ខេត្តព្រះសីហនុ ៖ តាមសេចក្តីរាយការណ៍បឋមបានឲ្យដឹងថា នៅព្រឹកថ្ងៃទី២៣ ឧសភា២០១៩នេះ បុរសម្នាក់ត្រូវបានគេស្គាល់ថា ឈ្មោះ យឿង អឹម អាយុ៣៨ឆ្នាំ មានមុខរបរធ្វើស្រែ មានទីលំនៅភូមិអុង ឃុំរាមស្រុកព្រៃនប់ ខេត្តព្រះសីហនុ ត្រូវបានគេប្រទះឃើញដេកស្លាប់ជាមួយនឹងស្នាមរបួស មុតដោយអាវុធមុខស្រួចចំនួន៣រន្ធនៅជាប់នឹងខ្លួនជនរងគ្រោះ នៅចំនុចលើទំនប់ជាប់ស្រែបង្គារ ស្ថិតក្នុងភូមិឃុំខាងលើ ។
សេចក្តីរាយការណ៍បានបន្តថា ក្រោយពិនិត្យសាកសពរួចត្រូវបានសមត្ថកិច្ចនគរបាលស្រុកបានអោយដឹងថា អាចជាករណីឃាតកម្មជាក់ស្តែង ព្រោះនៅលើខ្លួនជនរងគ្រោះ គឺមានស្នាកស្នាមមុត ដោយអាវុធចុងស្រួចបីរន្ធចាក់ក្នុងពេលតែមួយ (សង្ស័យជាស្នរមុខបី) ។
សមត្ថកិច្ចបានបន្តទៀតថា ករណីនេះសមត្ថកិច្ចកំពុងស្រាវជ្រាវមុខសញ្ញាយ៉ាងយកចិត្តទុកដាក់បំផុត ដើម្បីចាប់ជនដៃដល់មកកាត់ទោសតាមច្បាប់ ស្របពេលដែលអត្តសញ្ញាណត្រូវបានកំណត់បានខ្លះៗហើយ ៕ (កែសម្រួលដោយ ៖ សុឃាក់)
ចែករំលែកព័តមាននេះ