ខេត្តកណ្តាល ៖ អ្នកស្រីបានបន្សល់ទុកសំបុត្រ១ច្បាប់ ដែលសរសេរលើក្រដាសសៀវភៅ៣សន្លឹករៀបរាប់ពីការទ្រាំលែងបានតទៅទៀត ទើបជ្រើសរើសយកវិធីដោយការស្លាប់នេះ ។ គួររលឹកថា ស្ត្រីរូបនេះ បានធ្វើអត្តឃាតដោយយកកាំភ្លើងរបស់ប្តី ដែលទុកក្នុងរថយន្តមកបាញ់សម្លាប់ខ្លួន…
ខេត្តកណ្តាល ៖ អ្នកស្រីបានបន្សល់ទុកសំបុត្រ១ច្បាប់ ដែលសរសេរលើក្រដាសសៀវភៅ៣សន្លឹក
រៀបរាប់ពីការទ្រាំលែងបានតទៅទៀត ទើបជ្រើសរើសយកវិធីដោយការស្លាប់នេះ ។ គួររលឹកថា ស្ត្រី
រូបនេះ បានធ្វើអត្តឃាតដោយយកកាំភ្លើងរបស់ប្តី ដែលទុកក្នុងរថយន្តមកបាញ់សម្លាប់ខ្លួន កាលពីថ្ងៃទី
២០ ឧសភា វេលាម៉ោង៤ និង៣០នាទីរសៀល នៅចំណុចកំពង់ទឹកទន្លេ ភូមិខ្សាច់ ឃុំអរិយក្សត្រស្រុក
ល្វាឯម ។ នេះបើតាមការបញ្ជាក់របស់លោក ហេង សុផល អធិការនគរបាលស្រុកល្វាឯម ។
ស្ត្រីដែលធ្វើអត្តឃាតនេះឈ្មោះ ណុប វណ្ណី អាយុ៣៤ឆ្នាំ មុខរបរលក់ដូរ មានទីលំនៅក្នុងភូមិទួលមាស
ឃុំអរិយក្សត្រ មានប្តីឈ្មោះ អ៊ុក ជីវ៉ា អាយុ៤៣ឆ្នាំ ជាមន្ត្រីនគរបាលឋានៈនាយផ្នែកការិ យាល័យស៊ើបអង្កេតនិងអនុវត្តនីតិវិធី នៃនាយកដ្ឋានអន្តោប្រវេសន៍ ។
លោកអធិការ ហេង សុផល ឱ្យដឹងថា មុនពេលកើតហេតុ អ្នកស្រី ណុប វណ្ណី បានទៅងូតទឹកលេងនៅទន្លេមេគង្គចំណុចកោះខ្សាច់ជាមួយប្តី និងកូនចំនួន៣នាក់ គឺ ង៉ែត ជីវ៉ា វ៉ាន់នីតា ភេទស្រី អាយុ១៣ឆ្នាំ ង៉ែត វ៉ាន់នីកា ភេទស្រី អាយុ៩ឆ្នាំ និង ង៉ែត ជីវ៉ាយុត្ថាគង្គ ភេទប្រុស អាយុ៧ឆ្នាំ និងក្មួយស្រីចំនួន២នាក់គឺ សេង សុខលាង អាយុ១៣ឆ្នាំ និង គង់ ស្រីឡែន អាយុ១៣ឆ្នាំដូចគ្នា ។
ប៉ុន្តែពេលទៅងូតទឹកទន្លេនោះ អ្នកស្រី ណុប វណ្ណី មិនបានចុះងូតទេ គឺសម្រាកក្នុងរថយន្ត លុះដល់ម៉ោងជាង៤រសៀល ពេលប្តីឡេីងពីងូត ទឹកវិញមកដល់រថយន្ត ស្រាប់តែឃើញប្រពន្ធដេក ហេីយមានឈាមហូរលេីដៃស្តាំនៅក្នុងរថយន្តដោយដៃស្តាំគងលេីភ្លៅឆ្វេង និងកាំភ្លេីងខ្លីជ្រុះនៅក្បែរភ្លៅឆ្វេង និងស្នាមគ្រាប់កាំភ្លើងបាញ់ចំសៀតផ្កាខាងស្តាំដោយមានគ្រាប់បៀមជាប់ចំណុចថ្ងាស ។
ភ្លាមនោះ បុរសជាប្តីបានដឹកប្រពន្ធមកផ្ទះ ហេីយទៅប្តឹងនគរបាលប៉ុស្តិ៍អរិយក្សត្រ ។ តាមប្អូនស្រីបង្កេីត
គឺអ្នកស្រី ណុប ស្រីរ័ត្ន និយាយថា បងស្រីធ្វើអត្តឃាតព្រោះតែមានជំងឺវះក និងដោយភាពរ៉ាំរ៉ៃនៃជំងឺពិបាកទ្រាំ និងចង់សម្លាប់ខ្លួនជាច្រេីនលេីកមកហេីយកាលពីមុន ។ (សម្រួលដោយ៖ ស្រីណា)
ចែករំលែកព័តមាននេះ