឱ្យយុវជនជំនាន់ក្រោយត្រូវស្វាហាប់ និងមានសមត្ថភាពខ្ពស់ ដើម្បីការពារ និងអភិវឌ្ឍជាតិឱ្យកាន់តែរុងរឿង៕
ចែករំលែកព័តមាននេះ