រលំសង្កត់ផង ខូចខាតផ្ទះច្រើនខ្នងផង នៅទួលសង្កែ​ (មានវីដេអូ​)


រាជធានី​ភ្នំពេញ ៖ តាម​សេចក្តីរាយការណ៍​បឋម​បានឱ្យ​ដឹង​ថា ក្រោយ​ពេល​មេឃ​ភ្លៀង និង​ខ្យល់​កន្ត្រាក់​រួច​មក បាន​បណ្តាល​ឱ្យ​រលំ​បង្គោល​ភ្លើង​សង្កត់​លើ​រថយន្ត​ធុន​ធំ​សណ្តោង​រ៉ឺ​ម៉ក​មួយ​គ្រឿង ម៉ាក​ហ៊ី​ណូ ពណ៌​លឿង ពាក់​ស្លាក​លេខ ភ្នំពេញ ៣A-២២២៧ និង​បណ្តាល​ឱ្យ​រង​ការ​ខូចខាត​ផ្ទះ​ចំនួន​៩​ខ្នង នៅ​ផ្លូវ​១៨០០ ក្រុម​ទី​៣ ភូមិ​បឹង​រាំង សង្កាត់​ទួល​សង្កែ​ទី​២ ព្រមទាំង​បណ្តាល​ឱ្យ​រលំ​ដើមឈើ​១​ដើម និង​រង​ការ​ខូចខាត​ប៉ុស្តិ៍​សន្តិសុខ​យាម​នៅ​តាម​ផ្លូវ​ចូល​បូ​រី​អង្គរ ។

ហេតុការណ៍​ខាងលើ​នេះ​បាន​កើតឡើង​កាលពី​វេលា​ម៉ោង​៣​រសៀល​ថ្ងៃ​ទី​២១ ខែឧសភា ឆ្នាំ​២០១៩ នៅ​ចំណុច​ផ្លូវ​១៧២៩ ក្រុម​៤ ភូមិ​ទួល​ពពែ សង្កាត់​ទួល​សង្កែ​ទី​២ ខណ្ឌឫស្សីកែវ រាជធានី​ភ្នំពេញ ។

តាម​សេចក្តីរាយការណ៍​បាន​បន្ត​ថា ដើមឈើ​ធំ​ៗ​ចំនួន​៤​ដើម​តាម​សួនច្បារ​ផ្លូវ​ចូល​បុរី​អង្គរ ក៏​ត្រូវ​ខ្យល់​បក់​បោក​បណ្តាល​ឱ្យ​រលំ​ផង​ដែរ ។ ព័ត៌មាន​លម្អិត​នឹង​មាន​ផ្សាយ​នៅ​លើ​ទំព័រ​កាសែត​កោះសន្តិភាព ៕ (កែសម្រួលដោយ ៖ ធីតា)

Facebook Google Twitter Email

ព្រឹត្តិការណ៍សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ