ប្រទេសមីយ៉ាន់ម៉ា ៖ ប៉ូលិសមីយ៉ាន់ម៉ារាយការណ៍កាលពីថ្ងៃទី២៩ ឧសភាថា តុលាការប្រទេសនេះ បានចេញដីកាចាប់ខ្លួនពីបទបង្កចលាចល ប្រឆាំងសង្ឃពុទ្ធសាសនាមួយអង្គ ព្រះនាម WIRATHU ជាអ្នកជាតិនិយមដែលតែងធ្វើសេចក្ដីថ្លែងការណ៍ប្រឆាំងអ៊ិស្លាម។
សង្ឃ WIRATHU ជាកម្មវត្ថុនៃខ្សែភាពយន្តឯកសារមួយរបស់លោក BARBET SCHROEDERកាលពីឆ្នាំ២០១៧រឿង LE VENERABLE W ជាសង្ឃជាតិនិយមល្បី១អង្គក្នុងរឿងនយោបាយ ហើយលេចធ្លោខ្លាំងនៅមីយ៉ាន់ម៉ាតាំងពីចាប់ផ្ដើមការឆ្លងកាត់នយោបាយ ក្នុងប្រទេសនោះពីឆ្នាំ២០១១មក។ សង្ឃអង្គនោះបង្កើនវោហាសាសន៍ ប្រឆាំងពួកអ៊ិស្លាមមីយ៉ាន់ម៉ាពិសេសពួករ៉ូហ៊ីងយ៉ា ហើយក៏បរិហារផងដែរដល់រដ្ឋាភិបាលរបស់លោកស្រីអ៊ួងសាន់ស៊ូជីនិងកងទ័ព។
ជាប់ការចោទប្រកាន់ពីបទបង្កចលាចល សង្ឃអង្គនោះអាចមានទោសជាប់ពន្ធនាគារដល់៣ឆ្នាំ៕ (កែសម្រួលដោយ ៖ បុប្ផា)
ចែករំលែកព័តមាននេះ